PĚNGANGĚNDUNGANG 04
I Sai Mawu?
Su kanandụu sejarah, taumata seng něněmbah lawọ mawu arau dewa-dewi. Katewe, Alkitapẹ̌ naul᷊ị piạ sěmbaụ Mawu ”limembong mawantugẹ̌ bọu kěbị mawu wal᷊inẹ”. (2 Tawarikh 2:5) I sai i Sie? Kụ, apa nakakoạ si Sie limembong mawantugẹ̌ bọu kěbị mawu sẹ̌sěmbang taumata? Su pěngangěndungang ini, mahi měmanda kerea Mawu nělahẹ watangeng’E si kau.
1. I sai Mawu, kụ apa buktine i Sie mapulu i kitẹ makasingkạ areng’E?
Su ral᷊ungu Alkitapẹ̌, Mawu nělahẹ watangeng’E si kitẹ. I Sie naul᷊ị, ”Iạ Yehuwa. Ndaị ene areng-Ku.” (Basa Yesaya 42:5, 8.) ”Yehuwa” ene kai terjemahan areng Ibrani kụ tumuhụ manga ahli ene mangal᷊ene ”I Sie Nakakoạ Nariadi”. Yehuwa mapulu i kitẹ makasingkạ areng’E. (Keluaran 3:15) Apa buktine? Su Alkitapẹ̌, arengu Mawu kạbawohẹ nal᷊iu bọu 7.000 su sul᷊ẹe! * Yehuwa kai arengu ”Mawu nihino su langị dingangu su dunia”.—Ulangan 4:39.
2. Apa niul᷊ịu Alkitapẹ̌ soal i Yehuwa?
Alkitapẹ̌ naul᷊ị bọu kěbị mawu arau dewa-dewi sẹ̌sěmbangu taumata, kětạeng Yehuwa Mawu tutune. Kawe nụe? Piạ piram baụ alasange. Yehuwa kai ”Karangetange su patikụ dunia”, hakị u ene kětạeng i Sie piạ wewenang karangetange. (Basa Mazmur 83:18.) I Sie ”Makawasa”, ene mangal᷊ene i Sie piạ kawasa gunang měkoạ kěbị apa ikẹ̌kapulu-Ne. Kụ, i Sie lai ”něndiadi kěbị haghi”, sarang lai alam semesta dingangu kěbị makhluk hidup su dunia. (Wahyu 4:8, 11) Bọu ene lai, kětạeng Yehuwa sěntiniạ ene dongkeng kangerẹ, kụ i Sie sarung turusẹ̌ ene sarang karěngụe.—Mazmur 90:2.
BANGKA PAKARAL᷊UNG
I kitẹ sarung měngěndung pẹ̌tatěntange arengu Mawu dingangu manga titele. Bọu ene, i kitẹ lai sarung měngěndung kerea dingangu kawe nụe i Sie něhabarẹ̌ areng’E si kau.
3. Titelu Mawu mal᷊awọ, katewe areng’E kětạeng sěmbaụ
Gunang makasingkạ pẹ̌tatěntange titelẹ̌ dingangu areng, putarẹ̌ VIDEONE, bọu ene bisarai kakiwal᷊o ini.
-
Apa pẹ̌tatěntange titelẹ̌, kere ”Mawu”, dingangu areng?
Alkitapẹ̌ naul᷊ị taumata měnẹ̌němbah lawọ mawu arau dewa-dewi. Basa Mazmur 136:1-3, bọu ene bisarai kakiwal᷊o ini:
-
I sai ”Mawu su wowong haghing mawu”?
4. Yehuwa mapulu i kau makasingkạ dingangu měpakẹ areng’E
Apa buktine Yehuwa mapulu i kau makasingkạ areng’E? Putarẹ̌ VIDEONE, bọu ene bisarai kakiwal᷊o ini.
-
Tumuhụ si kau, kawe nụe Yehuwa mapulu i kitẹ makasingkạ areng’E?
Yehuwa mapulu taumata měpakẹ areng’E. Basa Roma 10:13, bọu ene bisarai manga kakiwal᷊o ini:
-
Kawe nụe měpakẹ areng i Yehuwa ene sěbạe penting?
-
Kerea pěndangu mạeng piạ u nakatahěndung arengu kụ nẹ̌kui si kau dingangu arengu?
-
Tumuhụ si kau, kerea pěndang i Yehuwa su tempong i kau něpakẹ areng’E?
5. Yehuwa mapulu i kau mẹ̌těngkarani si Sie
Sěngkatau wawine bọu Kamboja arenge Soten nẹ̌bera su apang bọu nakasingkạ arengu Mawu i sie nakapěndang limembong mal᷊uasẹ̌. Putarẹ̌ VIDEONE, bọu ene bisarai kakiwal᷊o ini.
-
Su apang bọu nakasingkạ arengu Mawu, apa pěngarune si Soten?
Těntal᷊ang bědang tawe nědal᷊ahapị dingangu sěngkatau, i kau harusẹ̌ makasingkạ arenge. Basa Yakobus 4:8a, bọu ene bisarai manga kakiwal᷊o ini:
-
Yehuwa mapulu i kau měkoạ apa?
-
Kawe nụe makasingkạ dingangu měpakẹ arengu Mawu makatul᷊ung si kau limembong marani dingang’E?
PIẠ U NAUL᷊Ị: ”Kětạeng sěmbaụ to Mawu, hakị u ene tawe mariadi soalẹ̌ kerea i kitẹ kumui si Sie.”
-
Apa i kau mangimang arengu Mawu ene kai Yehuwa?
-
Kerea i kau botonge mělahẹ su taumata wal᷊inẹ Mawu mapulu i kitẹ měpakẹ areng’E?
RINGKASAN
Arengu Mawu nihino ene kai Yehuwa. I Sie mapulu i kitẹ makasingkạ dingangu měpakẹ areng ene tadeạu i kitẹ botonge marani dingang’E.
Apa seng nikaěndungangu?
-
Kawe nụe Yehuwa nẹ̌tatěntang bọu manga mawu arau dewa-dewi sẹ̌sěmbangu taumata?
-
Kawe nụe i kitẹ harusẹ̌ měpakẹ arengu Mawu?
-
Apa buktine Yehuwa mapulu i kitẹ mẹ̌těngkarani si Sie?
PĚMANDA LAI
Kawe nụe i kitẹ botonge mangimang Mawu kahěngang-hěngang ene? Basạe lima bukti nilahẹ su artikel ini.
Kawe nụe masuẹ̌ su akal᷊ẹ̌ mangimang Mawu sěntiniạ ene?
Maning i kitẹ běga kerea kangerẹ arengu Mawu nisěbạ, kawe nụe i kitẹ harusẹ̌ měpakẹ areng ene?
Apa i kitẹ botonge mẹ̌kui Mawu měpakẹ haghing areng? Kawe nụe i kitẹ botonge mangimang arengu Mawu kětạeng sěmbaụ?
^ par. 5 Gunang makasingkạ mal᷊awọ soal u mangal᷊ene arengu Mawu dingangu kawe nụe su piram baụ terjemahan Alkitapẹ̌ tawẹ apa areng ene, pěmandạe Lampiran A4 su Kitab Suci Terjemahan Dunia Baru.
