LEKTIONA 04
Koon hi o Dewel?
Jaake rah har menshe denna, patsenn un mangenn le ap deblende. I bibla penell, kote della jek Dewel, kai “hi bareder har hako wawar dewel” (2. Familjakro Liil 2:4, 5). Koon hi ko Dewel? Hoi krell les bareder, har kola wawaren? An kaja lektiona dikeh tu, hoi o Dewel kamella, te djiness tu pral leste.
1. Har kharell o Dewel un har nai djinah mer, kai kamell lo, te djinas leskro lab?
An i bibla penell o Dewel menge, har job kharella. Job penella: “Me hum o baro Dewel [Jehowah, NWT], kowa hi miro lab.” (Dik pal an Jesaja 42:5, 8). Ko lab “Jehowah” hi an i hebretiki tchip jaake har “Job mukell te well.” Job penell menge, har job kharella. Jaake haiwah: Job kamell, te djinas kowa (2. Mose 3:15). An i bibla was leskro lab budeder har 7 000 koppe tchinlo! a O Jehowah hi o tchatcho Dewel, “dell kek wawar Dewel har o baro Dewel kokres. Kek wawar dewel hi an o bolepen un witar gar ap i phub” (5. Mose 4:39).
2. Hoi penell i bibla pral i Jehoweste?
I bibla penell, kai hi o Jehowah o tchatcho Dewel. Hoske job un kek wawar? Kokres les hi pral halauter penepaske. Kokres job hi “o pralstuno rai ap i tseli phub” (Dik pal an Gilja 83:18, 19). Job hi o “rai pral halauter”, jaake haiwah mer: An leste hi koi soor, te nai krell lo halauter kowa, hoi job kamella. Job kerdas “o bolepen un i phub”, o universo un o tselo djipen ap i phub (Debleskro Tsiro 4:8, 11). Kek wawar — kokres o Jehowah — djiwas an hako tsiro un djiwella an hake tsirja (Gilja 90:2).
RODAS DUREDER
Kanna dikeh, kai hi i Debles — ninna te hi les bud title — kokres jek lab. Ninna dikeh, har job tuke peskro lab penella un hoske job kowa kras.
3. I Debles hi bud title, kokres jek lab
An ko video well sikedo, kai hi i titla wawartchandes har i lab. Te dikan o VIDEO, rakrenn khetne pral:
-
Hoi hi wawartchandes mashkral i lab un i titla, har kanna “rai”?
An i bibla hi tchinlo, kai denna bud deble un bud raja. Dikenn pal an Gilja 136:1-3, un rakrenn khetne pral:
-
Koon hi “bareder har i tsele debla” un “hi rai pral i tsele rajende”?
4. O Jehowah kamell, te djinas leskro lab un te rakras les win
Hoi sikrell, kai kamell o Jehowah kowa? Te dikan o VIDEO, rakrenn khetne pral:
-
Hoi penals tu: Kamell o Jehowah, te djinas leskro lab?
O Jehowah kamell, kai rakras leskro lab win. Dikenn pal an Joel 3:5 [2:32, NWT], un rakrenn khetne pral:
-
Hoske hunte rakras mer o Debleskro lab Jehowah win?
-
Har hi tuke kowa, te djinell jek, koon tu hal un penell ap tute tiro lab?
-
Hoi penals tu: Har hi i Debleske kowa, te peneh ap leste leskro lab Jehowah?
5. O Jehowah kamell, te wess leskro maal
I djuwel dran o them Kambodscha, joi kharella Soten, penas, kai hi lake kowa “o barester bacht, hoi della”, kai djinell li, har o Dewel kharella. Te dikan o VIDEO, rakrenn khetne pral:
-
Har his lake kowa, har joi haiwas, har o Dewel kharella?
Dui te wenn mala, djinenn jon pengre laba. Dikenn pal an Jakobo 4:8a, un rakrenn khetne pral:
-
Hoi penell o Jehowah ap tute?
-
Hi tuke kowa mishto, te djineh un te rakreh o Debleskro lab wi, tu te kameh i maal o Deblestar te well?
BUD PENENNA: “Kote dell kokres jek Dewel. Hi jek, hoi mer ap leste penah.”
-
Penals tu ninna, kai kharell o Dewel Jehowah?
-
Har sikrals tu i wawareske, kai kamell o Dewel, te rakras leskro lab wi?
HOI KATE PENLO WAS
O lab o tchatcho Deblestar hi Jehowah. Job kamell, te djinas un te rakras leskro lab wi, te was i maal lestar.
Hoi penals tu?
-
Hoi krell, kai hi o Jehowah wawartchandes, har kola tsele wawar deble?
-
Hoske rakras o Debleskro lab wi?
-
Hoi sikrella, kai kamell o Jehowah, te wess i maal lestar?
BUDEDER
Kate nai dikeh pal pantch argumente, hoske mer nai djinah, kai della i Dewel.
Kate nai drawereh, hoske mer nai patsah, kai was o Dewel gar kerdo.
“Koon das o Debles o djipen?” (O Gardeskro Kher, August 1, 2014)
Kate hatseh, hoske mer o Debleskro lab hunte rakras wi, ninna te djinah buder gar exakt, har leskro lab an o phuro tsiro wi rakedo was.
Kate well tuke sikedo: Hunte djinas mer o Debleskro lab? Hoske well penlo, kai hi les kokres jek lab?
a An i romni bibla dell i versiona o Debleskro labestar an Tchatchepangre mursha 6:24, ninna dell i tikni versiona leskro labestar an Debleskro Tsiro 19:1. Te kameh budeder pral o lab o Deblestar te djinell un hoske leskro lab dran bud bible win lino was, dik an O Palstuno Tchinepen A4 an I bibla — An o Newo Swetteskro Rakepen.
