XCHANOBIL 04
¿Buchʼu jaʼ li melel Diose?
Ti kʼuxi lik talel li jtsʼunbaltike ep ta tos kʼusitik chichʼik ta mukʼ li krixchanoetike. Pe li Vivliae chalbe skʼoplal jun Dios ti «jaʼ mas mukʼ skʼoplal kʼuchaʼal li yan diosetike» (2 Kronikas 2:5). ¿Buchʼu skʼoplal taje? ¿Kʼuxi ti mas mukʼ skʼoplal xchiʼuk li yan diosetik ti chichʼik ta mukʼ li krixchanoetike? Li ta xchanobil liʼe, te chavakʼ venta li kʼusi tskʼan Dios ti akʼo xanaʼ ta stojolale.
1. ¿Kʼusi sbi li Diose xchiʼuk kʼuxi jnaʼojtik ti tskʼan akʼo jnaʼtike?
Li Diose te laj yakʼ sba ta ojtikinel stuk li ta Vivliae. Xi chale: «Voʼon Jeovaun, taje jaʼ jbi» (kʼelo Isaias 42:5, 8). Li sbi Jeovae likem talel ta ebreo kʼop ti xuʼ van jaʼ skʼan xal «Jaʼ Tspas Akʼo Kʼotuk ta Pasel». Li Jeovae tskʼan ti jnabetik li sbie (Eksodo 3:15). ¿Kʼu yuʼun ti jech chkaltike? Yuʼun laj yakʼ ti xichʼuk tsʼibael mas ta vukmil ta velta sbi li ta Vivliae. a Li biil Jeovae jaʼ noʼox xuʼ xichʼ albel li ‹melel Dios ta vinajel xchiʼuk ta balumile› (Deuteronomio 4:39).
2. ¿Kʼusi chal Vivlia ta stojolal li Jeovae?
Li krixchanoetike ta xichʼik ta mukʼ yan diosetik, pe li Vivliae ta xal ti jaʼ noʼox melel Dios li Jeovae. Jkʼeltik avil ti kʼu yuʼun jech chkaltike. Li Jeovae jaʼ noʼox stuk ‹ti Buchʼu toj toyol oy ta spʼejel balumile› (kʼelo Salmo 83:18). Jaʼ «li Buchʼu skotol xuʼ yuʼune», jaʼ xkaltik, ti oy sjuʼel sventa spas skotol li kʼusi tskʼane. Jech xtok, jaʼ la spas skotol li kʼusitike, li vinajel balumile xchiʼuk skotol li kʼusitik kuxajtik ta balumile (Apokalipsis 4:8, 11). Li Jeovae muʼyuk slikeb xchiʼuk muʼyuk spajeb (Salmo 90:2).
JCHANTIK TO BATEL MAS
Jkʼeltik kʼusi jelel-o ti kʼu yelan tsbiiltasik li Diose xchiʼuk li sbi ti stuk noʼox jeche. Jech xtok, ta jkʼeltik kʼuxi chakʼbutik ta ojtikinel li sbie xchiʼuk ti kʼu yuʼun tskʼan ti xavojtikinbee.
3. Ep kʼu yelan tsbiiltasik li Diose, pe jun noʼox li sbie
Jkʼeltik kʼusi sjelbenal ti kʼu yelan ta xichʼ ojtikinel li jun krixchanoe xchiʼuk li sbie, kʼelik li VIDEOE xchiʼuk albeik skʼoplal li sjakʼobil liʼe:
-
¿Kʼusi sjelbenal kʼalal chkalbetik Kajval li Diose xchiʼuk kʼalal ta jtunesbetik li sbie?
Li Vivliae ta xal ti ep ta tos kʼusitik ta xichʼik ta mukʼ li krixchanoetike. Kʼelik Salmo 136:1-3 xchiʼuk albeik skʼoplal li sjakʼobil liʼe:
-
¿Buchʼu jaʼ li «Dios yuʼun diosetike» xchiʼuk li «Bankilal Jpasmantal yuʼunik li jpasmantaletike»?
4. Li Jeovae tskʼan ti xavojtikinbe li sbie xchiʼuk ti xatunese
¿Kʼuxi xuʼ xanaʼ ti tskʼan chavojtikinbe sbi li Jeovae? Kʼelik li VIDEOE xchiʼuk albeik skʼoplal li sjakʼobil liʼe:
-
¿Kʼu yuʼun xanaʼ ti tskʼan Jeova ti xanabe li sbie?
