4 ӶЛАВА
Ко о чачуно Дэл?
Андэ Библия пистромэ, кай исин ек чачуно Дэл, саво май баро всаворэ дэвлэндар (2 Летопись 2:5). Но почти вся и время и мануша тэлён разнонэ дэвлэнди. Тоди, пала саво Дэл пистромэ андэ Библия и васо во май баро аврэ дэвлэндар. Андэ кадэя ӷлава ту уӷанэса, со о Дэл камэл тэ росԥэнэн пала пэстэ.
1. а) Сар ақарэн лэ Дэвлэс? б) Васо во камэл, кай амэ лэс тэ ақарас па алавэстэ?
О Дэл екжэно ԥэнэн, сар лэс ақарэн, и пала када пистромэ андэ Библия. Во ԥэнэн: «Мэ Иегова. Када мэрно алав». (Адиносар Исаия 42:5, 8.) Лэ Дэвлэско алав па еврейско шыб пэрэандярдёлпэ, сар Иегова и сыкавэл, кай «Во дэл тэ ашэл». Екжэно о Иегова камэл, кай амэ тэ ӷанас лэско алав (Исход 3:15). Но катар амэ када ӷанас? Амэ када ӷанас анда Библия, важ кода кай котэ лэ Дэвлэско алав пистромэ май бут чем 7 000 разоря a. Кадэва алав кати кай о «чачуно Дэл» (Второзаконие 4:39).
2. Со ту уӷанэса анда Библия пала Иегова?
И мануша тэлён разнонэ дэвлэнди, но андэ Библия пистромэ, кай кати о Иегова ек чачуно Дэл. Васо? Важ кода кай лэ Иеговастэ со май бари власть, во «ек Всевышнё па вся ԥув». (Адиносар Псалом 83:18.) Кадяжэ во стердя вся, со исин пэ люма (Откровение 4:8, 11). Инке, о Иегова Всемоӷущё и во можэт тэ стерэл вся, со загиндосардя. Кадяжэ кати о Иегова сас и авэла вся и вечность (Псалом 90:2).
УӶАНАМ МАЙ БУТ
Андэ кадэя ӷлава амэ подаса дума пала кода, сар ақарэн лэ Дэвлэс и пала лэстирэ титулоря. Инке уӷанаса, сар и васо во ԥэндя лэ манушэнди пэско алав.
3. Кай о Дэл кати ек алав, хоть и титулоря бут
Кай тэ полас, сави разница машкар о алав и титуло, диқам о ВИДЕО и подам дума пала вопросо, саво посли видео.
-
Андэр со разница машкар лэ Дэвлэско алав и титуло «Ӷосподь»?
Андэ Библия кадяжэ пистромэ, кай и мануша полэн бутэ дэвлэн. Адиносарам Псалом 136:1—3 и подам дума пала вопросо, саво тэлэ.
-
Ко Дэл «пэ всаворэ дэвла» и ко правителё, «пэ всаворэ правителя»?
4. О Иегова камэл, кай ту тэ ԥэнэс лэско алав
Андар со дицол, кай о Иегова камэл, кай ту тэ ӷанэс, сар лэс ақарэн? Диқам о ВИДЕО и подам дума пала вопросоря, савэ посли видео.
-
Сар ту гиндос, камэл о Дэл, кай ту тэ ӷанэс лэско алав чи най? Васо ту кадя гиндос?
О Иегова камэл, кай и мануша тэ ақарэн лэс па алавэстэ. Адиносарам Римлянам 10:13 и подам дума пала вопросоря, савэ май тэлэ.
-
Трэбуй чи най тэ ԥэнэс лэ Дэвлэско алав?
-
Чалёл тути, кала авэр сэрэн, сар тут ақарэн и кала ақарэн тут па алавэстэ?
-
Ай лэ Иеговасти чалёл, кала ту ақарэс лэс па алавэстэ?
5. О Иегова камэл, кай ту тэ авэс лэско друӷо
Ек жувли анда Камбоджа, савя ақарэн Сотен, ԥэндя, кай вой сас фартэ радо, кай уӷангля, сар ақарэн лэ Дэвлэс. Диқам о ВИДЕО и подам дума пала вопросо, саво посли видео.
-
Со сас андэ жызня кай и Сотен посли кода, сар вой уӷангля лэ Дэвлэско алав?
Кай варико тэ авэл тирэ друӷоса, спэрва трэбуй тэ уӷанэс, сар лэс ақарэн. Адиносарам Иакова 4:8а и подам дума пала вопросоря, савэ тэлэ.
-
Со камэл о Иегова, кай ту тэ стерэс?
-
Васо, кала ту лэса тэ ақарэс лэ Дэвлэс па алавэстэ, ту сможэш тэ авэс лэстирэ друӷоса?
ТУТИ ВАРИКО МОЖЭТ ТЭ ԤЭНЭН: «Дэл, май во и исин Дэл, лэстэ нинай алав».
-
Патяс ту, кай лэ Дэвлэско алав, Иегова?
-
Сар ту росԥэндоп, кай о Дэл камэл, кай и мануша тэ ақарэн лэс па алавэстэ?
ПАЛА СО АМЭ ДЯМ ДУМА?
Анда кадэя ӷлава амэ уӷанглям, кай о Иегова, када о алав еқэ чачунэ Дэвлэско. Во камэл, кай амэ тэ ақарас лэс па алавэстэ и через када во авэла важ амэндэ май пашэ.
Сар ту гиндос?
-
Соса о Иегова на шолпэ пэ авэр дэвла, савэн полэн и мануша?
-
Васо трэбуй тэ ԥэнас лэ Дэвлэско алав?
-
Андар со дицол, кай о Иегова камэл, кай ту тэ авэс лэстирэ друӷоса?
ДИК ИНКЕ
Росԥэн, васо о мануш можэт тэ патял, кай о Дэл исин.
Проадиносар, васо можно тэ патяс, кай о Дэл сас вся и время.
«Ко создал лэ Дэвлэс?» («Сторожэво башня» лэ 1 августостар пала 2014 бэрш)
Уӷан, васо всаек трэбуй тэ ԥэнэс лэ Дэвлэско алав, хоть адес нико и на ӷанэн, сар лэс ԥэнэнас пэ дэлмутни еврейско шыб.
Трэбуй чи най тэ ақарас лэ Дэвлэс па алавэстэ? Проадиносар, васо можно тэ ԥэнэс, кай лэ Дэвлэстэ кати ек алав.
a Май бут пала лэ Дэвлэско алав, ай кадяжэ, васо най андэ всаворэ Библии во пистромэ, ту сможэш тэ уӷанэс, кала диқэса Прилажэния А4, сави исин андэ «Библия. Переводо „Нэво миро“».
