දන්න කාලේ ඉඳලා මිනිස්සු එක එක දෙවි දේවතාවන්ට වන්දනාමාන කරනවා. හැබැයි බයිබලයේ කතා කරනවා “සියලු දෙවිවරුන්ට වඩා උතුම්” දෙවි කෙනෙක් ගැන. (2 ලේකම් 2:5) ඒ කවුද? අනිත් දෙවිවරුන්ට වඩා ඔහු උතුම් කියලා කියන්නේ ඇයි? ඔයා දෙවියන් ගැන මොන දේවල් දැනගන්නවාටද ඔහු කැමති? මේ පාඩමෙන් ඒ ගැන දැනගන්න.

1. දෙවියන්ගේ නම මොකක්ද? ඒක අපි දැනගන්නවාට ඔහු කැමතියි කියලා අපි දන්නේ කොහොමද?

දෙවියන්ම තමන් කවුද කියලා අපිට හඳුන්වලා දෙනවා. ඒක තියෙන්නේ බයිබලයේ. දෙවියන් කියනවා “මාගේ නාමය යෙහෝවා” කියලා. (යෙසායා 42:5, 8 කියවන්න.) “යෙහෝවා” කියන්නේ හෙබ්‍රෙව් භාෂාවේ නමක්. විද්වතුන් කියන විදිහට ඒකේ තේරුම “තමන්ගේ අරමුණ, තමන් අදහස් කරන දේ ඉටු කරන තැනැත්තා” කියන එක. යෙහෝවා දෙවියන් කැමතියි අපි ඔහුගේ නම දැනගන්නවාට. (නික්මයාම 3:15) එහෙම කියන්නේ ඇයි? දෙවියන් ඔහුගේ නම බයිබලයේ 7,000 වාරයකටත් වැඩිය ඇතුළත් කරලා තියෙනවා. a යෙහෝවා කියන නම අයිති ‘ස්වර්ගයට සහ පොළොවට’ ඉන්න එකම සැබෑ දෙවියන්ට විතරයි.—ද්විතීය කතාව 4:39.

2. බයිබලයේ යෙහෝවා දෙවියන් ගැන කියන්නේ මොනවාද?

මිනිස්සු ගොඩක් දෙවි දේවතාවන් ඇදහුවත් බයිබලයේ කියන්නේ සැබෑ වූ එකම දෙවියන් යෙහෝවා කියලා. ඒකට හේතු කීපයක්ම තියෙනවා. යෙහෝවා දෙවියන් “මුළු පොළොවටම මහෝත්තම දෙවි.” ඔහුට වඩා උසස් කෙනෙක් නැහැ. (ගීතාවලිය 83:18 කියවන්න.) ඔහු තමයි “සියලු බලැති” දෙවියන්. ඒ නිසා ඕනෙම දෙයක් කරන්න බලය ඔහුට තියෙනවා. විශ්වය, පොළොව සහ පොළොවේ තියෙන “සෑම දෙයක්ම සෑදුවේ ඔහුයි.” (එළිදරව් 4:8, 11) පටන්ගැන්මක්වත් අවසානයක්වත් නැති යෙහෝවා දෙවියන් විතරයි හැමදාටම ඉඳලා තියෙන්නේ.—ගීතාවලිය 90:2.

 4. යෙහෝවා දෙවියන් කැමතියි ඔයා ඔහුගේ නම දැනගෙන ඒක පාවිච්චි කරනවාට

5. යෙහෝවා දෙවියන් කැමතියි ඔයා ඔහුගේ යාළුවෙක් වෙනවාට

 ඉගෙනගත්ත දේ

එකම සැබෑ දෙවියන්ගේ නම යෙහෝවා. ඒ නම දැනගෙන, ඒක පාවිච්චි කරනවාට දෙවියන් කැමතියි. එහෙම කරද්දී ඔහුගේ යාළුවෙක් වෙන්න අපිට පුළුවන්.

ඔයා හිතන්නේ මොකක්ද?

• මිනිස්සු අදහන අනිත් හැම දෙවි කෙනෙකුටම වඩා යෙහෝවා දෙවියන් විශේෂයි කියන්නේ ඇයි?

• අපි දෙවියන්ගේ නම පාවිච්චි කරන්න ඕනෙ ඇයි?

• ඔයා යෙහෝවා දෙවියන්ගේ යාළුවෙක් වෙනවාට ඔහු කැමතියි කියලා කියන්න පුළුවන් ඇයි?