WOTO 04
Ambë da Gadu?
Dusudusu jaa kaa libisëmbë ta dini sömëni gadu. Ma di Bëibel ta taki taa wan Gadu dë di „hei möön hii dee woto Gadu” (2 Kloniki 2:5). Ambë da di Gadu dë? Nöö andi ta mbei a hei möön hii dee woto gadu di sëmbë ta dini? A di woto aki, woo luku andi di Gadu aki kë fii ko sabi fëën.
1. Andi da di në u Gadu, nöö faandi mbei u dë seiki taa a kë fuu sabi di në fëën?
Gadu ta kai hën në da u a di Bëibel. A taa: „Mi da Jehovah, mi në di dë.” (Lesi Jesaaja 42:5, 8.) Di në „Jehovah”, da wan Hebelejën në di kë taki „Mi sa ko dë andi mi kë ko dë”. Jehovah kë fuu sabi di në fëën (Ëkisodesi 3:15). Unfa u du sabi di soni dë? A mbei sëmbë sikifi di në fëën buta a di Bëibel, möön leki 7000 pasi! a Di në Jehovah, da di në u „di tuutuu Gadu u liba ala ku goonliba aki”.—Detolonomi 4:39.
2. Andi di Bëibel ta konda da u u Jehovah?
Di Bëibel ta piki u taa u hii dee gadu di libisëmbë ta dini, Jehovah da di wan kodo tuutuu Gadu. Faandi mbei? Wë sömëni soni dë di mbei. Jehovah wanwan tö da di „Kaba Heiwan u hii di mundu”. (Lesi Psalöm 83:18.) Hën da di sëmbë di abi „hii makiti a mundu”, nöö di soni dë kë taki taa a abi di makiti u du hii soni di a kë du. Hën „mbei hii soni” a liba ala ku goonliba aki tuu (Akoalimbo 4:8, 11). Jehovah da di wan kodo sëmbë di bi dë sensiten kaa, nöö a o dë u teego tu.—Psalöm 90:2.
WOTO SONI DI I SA LEI
Woo luku unfa dee peipei fasi fa de ta kai Gadu tooka ku di apaiti në fëën. Söseei woo luku unfa a mbei u ko sabi di në fëën, nöö faandi mbei a du ën.
3. De ta kai Gadu a peipei fasi, ma a abi wan kodo në nöö
I sa kai wan sëmbë a peipei fasi, ma an dë di wan seei soni kuma te i bi o kai ën nëën në. Pëë di FËLÖN, nöö piki di hakisi aki.
-
Andi da di tooka u di wöutu „Masa” ku di në u wan sëmbë?
Di Bëibel ta lei u taa sëmbë ta dini sömëni gadu ku sömëni masa. Lesi Psalöm 136:1-3, nöö piki di hakisi aki:
-
Ambë da „Gadu u dee gadu” ku „Masa u dee masa”?
4. Jehovah kë fii sabi di në fëën, söseei a kë fii ta kai ën nëën në
Andi ta lei taa Jehovah kë fii sabi hën në? Pëë di FËLÖN, nöö piki dee hakisi aki.
-
I si kuma Jehovah kë fuu sabi hën në u? Faandi mbei a kë fuu sabi ën?
Jehovah kë u sëmbë ta kai ën nëën në. Lesi Loomë 10:13, nöö piki dee hakisi aki:
-
Faandi mbei u musu ta kai Jehovah nëën në?
-
Unfa i ta fii te wan sëmbë an fëëkëtë i në?
-
Unfa i si kuma Jehovah ta fii te i ta kai ën nëën në?
5. Jehovah kë fii ko dë hën mati
Wan mujëë u Kambodia di de ta kai Soten bi taki taa di a bi ko sabi di në u Gadu, hën di soni dë bi heepi ën faa ko ta „fii bunu seei.” Pëë di FËLÖN, nöö piki di hakisi aki.
-
Unfa Soten bi ta fii di a ko sabi di në u Gadu?
Ufö i ko dë mati ku wan sëmbë, nöö di fosu soni di i ta ko sabi fëën, da hën në. Lesi Jakobosi 4:8a, nöö piki dee hakisi aki:
-
Andi Jehovah ta kai i fii du?
-
Unfa di sabi di joo ko sabi Gadu në, söseei di kai di joo ta kai ën nëën në, sa heepi i fii ku ën ko dë mati?
SO SËMBË TA TAKI TAA: „Wan kodo Gadu nöö dë, nöö aantoobi unfa i ta kai ën.”
-
I ta biibi taa Jehovah da di në u Gadu ö?
-
Unfa i bi o konda da wan sëmbë taa Gadu kë fuu ta kai ën nëën në?
ANDI I LEI?
Jehovah da di në u di tuutuu Gadu. A kë fuu ko sabi hën në, söseei a kë fuu ta kai ën nëën në fuu ku ën sa ko dë mati.
Andi i bi o piki?
-
Unfa Jehovah tooka u hii dee woto gadu di sëmbë ta dini?
-
Faandi mbei u musu ta kai Gadu nëën në?
-
Andi ta lei taa Jehovah kë fii ko dë hën mati?
WOTO SONI DI I SA LUKU
Lesi di woto aki fii si feifi soni di ta lei u taa Gadu dë tuutuu.
Lesi di woto aki fii si faandi mbei u sa biibi taa Gadu bi dë sensiten kaa.
Lesi di woto aki fii si faandi mbei u musu ta kai Gadu nëën në, hii fa wa sabi unfa sëmbë bi ta kai ën na awooten.
A abi toobi unfa u ta kai Gadu ö? Lesi di woto aki fii si faandi mbei u sa taki taa a abi wan kodo tuutuu në nöö.
a Ee i kë sabi möön soni andi di në u Gadu kë taki, söseei ee i kë sabi faandi mbei sëmbë puu di në fëën a so u dee Bëibel, nöö luku woto 1 u di brochure Studeri Gado Wortu moro fini.
