Japalí jonsa piré echi pagótami, chotásili bichiwia echi dioses. Nalí echi Biblia ko aní japi nirú bilé Onorúami japi “walubéala ju jarecho dioses yúa” (2 Crónicas 2:5). ¿Jépuká ju? ¿Chúsiá walubéala ju jarecho dioses yúa japi echi pagótami bichiwi? Jenaʼí mi binema japi Onorúami nakí japi mi machimea.

1. ¿Chu riwé Onorúami, alí chúriká ta machí japi echi ko nakí japi tamujé machiboa echi riwalá?

Echoná Bíbliachi, Onorúami binoy aní jepi ju: “Nijé ju Jeobá. Echi riká ni riwewi” (leeri Isaías 42:5, 8). Onorúami riwalá “Jeobá”, oserúami nili hebreo niraa, echi pagótami we machíami aní japi Jeobá aniwáami ju “isimí japi echi riká ikimea”. Jeobá ko nakí japi ta machiboa binoy riwalá (Éxodo 3:15). ¿Chuti riká machí? Jiti echi binoy isili japi 7,000 simírikami a chukumea echi riwalá echoná Biblia. Jeobá ko ju “echi Onorúami ne bichíwali ripá riwigachi alí jenaʼí wichimóbachi” (Deuteronomio 4:39).

2. ¿Piri aní echi Biblia Jeobá jitra?

Japi ikí dioses bichiwi echi pagótami, echoná Biblia aní japi echi Jeobá bi ne bichíwali ju. ¿Chúsiá? Jiti Jeobá ju “echi ne wabé Walubéala omáana wichimóbachi” (leeri Salmo 83:18). Echi ko “ne wabé omériami ju”, jepuná aniwáami ju japi omero isiá suwaba japi binoy nakí. Ayénachó echi niwali “ne suwaba namuti” japi ikí nirú ripá alí suwaba japi nirú jenaʼí Wichimóbachi (Apocalipsis 4:8, 11). Ayénachó Jeobá bi ju japi sinibí bité alí japi sinibí bitélima (Salmo 90:2).

 4. Jeobá ko nakí japi mujé machimea alí néema echi riwalá

5. Jeobá ko nakí japi mi echi amígowala nima

 JAPI MI BINELI

Pe Jeobá bi ju echi Onorúami ne bichíwali. Jeobá ko nakí japi mujé machimea alí néema echi riwalá jiti echi riká Onorúami amígowala nipo.

Piri mi animea

• ¿Chúsiá ke chopi iyiri ju Jeobá jarecho dioses yúa japi echi pagótami bichiwi?

• ¿Chúsiá ti néesaré echi Onorúami riwalá?

• ¿A nakí Jeobá japi ta echi amígowala nipo? ¿Chúsiá echi riká mi aní?