CHIIYO 04
Leza Ngwani?
Kuzwa chiindi, bantu bakali kukomba baleza basiyene-siyene kuswaanizya abaleza bachanakazi. Pesi Bbayibbele lyaamba kuti kuli Leza uumwi “mupati kwiinda baleza bambi boonse.” (2 Makani 2:5) Ngwani Leza ooyo? Nkamboonzi nali mupati kwiinda baleza boonse? Muchiiyo eechi, bona kuti Leza uyanda kuti uzibeenzi atala anguwe.
1. Zina lyaLeza ngwani alubo niinzi zitondeezya kuti uyanda kuti tulizibe?
Leza wakapa kuti zina lyakwe lilembwe muBbayibbele. Wakaamba kuti: “Ndime Jehova. Eeli ndezina lyangu.” (Bala Isaya 42:5, 8.) Zina lyakuti “Jehova” lyakasandululwa kuzwa kuzina lyachiHebrayo lyaamba kuti “Upa Kuti Kube.” Jehova uyanda kuti tuzibe zina lyakwe. (Kulonga 3:15) Niinzi zitondeezya kuti uyanda kuti tulizibe? Wakapa kuti lilembwe muBbayibbele kwaziindi zyiinda ku7 000! * Pesi zina lyakuti Jehova ‘ndilyaLeza mwini-mwini wakujulu aanyika.’—Deuteronomo 4:39.
2. Bbayibbele lityeni atala aJehova?
Bbayibbele lyaamba kuti aakati kabaleza boonse bakombwa abantu, Jehova nguwe alikke Leza wakasimpe. Nkamboonzi? Kuli twaambo twiingi tupa kuti twaambe oobo. Jehova mweendelezi mupati wiinda boonse alubo nguwe alikke “Mupatikampatila atala aanyika yoonse.” (Bala Intembauzyo 83:18.) ‘NguSinguzuzyoonse,’ eezi zyaamba kuti ulaamanguzu aakuchita kufumbwa nchaayanda kuchita. Nguwe “wakalenga zintu zyoonse” kujulu aanyika. (Ciyubunuzyo 4:8, 11) Jehova ulisiyene abamwi baleza, nkaambo wakaliwo kuzwa chiindi alubo unooliwo kukabe kutamani.—Intembauzyo 90:2.
YIYA ZYIINGI
Bona kuti mazina aaLeza aakulemeka asiyene biyeni azina lyakwe limugeme. Alubo ulayiya kuti wakazichita biyeni kuti tulizibe zina lyakwe akuti nkamboonzi nayanda kuti tulizibe.
3. Leza ulaamazina miingi aakulemeka pesi ulaazina limwi luzutu limugeme
Kuti ubone mbukuyandikana kubelesya zina lyamuntu kwiinda kubelesya lyakulemeka, Mweebele KAVIDIYO, mpawo musandule mubuzyo uutobela:
-
Zina lyakulemeka lili mbuli lyakuti “Mwaami” lisiyene biyeni azina lyachoonzyo?
Bbayibbele lyaamba kuti bantu bakomba baleza abaami basiyene-siyene. Bala Intembauzyo 136:1-3, mpawo musandule mubuzyo uutobela:
-
Ngwani “Leza wabaleza” alubo “Mwami wabami”?
4. Jehova uyanda kuti ulizibe akuti ubelesye zina lyakwe
Niinzi chitondeezya kuti Jehova uyanda kuti ulizibe zina lyakwe? Mweebele KAVIDIYO, mpawo musandule mibuzyo iitobela.
-
Ubonaanga Jehova ulayanda na kuti ulizibe zina lyakwe? Nkamboonzi?
Jehova uyanda kuti bantu balibelesye zina lyakwe. Bala Baroma 10:13, mpawo musandule mibuzyo iitobela:
-
Kuyandikana biyeni kubelesya zina lyakuti Jehova?
-
Umvwa biyeni kuti muntu kakkala kakwiita aazina lyako katalilubi pe?
-
Ubonaanga Jehova umvwa biyeni chiindi nubelesya zina lyakwe?
5. Jehova uyanda kuti ube mweenzinyina
Umwi mwanakazi uukkala kuCambodia uutegwa Soten wakaamba kuti, “Kuziba zina lyaLeza kwakapa kuti ndibotelwe mubuumi.” Mweebele VIDIYO, mpawo musandule mubuzyo uutobela.
-
Kuziba zina lyaLeza kwakamugwasya biyeni Soten?
Kuti ube mweenzinyina wawumwi muntu usaanguna kuziba zina lyakwe. Bala Jakobo 4:8a, mpawo musandule mibuzyo iitobela:
-
Jehova uyanda kuti uchiteenzi?
-
Kuziba zina lyaLeza akulibelesya kukugwasya biyeni kuti ube mweenzinyina?
BAMWI BAAMBA KUTI: “Tazikwe ndaba kuti wabelesya lili zina nkaambo Leza ngumwi luzutu.”
-
Ulasyoma na kuti zina lyaLeza nguJehova?
-
Niinzi zitondeezya kuti Leza uyanda kuti ubelesye zina lyakwe?
CHIFWIINSYO
Jehova ndizina lyaLeza wakasimpe. Uyanda kuti tulizibe akuti tulibelesye kuchitila kuti tube beenzinyina.
Mibuzyo Yakwiindulula
-
Jehova usiyene biyeni abamwi baleza?
-
Nkamboonzi nitweelede kubelesya zina lyaLeza?
-
Niinzi chitondeezya kuti Jehova uyanda kuti ube mweenzinyina?
YANDUULISISYA
Bona zintu zili 5 zitondeezya kuti Leza mpali.
Bona kuti niinzi chipa kuti tusyome kuti Leza mpali.
“Ngwani Wakalenga Leza?” (Ngaziyakulinda, August 1, 2014)
Bona kuti nkamboonzi nitweelede kubelesya zina lyaLeza nikuba kuti tatuzi pe kuti chiindi lyakali kwiitwa biyeni.
Leza tweelede kumwiita kufumbwa zina na? Bona kuti nkamboonzi nitwaamba kuti Leza ulaazina lyakwe limugeme.
^ Kuti ujane makani miingi atala anzilyaamba zina lyaLeza akuti nkamboonzi nilitajaniki mulaamwi maBbayibbele, langa Makani Aayungizyidwe A4 muBbaibbele lya Busanduluzi Bwanyika Mpya.
