4-ТӤ УРОК
Кин со зэмос Инмар?
Трос дауръёс ӵоже ини адямиос трос пӧртэм инмаръёслы йыбыртъяло. Нош Библиын верамын Инмар сярысь, кудӥз «вань инмаръёслэсь... вылын» (2 Паралипоменон 2:5). Кин сярысь вераськон мынэ? Малы со мукет инмаръёслэсь вылын луэ? Та урокысь тӥ тододы, мар тӥледлы верамез потэ Инмарлэн ачиз сярысь.
1. Кызьы Инмарлэн нимыз но малы вераны луоз, солэн потэ, ми солэсь нимзэ мед тодомы шуыса?
Инмар милемлы ачиз сярысь Библия пыр вера. Со вера: «Мон Иегова. Со мынам нимы» (Исаия 42:8, «Выль дунне» берыктэм (ВД)) a. Иегова — озьы берыктӥське удмурт кылэ еврей ним, кудӥз, тросэз тодосчиос малпамъя, возьматэ «Со ваньмызлы луыны сётэ» шуэмез. Иеговалэн потэ, ми солэсь нимзэ мед тодомы шуыса (Потон 3:15). Малы озьы вераны луоз? Малы ке шуоно Библиын Инмарлэн нимыз ог 7 000 пол гожтэмын b. Иегова нимез нуллыны быгатэ «одӥг гинэ зэм Инмар» (Иоанн 17:3).
2. Мае ми тодӥськомы Библиысь Иегова сярысь?
Адямиос пӧртэм инмаръёслы йыбыртъяло ке но, Библиын верамын, Иегова гинэ зэмос Инмар шуыса. Маин Иегова мукет инмаръёслэсь пӧртэм луэ? Со «быдэс музъем выллы Вылысь Инмар» луэ. (Лыдӟе Псалтирез 82:19.) Со «Ваньмызлэсь Кужмо Инмар» (Улон-вылон 17:1). Иегова сярысь верамын: «Тон ваньзэ кылдытӥд». Со кылдытӥз Быдэс Дуннеез, Музъемез но ваньзэ, мар вань со вылын (Усьтӥськон 4:11). Иегова гинэ котьку вал но котьку луоз (Псалтирь 89:3).
МУРГЕС ЭСКЕРЕ
Ойдолэ вераськомы со сярысь, маин пӧртэм луо Инмарлэн титулъёсыз но солэн нимыз. Собере тодомы, кызьы Инмар усьтэ милемлы аслэсьтыз нимзэ но малы.
3. Инмарлэн трос титулъёсыз, нош нимыз одӥг гинэ
Валан понна, маин пӧртэм луэ титул нимлэсь, учке ВИДЕОРОЛИКЕЗ, собере та юанлы валэктон сётэ:
-
Маин ним пӧртэм луэ титуллэсь, кылсярысь, «Кузё-Инмар» титуллэсь?
Библия вера, адямиос трос пӧртэм инмаръёслы йыбыртъяло шуыса. Лыдӟе Псалтирез 135:1—3 но та юанлы валэктон сётэ:
-
Кин со «инмаръёслэн Инмарзы»?
4. Иеговалэн потэ, тӥ солэсь нимзэ мед тододы но солы нимызъя мед вазиськоды шуыса
Кытысь адӟиське, Иеговалэн потэ, тӥ солэсь нимзэ мед тододы шуыса? Учке ВИДЕОРОЛИКЕЗ но та юанъёслы валэктонъёс сётэ:
-
Кызьы тӥ малпаськоды, потэ-а Иеговалэн, адямиос солэсь нимзэ мед тодозы шуыса? Малы тӥ озьы малпаськоды?
Иеговалэн потэ, адямиос солы нимызъя мед вазиськозы шуыса. Лыдӟе Римъёслы 10:13, собере та юанъёслы валэктонъёс сётэ:
-
Кулэ-а Инмарлы нимызъя вазиськыны?
-
Кельше-а тӥледлы, куке мукетъёсыз тӥлесьтыд нимдэс тодо но тӥледлы нимдыя вазисько?
-
Кызьы тӥ малпаськоды, кельше-а Иеговалы, куке тӥ солы нимызъя вазиськиськоды?
5. Иеговалэн потэ, тӥ солэн эшез мед луоды шуыса
Камбоджаысь Сотен нимо кышномурт вераз, Инмарлэсь нимзэ тодыса, со туж шумпотӥз шуыса. Учке ВИДЕОРОЛИКЕЗ но та юанлы валэктон сётэ:
-
Кызьы Сотенлэн улонэз воштӥськиз Инмарлэсь нимзэ тодэмез бере?
Кинэн ке эшъяськон понна, нырысь солэсь нимзэ тодоно. Лыдӟе Иаковлэсь 4:8а но та юанъёслы валэктонъёс сётэ:
-
Мар карыны ӧте тӥледыз Иегова?
-
Малы, Инмарлэсь нимзэ тодыса но солы нимызъя вазиськыса, тӥ солы матэ кариськыны быгатӥськоды?
КИН КЕ НО ВЕРАНЫ БЫГАТОЗ: «Инмар одӥг. Соин ик котькызьы солы вазиськы, со кылоз».
-
Оскиськоды-а тӥ, Инмарлэн нимыз Иегова шуыса?
-
Кызьы тӥ мукетъёсызлы валэктысалды, Инмарлэн потэ, ми солы нимызъя мед вазиськомы шуыса?
ТОДЭ ВАЁН
Иегова — со одӥг гинэ зэмос Инмарлэн нимыз. Солэн потэ, солэсь нимзэ тодыса но солы нимызъя вазиськыса, ми солы матэ мед кариськомы шуыса.
Мае тон тодӥд?
-
Маин Иегова пӧртэм луэ мукет инмаръёслэсь, кудъёсызлы адямиос йыбыртъяло?
-
Малы Инмарлы нимызъя вазиськоно?
-
Кытысь адӟиське, Иеговалэн потэ, тӥ солэн эшъёсыз мед луоды шуыса?
ТРОСГЕС ТОДЭ
Учке вить малпанъёсты, кудъёсыз возьмато, Инмар вань шуыса.
Лыдӟе, кыӵе мугъёс вань оскыны, Инмар котьку вал шуыса.
«Кин кылдытӥз Инмарез?» («Возьмаськон башня», 2014-тӥ ар, 1-тӥ гудырикошкон)
Тодэ, малы Инмарлы нимызъя вазиськоно, тодмо ӧвӧл ке но, кызьы сое вашкала еврей кылын верало вал.
Кулэ-а Инмарлэсь нимзэ тодыны но солы нимызъя вазиськыны? Лыдӟе, малы вераны луоз, Инмарлэн нимыз одӥг гинэ шуыса.
a Удмурт кылэ берыктэм Библиын Иегова ним пумиське таӵе кылбуръёсын: Улон-вылон 22:14, Потон 17:15 но Судьяос 6:24.
b Тросгес тодон понна Инмарлэн нимыз сярысь но со сярысь, малы со уг пумиськы Библилэн куд-ог берыктэмъёсаз, учке «Инмарлэн Кылыз мутусъёсын но схемаосын» брошюраез, 1-тӥ люкетэз (ӟуч).
