04 YACHANA PARTI
Diosca pitan
Callari timpumanda, runagunaga chican sami dioscunata adorashcauna. Chasna ashahuas, Bibliaga shuc “dioscunamandas mas yali” sirtu Dios tiacta nin (2 Cronicas 2:5). Chi sirtu Diosca pitan. Imahuata mas atun Dios an ninchi. Cai yachana partibi, Dios imasa ashcata yachai.
1. Diosca shutiyuc chan, imahuata paiba shutita yachana anchi
Bibliaibimi Diosllata ricsichirin. Pai nin: “Ñuca Jehova mani. Cai ñuca shuti man” (Isaias 42:5, 8ta leipai). Hebreo shimibi Jehova shutiga pai ima munashcata pactachic man nisha nin. Jehovaga runaguna paihua shutita ricsinauchun munan (Exodo 3:15). Imahuata chasna ninchi. Paiba shutiga Bibliaibi 7.000 yali cutin ricurichun quillcachira. a Allpaibi cieloibi “sirtu quiquin Yaya Dios”, Jehova shuti man (Juan 17:3).
2. Bibliaga Jehovamanda imatata yachachin
Bibliaga tucui dioscunamanda Jehovallami sirtu Dios an nin. Jehovaga tucuita mandac man. Paillami “tucui allpamanda mas Atun Dios” an (Salmo 83:18ta leipai). Jehovaga “atun ushaita charic Dios” man. Pai rana munashcata pactachinllami. Jehovaga tucuita rac Dios man. Paiga “tucuitami rashca”: cieloibi tiaccuna, cai allpaibi tiaccunas, Jehova rashca manaun (Apocalipsis 4:8, 11). Chasnallata, Jehovaga huiñaimanda paillami tiashca, huiñaigama paillami tianga (Salmo 90:2).
CAIMANDA MASTA YACHAI
Runaguna Diosta señor, dios nishcata yachashahuas, paiga shuc shutillata charishcatami yachangaraunchi. Chasnallata, Diosca paihua shutita ricsinauchun munan. Imahuata paiba shutita ricsina anchi.
3. Diosta señor, dios nishcata yachashahuas, paiga shuc shutillatami charin
Shuc runata, huarmiyuc, huahuayuc ninata ushanchi. Chasna ashahuas, paiga shuc shutillata charin. Caimanda masta yachangahua cai VIDEOTA ricuichi, huasha cai tapuimanda cuintanacuichi:
-
Diosta señor o dios nina randiga imahuata paiba shutita rimana anchi.
Bibliaga runaguna ashca dioscunata adorashcata yachachin. Salmo 136:1-3ta leichi, huasha cai tapuimanda cuintanacuichi:
-
“Shuc dioscunata mandac Diosca” pitan.
4. Jehovaga can paihua shutita ricsisha rimachun munan
Imashinata yachanchi Jehova paiba shutita ricsichina munashcata. VIDEOTA ricuichi, huasha cai tapuimanda cuintanacuichi:
-
Jehovaga imahuata paiba shutita ricsinauchun munan.
Jehovaga runaguna paiba shutita rimanauchun munan. Hechos 2:21ta leichi, huasha cai tapuigunamanda cuintanacuichi:
-
Imahuata Jehovahua shutita rimana anchi.
-
Shuc runa camba shutibi rimacpi imashinata sintiringui.
-
Jehovaga can paiba shutibi rimacpi imashinata sintirin.
5. Jehova canba amigo tucunata munan
Camboya llactamanda Soten nishca huarmi, “Diospa shutita ricsishaga cushillami sintirini” nira. VIDEOTA ricuichi, huasha cai tapuimanda cuintanacuichi:
-
Videoibi ricushca shina, Sotenga Diospa shutita ricsisha, imashinata sintirira.
Maican runahuan amigo tucungahua pundaga paiba shutita ricsinchi. Santiago 4:8 punda partita leichi, huasha cai tapuigunamanda cuintanacuichi:
-
Jehovaga can imata rachunda munan.
-
Diospagma caillayangahua paiba shutita ricsisha rimana chanchi. Imahua.
MAICANGUNAGA CASNAMI NINAUN: “Diosca shuclla man, paiba shutita mana rimanata minishtinchichu”.
-
Canga Diospa shuti Jehova ashcata quiringuichu.
-
Imashinata Dios paiba shutita ricsina munashcata intindichinguima.
IMATA YACHASHCANGUI
Sirtu Diospa quiquin shutiga Jehova man. Paiga huinguna paiba shutita ricsinauchun munan. Jehovahua amigo tucungahua paiba shutita rimana manchi.
Yachashcata cuintai
-
Jehovaga imahuata shuc dioscunamandas mas atun Dios an.
-
Imahuata Diospa shutita rimana anchi.
-
Jehovaga imahuata camba amigo tucunata munan.
CANLLATA MASTA YACHAI
Dios tiashcata pichca yuyaigunata yachai.
Dios huiñaimanda tiashcata yachai.
Callari timpuiga imasa Diospa shutita rimashcata mana yachashca chara. Chasna ashahuas, imaraicu paihua shutita rimana ashcata yachai.
Ima shutibita Diosta rimana anchi. Imahuata ninchi Diosca shuc shutillatami charin nisha.
“Diosca masna shutigunatata charin” (jw.org internet pistuibi)
a Diospa shuti ima nisha nishcata, imahua maican Bibliagunamanda Diospa shutita anchuchishcata, La Biblia. Traducción del Nuevo Mundo nishcaibi apéndice A4ibi masta yachai.