Li Jeovae tskʼan ti jtunesbetik li sbie. Kʼelik Romanos 10:13 xchiʼuk albeik skʼoplal li sjakʼobiltak liʼe:
-
¿Kʼu yuʼun toj tsots skʼoplal ti jtunesbetik sbi li Diose?
-
¿Kʼu yelan chavaʼi aba kʼalal tskʼoponoxuk ta abie?
-
¿Kʼu van yelan chaʼi sba xanaʼ Jeova kʼalal chakʼopon ta sbie?
5. Li Jeovae tskʼan ti xavamigoine
Jun ants ta Camboya ti Soten sbie xi laj yal kʼalal laj yojtikinbe sbi li Diose: «Jaʼ li kʼusi mas kʼupil sbae». Kʼelik li VIDEOE xchiʼuk albeik skʼoplal li sjakʼobil liʼe:
-
Jech kʼuchaʼal laj avil li ta videoe, ¿kʼuxi jelbat-o xkuxlejal Soten kʼalal la snabe sbi li Diose?
Kʼalal chkamigointik junuk krixchanoe, baʼyel ta jkʼan ta jnabetik li sbie. Kʼelik Santiago 4:8 sbavokʼal xchiʼuk albeik skʼoplal li sjakʼobiltak liʼe:
-
¿Kʼusi oy ta yoʼonton Jeova ti xapase?
-
¿Mi tskoltaot van xanaʼ sventa xanopaj ta stojolal Dios mi la anabe li sbie xchiʼuk mi la atunesbee? ¿Kʼu yuʼun ti jech chavale?
JUNANTIKE XI CHALIKE: «Jun noʼox li Diose mu ventauk kʼu yelan jbiiltastik».
-
¿Mi achʼunoj ti jaʼ Jeova sbi li Diose?
-
¿Kʼu yuʼun ti jech chavale? ¿Kʼuxi chavalbe yantik ti tskʼan Dios ti jtunesbetik li sbie?
¿KʼUSI LA ACHAN?
Li melel Diose jaʼ sbi Jeova. Tskʼan ti xkojtikinbetik li sbie xchiʼuk ti jtunestik sventa xijkʼot ta yamigoe.
Svulesobil ta joltik
-
Li Jeovae, ¿kʼusi jelel-o xchiʼuk li yan diosetik ti chichʼik ta mukʼ li krixchanoetike?
-
¿Kʼu yuʼun skʼan jtunesbetik li sbi Diose?
-
¿Kʼuxi anaʼoj ti tskʼan Jeova ti xavamigoine?
XUʼ TO XAKʼEL LIʼE
Jkʼeltik voʼob srasonal ti kʼu yuʼun chkaltik ti oy ta melel li Diose.
Kʼelo avil kʼu yuʼun xuʼ jchʼuntik ti te onoʼox oy li Diose.
«¿Buchʼu la spas li Diose?» (Li Jkʼel-osil ta toyole, 1 yuʼun agosto ta 2014)
Kʼelavil kʼu yuʼun skʼan jtunesbetik sbi li Diose akʼo mi mu jnaʼtik kʼuxi ta alel ta melel.
¿Mi tsots van skʼoplal kʼu yelan ta jbiiltastik li Diose? Kʼelavil kʼu yuʼun chkaltik ti jun noʼox sbi li Diose.
a Li ta apendise A4 li ta Xchʼul Kʼop Dios sventa Achʼ Balumile, te to chalbe skʼoplal li smelolal sbi Diose xchiʼuk ti kʼu yuʼun la slokʼesbeik sbi Dios ta junantik Vivliae.
Xuʼ van chakʼupin skʼelel xtok liʼe
LI KʼUSITIK TSJAKʼILANIKE
¿Kʼu yelan li chanubtasel ta Vivlia chakʼik li stestigotak Jeovae?
Li ta matanal chanubtasel chakʼik li stestigotak Jeovae xuʼ xatunes li Vivlia oy avuʼune, xuʼ xavalbe ti xchiʼinot li avutsʼ avalale xchiʼuk avamigotak.
