ROSO 04
Maganu Ayeti?
Mannu ooso hundinni kayisse addi addi maganna magansidhanni keeshshitino. Ikkollana, Qullaawu Maxaafi “wole maganna baalantenni roore jawa ikkinohu” mittu Magani noota kulanno. (2 Duduwo 2:5) Hakku Magani ayeti? Qoleno kuni Magani wole maganna baalanta roorannohu mayinniiti? Konni rosira, Maganu isi daafira maa afattora hasiˈrannoro rosatto.
1. Maganu suˈmi ayeti? Maganu suˈmasi anfammora hasiˈrannota mayinni anfeemmo?
Maganu Qullaawu Maxaafi giddo ayimmasi kulinonke. Isi togo yiino: “Ani Yihowaati. Suˈmiˈyano konneeti.” (Isayaasi 42:5, 8, NW) Batinye xiinxallaano yitanno garinni, “Yihowa” yine tirroonnihu Ibiraawootu qaali, “Ikkanno Gede Assanno” yitanno tiro afiˈrino. Yihowa suˈmasi anfammora hasiˈranno. (Fulo 3:15) Tenne mayinni anfeemmo? Isi suˈmasi Qullaawu Maxaafi giddo 7,000 saˈˈanno bayicho borreessinanni gede assino! a Yihowa “iima gordoho, uulla baattote” halaalaanchu Magani suˈmaati.—Marro 4:39.
2. Qullaawu Maxaafi Yihowa daafira maa kulannonke?
Qullaawu Maxaafi, mannu ooso magansidhanno maganna baalante giddo halaalaanchu Magani Yihowa calla ikkinota kulanno. Hiitto? Hatto yineemmo gede assannonkehu batinyu coyi no. Yihowate geeshshi roorre afiˈrinohu dino; hakko daafira “baattote aana Woˈmunkura Aliidihu” iso callaati. (Faarso 83:18 nabbawi.) Isi ‘Woˈmanka Dandaannoho’; hatto yaa, assara hedinore baalankare assa dandaanno yaate. Isi “baalanka” yaano kalqete alameno ikko uullate aana heeshsho afiˈrinore woˈmankare ‘kalaqinoho.’ (Yohaannisi Ajuuja 4:8, 11) Qoleno, hanafono gawalono noosikkihu Yihowa callaati.—Faarso 90:2.
LEDDE XIINXALLI
Maganunnihu suusu suˈminna baxxino suˈmisi mereero noo badooshshe ledde rosi. Hakkiinni, isi suˈmasi ninkera kulinonkehu hiittoonniitironna mayiraatiro rosatto.
3. Maganoho batinyu suusu suˈmi noosiha ikkirono, suˈmisi mittoholla
Suusu suˈminna suˈmu mereero noo badooshshe afate, VIIDIYO laˈe; hakkiinni aante noo xaˈmo hasaabbe.
-
“Mooticha” yinannihu suusu suˈminna suˈmu mereero noo badooshshi maati?
Qullaawu Maxaafi mannu batinye magannanna mootoolla magansiˈrannota kulanno. Faarso 136:1-3 nabbabbe; hakkiinni aante noo xaˈmo hasaabbe:
-
‘Maganna baalanta roorino Maganinna’ ‘mootoollate Mootichi’ ayeti?
4. Yihowa suˈmasi afattoranna woshshattora hasiˈranno
Yihowa suˈmasi afattora hasiˈrannota leellishannori maati? VIIDIYO laˈe; hakkiinni aante noo xaˈmuwa hasaabbe.
-
Yihowa suˈmasi anfammora hasiˈrannoha lawannohe? Hatto yoottohu mayiraati?
Yihowa mannu suˈmasi woshshara hasiˈranno. Roomu Sokka 10:13 (NW) nabbabbe; b hakkiinni aante noo xaˈmuwa hasaabbe:
-
Yihowa yinanniha Maganu suˈma woshsha lowo geeshsha hasiissannota ikkitinohu mayiraati?
-
Mittu manchi suˈmakki qaage suˈmikkinni woshshihero mayi macciishshamannohe?
-
Yihowara suˈmasi woshshatto woyite mayi macciishshamannosiha lawannohe?
5. Yihowa jaalasi ikkattora hasiˈranno
Kamboodiyaho heedhannoti Soteni yinanni mancho, Maganu suˈma afase lowo geeshsha hagiirsiissinoseta coyidhino. VIIDIYO laˈe; hakkiinni aante noo xaˈmo hasaabbe.
-
Viidiyote giddo laˈnummonte gede, Soteni Maganu suˈma afase kaaˈlitinosehu hiittoonniiti?
Roore anga, mittu manchira jaala ikkineemmohu balanxe suˈmasi anfummorooti. Yaiqoobi 4:8a nabbabbe; hakkiinni aante noo xaˈmuwa hasaabbe:
-
Yihowa maa assattora koyisinohe?
-
Maganu suˈma afakkinna suˈmasi woshshakki isiwa shiqatto gede kaaˈlitannohehu hiittoonniiti?
MITU MANNI TOGO YAANNO: “Maganu mittoho; hakko daafira, baxitto suˈminni woshshittosirono qarru dino.”
-
Maganu suˈmi Yihowa ikkinota ammanatto?
-
Maganu suˈmasi woshshinammora hasiˈrannota mannaho kula dandaattohu hiittoonniiti?
XAPHISHSHA
Yihowa mittu halaalaanchu Magani suˈmaati. Isi jaallasi ikka dandiineemmo gede suˈmasi anfammoranna woshshinammora hasiˈranno.
Kageeshsha Rosoottore
-
Yihowa mannu magansiˈrannote wole maganna baalantenni baxxannohu mayinniiti?
-
Maganu suˈma woshsha hasiissannonkehu mayiraati?
-
Yihowa jaalasi ikkattora hasiˈrannota leellishannori maati?
EGENNO LEXXI
Maganu noota leellishshannota onte ammansiissanno taje xiinxalli.
Maganu woˈmanka woyite nooha ikkinota ammana garaho yineemmohu mayiraatiro nabbawi.
“Magano Kalaqinohu Ayeti?” (Agarooshshu Shae, Woxawaajje 1, 2014)
Hundi waro Maganu suˈma woshshinanni gara xa anfoonnikkiha ikkirono, Maganu suˈma woshsha hasiissannonkehu mayiraatiro rosi.
Magano banxummo suˈminni woshshinummorono qarru dino? Maganoho mittu suˈmi callu noosi yineemmohu mayiraatiro huwati.
a Maganu suˈmi afiˈrino tironna mite Qullaawu Maxaafi tiro giddo kuni suˈmi hooginohu mayiraatiro ledde afate, Maganu Qaale Xiinxalli yitanno borro giddo “Maganu Suˈma Ibiraawootu Afiite Qullaawa Borro Giddo” yaannoha nabbawi.
b Roomu Sokka 10:13 (NW): “Yihowa suˈma woshshannohu baalu gatanno.”
Kurino Lai
DUUCHU MANNI XAˈMANNO XAˈMO
Yihowa Farciˈraasine Qullaawa Maxaafa Xiinxallissannohu Hiittoonniiti?
Yihowa Farciˈraasine ledo Qullaawa Maxaafa woxe baaxxittokkinni xiinxallatto woyite, baxoottota Qullaawu Maxaafi tiro horoonsiˈra dandaatto. Xiinxallokkira maatekki gudisse woy jaallakki koyisa dandaatto.
