КИЧЭЭЛ 04
Бурган деп кымыл?
Бүгү төөгүден алырга, кижилер аңгы-аңгы бурганнарга чүдүп чораан. Ынчалзажок Библияда «бүгү бурганнардан өндүр бедик» Бурганның дугайында чугаалаан (2 Чылдар 2:5). Ол Бурган кымыл? Кижилерниң чүдүп чоруур бурганнарындан ол чүзү-биле ылгалдыг? Ол Бодунуң дугайында чүнү чугаалап турарын бо кичээлден билип алыр силер.
1. Бурганның ады кымыл база улус Ооң адын билип алзын деп, Ол күзеп турар бе?
Бурган Бодунуң дугайында Библия таварыштыр чугаалап турар. Ол биске мынча дээн: «Мен — Дээрги-Чаяакчы [Иегова] мен, Мээң адым ол-дур». (Номчуптуңар: Исайя 42:5, 8, Тайылбырлыг словарь.) Иегова дээрге Бурганның ады-дыр. Ол аттың еврей дылдан очулгазы: «Ол болдуруп турар» дээн. Иегова бисти Ооң адын билип алзын деп күзеп турар (Хосталыышкын 3:15). Ону кайыын билир бис? Бурганның ады Библияда 7000 ажыг хире a таваржып турар! Ол атты кымның-даа эннежип шыдавазы, алыс шын Бурган эдилээр (Ыдыктыг хоойлуну катаптааны 4:39).
2. Библиядан Иегованың дугайында чүнү билип ап болурул?
Кижилер аңгы-аңгы бурганнарга чүдүп чоруур-даа болза, Библияда Иегованы чаңгыс алыс шын Бурган дээн. Чүге? Чүгле Иегова дээди эрге-чагыргалыг, бүгү чер-делегейни чагырган Дээди Өрүкү Бурган. (Номчуптуңар: Ырлар 82:19.) Иегова «Бүрүн Күчүлүг», ынчангаш Ол бодап алган бүгү күзел-соруун боттандырып шыдаар. Ол Октаргайны болгаш Черде «бүгү чүвени чаяаган» (Ажыдыышкын 4:8, 11). Иегова кезээде турган база мөңгеде турар (Ырлар 89:3).
ХАНЫ ШИНЧИЛЕҢЕР
Бурганның хууда ады биле ат-дужаалдарының аразында ылгалын, Ол Бодунуң адын кандыг сорулга-биле база канчаар ажытканын билип алыр силер.
3. Бурганның ат-дужаалдары хөй, а ады чаңгыс
Ат биле ат-дужаалдың аразында ылгалды билип алыр дээш, ВИДЕОНУ көргеш, айтырыгга харыылаптыңар:
-
Бурганның «Дээрги» дээн ат-дужаалы хууда адындан чүзү-биле ылгалып турар?
Кижилер аңгы-аңгы бурганнарга чүдүп чоруур деп Библияда бижээн. Ырлар 135:1—3-тү номчааш, харыылаптыңар:
-
«Бурганнарның Бурганы», «дээргилерниң Дээргизи» дээрге кымыл?
4. Иегова силерни Ооң адын билип алзын база адазын деп күзеп турар
Иегова силерни Ооң адын билип алзын деп күзеп турары кайыын көскү? ВИДЕОНУ көргеш, айтырыгга харыылаптыңар:
-
Чүү деп бодаар силер, улус Ооң адын билип алзын деп, Иегова күзеп турар бе? Тайылбырлаптыңар.
Улус Ооң адын адазын деп, Иегова күзеп турар. Римчилерге 10:13-тү номчааш, харыылаптыңар:
-
Бурганны ады-биле адаары чүге чугула?
-
Улус силерни адыңар-биле адаарга силерге кандыг-дыр?
-
Чүү деп бодаар силер, Иегова-биле чугаалажып тургаш, ооң адын адаарыңарга, Ол чүнү миннир?
5. Иегова Олче чоокшулаарыңарны күзеп турар
Камбоджадан Сотен дээр херээжен кижи Бурганның адын билип алгаш, «эң улуг өөрүшкү болгаш аас-кежикти миннинген мен» деп чугаалаан. ВИДЕОНУ көргеш, айтырыгга харыылаптыңар:
-
Бурганның адын билип алганы Сотенге кандыг болган?
Бир кижи-биле чоок найыралдажырда, ооң адын билири чугула. Иаков 4:8а-ны номчааш, харыылаптыңар:
-
Иегова силерни чүнү кылырынче кыйгырып турар?
-
Бурганның адын билири болгаш ажыглаары, Олче чоокшулаарынга канчаар дузалаарыл?
ЧАМДЫК УЛУС МЫНЧА ДЕП БОЛУР: «Бурган чаңгыс, ынчангаш Ону канчаар-даа адап болур».
-
Бурганның ады Иегова деп бүзүрээр силер бе?
-
Бурган бисти Ооң адын адазын деп күзеп турарын кайыын билир бис?
КОЛ БОДАЛ
Иегова дээрге дың чаңгыс алыс шын Бурганның ады-дыр. Иегова Ооң адын билип алгаш, Олче чоокшулаарывысты күзеп турар.
Катаптаашкын
-
Иегова кижилерниң чүдүп чоруур бурганнарындан чүзү-биле ылгалдыг?
-
Чүге Бурганның адын ажыглаар болза эки?
-
Иегова силерниң Олче чоокшулаарыңарны күзеп турар деп кайыын көскү?
НЕМЕЛДЕ
Бурган бар деп шынзыткан беш бадыткалдар.
Бурган кезээде турган деп бүзүрээри чүге шын?
«Бурганны кым чаяап кааныл?» («Таңныыл суургазы» август 1, 2014 чыл)
Бурунгу еврей дылда Бурганның адын канчаар адаары билдинмес-даа болза, ону ажыглаары чүге чугула?
Бурганны канчаар адап турарывыс чугула бе? Бурган чүгле чаңгыс аттыг деп чүге чугаалап болур?
a Бурганның адының утказының дугайында база Библияның өске очулгаларындан ол атты чүге ап каапканын «Чаа делегей» очулгазында А4 дугаар Немелде материалды көрүңер.
Силерге солун бооп болур
ҮРГҮЛЧҮ САЛЫР АЙТЫРЫГЛАР
Иегованың Херечилериниң библейжи кичээлдери канчаар эртип турар?
Иегованың Херечилеринде Ыдыктыг Бижилге-биле таныжып алырынга дузалаар ажыктыг курс бар. Өөредилге үезинде бодуңарның Библияңарны ажыглап, кичээлдерже өг-бүлеңерни, эштериңерни чалап ап болур силер.
