ደቂ ሰብ ካብ ዚፍጠሩ ኣትሒዞም ንብዙሓት ኣማልኽቲ ኣምሊኾም እዮም። መጽሓፍ ቅዱስ ግና ንሓደ ኣምላኽ፡ “ካብ ኵሎም ኣማልኽቲ ዚዓቢ” ኸም ዝዀነ ገይሩ ይገልጾ። (2 ዜና መዋእል 2:5) ንሱ መን እዩ፧ ካብ ኵሎም እቶም ሰባት ዜምልኽዎም ኣማልኽቲ ዝዓበየ ዚገብሮኸ እንታይ እዩ፧ ኣብዚ ትምህርቲ፡ እዚ ኣምላኽ እዚ ብዛዕባኡ እንታይ ክትፈልጥ ከም ዚደልየካ ተምሃር።

1. ስም ኣምላኽ መን እዩ፧ ስሙ ኽንፈልጦ ኸም ዚደልየናኸ ኸመይ ጌርና ርግጸኛታት ንኸውን፧

ኣብ መጽሓፍ ቅዱስ፡ ኣምላኽ ገዛእ ርእሱ ገሊጹልና ኣሎ። “ኣነ የሆዋ እየ። ስመይ እዚ እዩ” ኢሉና ኣሎ። (ኢሳይያስ 42:5, 8 ኣንብብ።) “የሆዋ” ኻብ እብራይስጢ እተተርጐመ ስም ኰይኑ፡ “የኽውን” ዚብል ትርጉም ከም ዘለዎ ይእመነሉ። የሆዋ ስሙ ኽንፈልጦ ይደሊ እዩ። (ዘጸኣት 3:15) እዚ ኸመይ ጌርና ንፈልጥ፧ ኣብ መጽሓፍ ቅዱስ ንስሙ ልዕሊ 7,000 ሳዕ ጠቒስዎ ኣሎ! a የሆዋ ዚብል ስም ናይቲ “ኣብ ላዕሊ ኣብ ሰማያትን ኣብ ታሕቲ ኣብ ምድርን” ልዑል ዝዀነ “ናይ ሓቂ ኣምላኽ” እዩ።—ዘዳግም 4:39።

2. መጽሓፍ ቅዱስ ብዛዕባ የሆዋ እንታይ ይገልጽ፧

ሰባት ካብ ዜምልኽዎም ኵሎም ኣማልኽቲ፡ የሆዋ በይኑ ናይ ሓቂ ኣምላኽ ምዃኑ መጽሓፍ ቅዱስ ይገልጽ እዩ። ስለምንታይ እዩ በይኑ ናይ ሓቂ ኣምላኽ ዚብሃል፧ ብዙሕ ምኽንያታት ኣሎ። የሆዋ ዝለዓለ ስልጣን ኣለዎ፣ ንሱ በይኑ ኸኣ “ኣብ ልዕሊ ዅላ ምድሪ ልዑል” ተባሂሉ ኣሎ። (መዝሙር 83:18 ኣንብብ።) “ኵሉ ዚኽእል” ድማ ተባሂሉ ኣሎ፣ እዚ ኸኣ ዝደለዮ ንምግባር ሓይሊ ኸም ዘለዎ የመልክት። “ንዅሉ ንስኻ ፈጢርካዮ” እውን ተባሂሉሉ ኣሎ፣ እዚ ድማ ንዩኒቨርስን ንዅሉ ኣብ ምድሪ ዘሎ ህይወትን ከም ዝፈጠረ የመልክት። (ራእይ 4:8, 11) የሆዋ በይኑ ኻብ ዘለኣለም ዝነበረን ንዘለኣለም ዚነብርን እዩ።—መዝሙር 90:2።

 4. የሆዋ ንስሙ ኽትፈልጦን ክትጥቀመሉን ይደልየካ

5. የሆዋ ኽትቀርቦ ይደልየካ

 ጽማቝ

የሆዋ ስም እቲ በይኑ ናይ ሓቂ ኣምላኽ እዩ። ምእንቲ ኽንቀርቦ ኢሉ ኸኣ፡ ነቲ ስም እቲ ኽንፈልጦን ክንጥቀመሉን ይደልየና እዩ።

ክለሳ

• የሆዋ ኻብቲ ሰባት ዜምልኽዎም ኵሎም ካልኦት ኣማልኽቲ ብኸመይ እዩ ዚፍለ፧

• ስም ኣምላኽ ክንጥቀም ዘሎና ስለምንታይ ኢና፧

• የሆዋ ኽትቀርቦ ኸም ዚደልየካ ዜርኢ እንታይ እዩ፧