Kete na peko ti so azo abâ gigi, ala voro gbâ ti anzapa na anzapa-wali. Ye oko, Bible asara tënë ti mbeni Nzapa so “ayeke kota ahon tanga ti anzapa kue.” (2 Chronique 2:5). A yeke Nzapa wa? Nyen la asara si lo yeke kota ahon tanga ti anzapa kue so azo ayeke voro? Na yâ ti ye ti manda so, gi ti hinga aye so Nzapa ni so aye ti tene mo hinga na ndö ti lo.

1. Iri ti Nzapa ayeke zo wa? Nyen la afa so lo ye ti tene e hinga ni?

Nzapa wani afa iri ti lo na e na yâ ti Bible. Lo tene: “Mbi yeke Jéhovah. So ayeke iri ti mbi la.” (Diko Ésaïe 42:​5, 8). Iri “Jéhovah” ayeke mbeni iri na Hébreu so na bango ni ndani aye ti tene “Lo so asara si ye aga mbeni ye wala ye abâ gigi.” Jéhovah aye si e hinga iri ti lo (Exode 3:​15). E hinga ni tongana nyen? Iri ti lo ayeke na yâ ti Bible ahon 7 000. a Iri Jéhovah ayeke ti “tâ Nzapa na yayu kâ nga na ndö ti sese ge.”​—Deutéronome 4:39.

2. Bible afa na e nyen na ndö ti Jéhovah?

Bible afa na e so na popo ti anzapa kue so azo ayeke voro, gï Jéhovah oko la ayeke tâ Nzapa. Ngbanga ti nyen? Araison ni ayeke mingi. Jéhovah ayeke na komandema na ndö ti aye kue, nga gï lo oko la lo yeke “na nduzu na ndö ti aye kue, na ndö ti sese kue.” (Diko Psaume 83:​18). “Ngangu ti lo ahon angangu kue,” so ti tene lo yeke na ngangu ti sara ye kue so lo soro ti sara. Lo la lo “sara aye kue”: dunia nga na aye kue so ayeke na fini na ndö ti sese (Apocalypse 4:​8, 11). Gï Jéhovah la ayeke dä lakue, nga lo yeke duti dä lakue lakue.​—Psaume 90:2.

 4. Jéhovah aye si mo hinga iri ti lo na mo di ni

5. Jéhovah aye ti tene mo ga kamarade ti lo

 NA NDURU TËNË

Jéhovah ayeke iri ti oko tâ Nzapa. Lo ye si e hinga iri so na e di ni tongaso si e lingbi ti ga nduru na lo.

Dango bê

• Tongana nyen la Jéhovah ayeke nde na tanga ti anzapa kue so azo ayeke voro?

• Ngbanga ti nyen la a lingbi e di iri ti Nzapa?

• Nyen la afa so Jéhovah aye ti tene mo ga nduru na lo?