YAĆHACHICUY 4
¿Mayanmi Dios?
Unay tiempupimi nunacunaca adorapäcula achca dioscunacta. Bibliaca limayan juc Dios “lluy Diospipis mas poderniyü caśhampimi” (2 Crónicas 2: 5, TNM). ¿Mayanmi pay? ¿Imapïmi pay mas poderniyü juc dioscunapi? Cay yaćhachicuycäćhu paypimi yaćhanqui.
1. ¿Imam Diospa śhutin, pay munanchun śhutinta yaćhananchicta?
Quiquim Diosmi Bibliaćhu caynüta nin: “Ya’ami Jehová cayä. Caymi śhutï” (liguicuy Isaías 42: 5, 8, TNM). Hebreo limayćhu, ima ninanmi Diospa śhutin, “paymi imapis can’a munaynin lulaśha cananpä”. Jehová munanmi śhutinta lisinanchicta (Éxodo 3:15, TNM). Yaćhananchicta munalmi śhutinta Bibliaćhu escribichila 7000 mas niyüta. a Diospa śhutin Jehovami, ‘payllam cielućhu allpaćhu Dios’ (Deuteronomio 4:39, TNM).
2. ¿Imactam willamanchic Bibliaca Jehovapi?
Bibliaca nin, nuna achca dioscunacta adoraśhancunapi’a, Jehovallactam adorananchic. ¿Imapïmi payllacta adorananchic? Jehovallam Mandacüca “jinantin pachäćhu” (liguicuy Salmo 83:18). Pay “Lluy-poderniyümi” cay ninanmi pay lluy munayninta lulan’am. Pay Licalichicämi paymi lulala “llapa imacunactapis”, lluy cielućhu lluy allpaćhu cäcunata (Apocalipsis 4:8 ,11, TNM). Jehovapa cawsaynin’a manam allaycuyninpis nï camacayninpis canchu (Salmo 90:2).
MASTA YAĆHAYCUŚHUN
Cayćhumi yaćhaśhun Dios śhutichacula achcawanmi, pero jucllayllam śhutin’a. Yaćhaśhuntacmi imanuypam lisichimanchic Bibliaćhu, ñatac imapïmi yaćhananchicta munan śhutinta.
3. Dios śhutichacula achcawanmi, pero jucllayllam śhutin’a
Nunapis śhutichaculcan achcawanmi, pero jucllayllam śhutin’a, licaśhun VIDEUCTA ñatac limaśhun caypi:
-
Taytay o Dios śhutichun caycuna, ¿ima ninquim?
Bibliaca nin nunacuna adorapäcun achca dioscunacta taytachacunacta. Liguiśhun Salmo 136:1-3 ñatac limaśhun caypi:
-
Llapan dioscunapi, ¿mayanmi Lluy-poderniyü?
4. Jehová munan śhutinta lisinanchictam ñatac limananchictam
¿Imanuypam yaćhanchic Jehová śhutinta lisinanchicta munaśhanta? Licaśhun VIDEUCTA ñatac limaśhun caypi:
-
¿Imapïmi Jehová munan śhutinta lisinanchicta?
Jehová munan nunacuna śhutinta limananta. Liguiśhun Romanos 10:13 ñatac limaśhun caypi:
-
¿Imapïmi alli puydin Diospa śhutinta limananchic?
-
¿Mayanpis śhutiquip ayaśhuptiqui imanuymi sintinqui?
-
¿Imanuymi Jehová sienten śhutinta limaptinchic?
5. Jehová munan amigun canayquitam
Juc walmi Soten śhutiyü Camboya lädupi nila: Diospa śhutinta yaćhayca alli cushicuymi. Licaśhun VIDEUCTA ñatac limaśhun caypi:
-
Video licaśhanchicnü, ¿Soten walmita imanuypam yanapala Diospa śhutinta yaćhaluptin?
Mayanpapis amigun cananchicpä puntacta śhutintam yaćhanchic. Liguiśhun Santiago 4:8a ñatac limaśhun caypi:
-
¿Imactam munan Jehová am lulanayquita?
-
Diospa śhutinta yaćhal ñatac limaptiqui’a, ¿yanapaśhunquichun payman aśhuycunayquipä?
WAQUINCUNA NIPÄCUN: “Diosninchic’a jucllam masqui ima śhutiyüpis cäcuchun”.
-
¿Rasunpachun Diospa śhutin Jehová?
-
¿Imanuypam yaćhachinquiman juccunacta Diospa śhutinta limananpä?
IMACTAM YAĆHALUNCHIC
Yaćhalunchicmi Diospa śhutin Jehovami. Pay munanmi śhutinta yaćhananchicta limananchicta amigun cananchicpä.
Yalpaśhun
-
¿Imapïmi Jehová mana juc dioscunawan igualchu?
-
¿Imapïmi Diospa śhutinta limananchic?
-
¿Dios munanchun am amigun canayquita? ¿Imanuypam yaćhanchic cayta?
MASTA YAĆHANAYQUIPÄ
¿Imanuypam yaćhanchic Dios caśhanta? Chayta yaćhanayquipä cayta liguiy.
Yaćhay siempre Dios calañam, liguicuy.
Cayćhumi yaćhanqui hebreo limayćhu Diospa śhutinta, masqui mana limaśhanta yaćhalpis, liguicuy.
Diospa śhutin jucllam, chayta yaćhanayquipä cayta liguiy.
a Diospa śhutinta masta yaćhayta munaptiqui’a ñatac imapïmi waquin Bibliacunaćhu manam Diospa śhutinta escribipäculachu, licay apéndice A4 nishanta La Biblia. Traducción del Nuevo Mundo.
