LES 04
Suma na Gado?
Dusundusun yari kaba, libisma e anbegi furu gado. Ma Bijbel e sori taki wan Gado de di „bigi moro ala tra gado” (2 Kroniki 2:5). Suma na a Gado dati? Èn fu san ede a bigi moro ala tra gado di sma e anbegi? Na ini a les disi yu o kon sabi a Gado disi moro bun.
1. San na Gado en nen èn fa wi du sabi taki a wani taki wi sabi en nen?
Na ini Bijbel Gado e taigi wi san na en nen. A e taki: „Mi na Yehovah. Dati na mi nen.” (Leisi Yesaya 42:5, 8.) Furu sabiman e taki dati a nen „Yehovah” na a vertaling fu a Hebrew nen di wani taki „A e meki kon tron”. Yehovah wani taki wi sabi en nen (Eksodes 3:15). Fa wi du sabi dati? A meki sma skrifi en nen moro leki 7000 leisi na ini Bijbel! a Yehovah na a nen fu „a tru Gado na hemel èn na grontapu”.—Deuteronomium 4:39.
2. San Bijbel e leri wi fu Yehovah?
Bijbel e taki dati fu ala den gado di libisma e anbegi, Yehovah wawan na a tru Gado. Fu san ede wi kan taki dati? Fu di Yehovah wawan na „a Moro Heiwan fu heri grontapu”. (Leisi Psalm 83:18.) Wan tra sani na taki en na „a Almaktiwan”. Dati wani taki dati a abi a makti fu du iniwan sani di a wani. Na en „meki ala sani” na hemel èn na grontapu (Openbaring 4:8, 11). Yehovah na a wan-enkri sma di no ben abi wan bigin èn a o tan fu ala ten.—Psalm 90:2.
SORTU TRA SANI YU KAN LERI?
Wi o si taki den difrenti fasi fa sma e kari Gado, a no a srefi leki a nen fu en. Wi o si tu fa a meki wi kon sabi a nen fu en èn fu san ede a du dati.
3. Sma e kari Gado na difrenti fasi, ma a abi wán nen nomo
Yu kan kari wan sma na difrenti fasi, ma toku a no a srefi leki te yu e kari en na en nen. Prei a FELEM èn taki fu na aksi disi:
-
Fu san ede a wortu „Masra” a no wan nen?
Bijbel e taki dati sma e anbegi furu gado nanga masra. Leisi Psalm 136:1-3 èn taki fu na aksi disi:
-
Suma na „a Gado fu den gado” èn „a Masra fu den masra”?
4. Yehovah wani taki yu sabi en nen èn taki yu gebroiki en
Fa yu sabi taki Yehovah wani taki yu sabi en nen? Prei a FELEM èn taki fu den aksi disi:
-
Yu denki taki Yehovah wani taki sma sabi en nen? Fu san ede yu e taki dati?
Yehovah wani taki sma gebroiki en nen. Leisi Romesma 10:13 èn taki fu den aksi disi:
-
Fu san ede a prenspari fu gebroiki Gado nen Yehovah?
-
Fa yu e firi te sma no e frigiti yu nen èn te den e kari yu na yu nen?
-
Fa yu denki taki Yehovah e firi te yu e gebroiki en nen?
5. Yehovah wani taki yu tron en mati
Wan uma fu Kambodya di nen Soten, taki dati a kon moro koloku di a kon sabi Gado en nen. Prei a FELEM èn taki fu na aksi disi:
-
Fa Soten ben feni en di a kon sabi Gado en nen?
Fosi yu kan tron wan sma en mati, yu musu sabi fa a nen. Leisi Yakobus 4:8a èn taki fu den aksi disi:
-
San Yehovah wani taki yu musu du?
-
Te yu sabi Gado en nen èn te yu e gebroiki en, dan fa dati kan yepi yu fu tron wan moro bun mati fu en?
SON SMA E TAKI: „A no abi trobi fa yu e kari Gado.”
-
Yu e bribi taki Yehovah na Gado en nen?
-
Fa yu ben o sori wan sma taki Gado wani taki wi gebroiki en nen?
SAN YU LERI?
Yehovah na a nen fu a wan-enkri tru Gado. A wani taki wi sabi en nen èn taki wi gebroiki en. Dati o yepi wi fu tron mati fu en.
Fa yu ben o piki den aksi disi?
-
Fu san ede Yehovah no de leki den tra gado di sma e anbegi?
-
Fu san ede wi musu gebroiki Gado en nen?
-
Fa yu du sabi taki Yehovah wani taki yu tron en mati?
TRA SANI DI YU KAN LUKU
Na artikel disi e taki fu feifi sani di e sori taki wan Gado de.
Fu san ede wi kan bribi taki Gado ben de ala ten kaba?
Na artikel disi e sori fu san ede wi musu gebroiki Gado nen, awinsi wi no sabi fa sma ben kari en fosi.
Son sma e taki dati a no abi trobi fa wi e kari Gado. A sani disi tru? Na artikel disi e sori fu san ede wi kan taki dati Gado abi wán nen nomo.
