FUNDO 04
Mwari Ndiani?
Kubvira kare kare, anhu akawanda ari kunamata madzimwari akawanda. Asi, Bhaibheri rinobhuya nge zva Mwari umwe basi “mukuru kupinda madzimwari amweni.” (2 Makoronika 2:5) Ndiani iyena? Uye cinyi cinoita kuti agare mukuru kudarika madzimwari amweni anonamathwa nge anhu? Mu fundo ino, ticafunda kuti Mwari anodzipangidza kudini katiri.
1. Zina ra Mwari ndiyani, uye tingagara kudini ne cokwadi cekuti anoda kuti tiriziye?
Mu Bhaibheri, Mwari anodzipangidza katiri. Iyena akati: “Ndini Djehovha. Iri ndiro zina rangu.” (Erengai Isaya 42:5, 8.) Zina iri rekuti “Djehovha” rinoturikirhwa kubva mu cihebheru, uye rinoreya kuti “Anoita Kuti Zviitike.” Djehovha anoda kuti tiziye zina rake. (Ekisodho 3:15) Tingagara kudini no rugondo nazvo? Zina rake rinooneka kanokwana 7 000 mu Bhaibheri! a Asi zina rekuti Djehovha ngera “Mwari we zvirokwazvo we kudenga kumusoro uye we pa nyika iri pasi.”—Dheuteronomiyo 4:39.
2. Bhaibheri rinotii nge zva Djehovha?
Bhaibheri rinoti pa madzimwari anonamathwa nge anhu, Djehovha ndiyena ega basi Mwari we zvirokwazvo. Ngei? Nge zvikonzero zvakawanda. Djehovha ndiyena basi mutongi mukuru, uye iyena ndiyena we “Kumusoro-soro kumusoro ke nyika yese.” (Erengai Pisarema 83:18.) Iyena ndiye “We Masimba Ese,” zvecida kureya kuti ano simba rokuita ciro cipi haco caanoda. Iyena ndiye “akasika zviro zvese”—zviri kudenga uye zviri pa nyika. (Zvakapangidzwa 4:8, 11) Kusiyana na upi hake, Djehovha ariyo nguwa dzese, uye acandorumbwa ariyo nokusikaperi.—Pisarema 90:2.
FUNDAI ZVAKAWANDA
Fundai zvakawanda zvakaringana ne musiyano uripo pakati pe mazina a Mwari okureremedza uye zina rake kamare. Pedzepo onai kuti akazviita kudini uye ngei iyena akaziisa zina rake kamuri.
3. Mwari ano mazina akawanda ekureremedzwa, asi zina rake kamare ndi rimwe basi
Kuti tikwanise kuona musiyano we zina rinopaswa munhu nge ndaa ye basa uye zina rake kamare, ridzai VHIDHIYO, pedzepo cedzai nge zve mubvunzo unoteera.
-
Musiyano upi uripo pa zina re kureremedza rakadai hingana “Tenzi,” uye zina kamare?
Bhaibheri rinoreketa pamhene kuti anhu anonamata madzimwari akawanda uye madzitenzi akawanda. Erengai Pisarema 136:1-3, pedzepo cedzai nge zve mubvunzo unoteera:
-
Ndiyani “Mwari we madzimwari” uye “Tenzi we madzitenzi”?
4. Djehovha anoda kuti muziye uye museenzese zina rake
Cinyi cinopangidza kuti Djehovha anoda kuti muziye zina rake? Ridzai VHIDHIYO, pedzepo cedzai nge zve mibvunzo dzinoteera.
-
Munorangarira kuti Djehovha anoda kuti anhu aziye zina rake here? Ngei mecidaro?
Djehovha anoda kuti anhu aseenzese zina rake. Erengai Aroma 10:13, pedzepo cedzai nge zve mibvunzo dzinoteera:
-
Ngei tecidikana kuseenzesa zina ra Mwari rekuti Djehovha?
-
Munozwa kudini kana munhu akaedzurira zina renyu uye omudainza ne zina renyu?
-
Munorangarira kuti Djehovha anozwa kudini pamunoseenzesa zina rake?
5. Djehovha anoda kuti mugare padhuze naye
Mwanakadzi umweni we ku Camboja unozwi Soten wakati, apana cinopfadza kupida kuziya Mwari we zvirokwazvo.” .” Ridzai VHIDHIYO, pedzepo cedzai nge zve mubvunzo unoteera.
-
Mu vhidhiyo yetawona, kufundira zina ra Mwari kakabetsera kudini Soten?
Musati mashamwaridzana no munhu, munotanga maziya zina rake. Erengai Tiyago 4:8a, pedzepo cedzai nge zve mibvunzo dzinoteera:
-
Djehovha anoda kuti muitei?
-
Kuziya uye kuseenzesa zina ra Mwari kucamubetsera kudini kuti mukhwedere dhuze naye?
ANHU AMWENI ANOTI: “Kuna Mwari umwe basi, hino azvina basa kuti munomudaindza ne zina ripi.”
-
Munotenderadi kuti zina ra Mwari ndi Djehovha here?
-
Mungapanganidza kudini kuti Mwari anoda kuti tiseenzese zina rake?
MUCIGWAGWA
Djehovha ndiro zina ra Mwari umwe basi we zvirokwazvo. Anoda kuti tiziye uye tiseenzese zina rake kuti tikhwedere dhuze naye.
Mibvunzo yekuhwirinzira
-
Djehovha akasiyana papi ne madzimwari amweni anonamathwa no anhu?
-
Ngei tecidikana kuseenzesa zina ra Mwari?
-
Cinyi cinopangidza kuti Djehovha anoda kuti tikhwedere dhuze naye?
ZIYAI ZVAKAWANDA
Ongororai zviro zvishanu zvinoshamisa zvinopangidza kuti Mwari ariyo.
Ongororai kuti ngei zvino musoro kutenda kuti Mwari akarumbwa ariyo.
“Ndiyani Wakasika Mwari?” (Murindiri wa 1 ya Agosto wa 2014)
Fundirai kuti ngei tecidikana kuseenzesa zina ra Mwari, kunyazi madudzirhwe aro e kare asikaziikanwi.
Zvinokosha kudainza katinoita Mwari here? Onai kuti ngei tingabhuya kuti yena ano zina rimwe basi.
a Kana mecida masoko akadzara akaringana nge zvinorehwa ne zina ra Mwari uye kuti ngei aturikiri amweni e Bhaibheri akaribvisa, onai Mashoko Ekuwedzera A4 ari mu Bhaibheri—Shanduro yeNyika Itsva.
