04-ДӘРИС
Ким һәқ Худа?
Инсанлар яритилғандин башлап та һазирғичә нурғунлиған илаһларға ибадәт қилип кәлгән. Бирақ Муқәддәс китапта башқа барлиқ илаһлардин үстүн туридиған һәқ бир Худа тилға елинған (Тарихнамә 2-язма 2:5). Ундақта, немә үчүн У башқа илаһлардин үстүн туриду? Бу дәристә Худа Өзини сизгә қандақ тонуштуридиғанлиғини көрүмиз.
1. Худаниң исми немә вә У Өз исмини билишимизни халайдиғанлиғини қандақ биләләймиз?
Худа Муқәддәс китапта Өзини бизгә тонуштуриду: «Мән “Пәрвәрдигардурмән; Мениң намим шудур» (Йәшая 42:5, 8ни оқуң, КТ). «Яһвәһ» яки «Йәһва» дегән ибранийчә исимниң тәрҗимиси «У болғузиду» дегәнни билдүриду. Йәһва бизниң Униң исмини билишимизни халайду (Чиқиш 3:15). Биз буни қандақ биләләймиз? Муқәддәс китапта Униң исми 7000 қетимдин a көпирәк тилға елинған. «Асманларни яритип уларни кәргән, Йәр-зиминни һәм униңдин чиққанларни яйған, Униңда туруватқан хәлиққә нәпәс, Униң үстидә меңиватқанларға роһ бәргүчи Тәңри Пәрвәрдигар», Йәһва дегән исим билән аталған (Йәшая 42:5, КТ).
2. Муқәддәс китап Худа һәққидә немә дәйду?
Муқәддәс китап инсанлар ибадәт қилған барлиқ илаһларниң арисида Йәһва ялғуз һәқ Худа дәйду. Немә үчүн? Буниң бирқанчә сәвәплири бар. Йәһва әң алий һоқуққа егә, пәқәт У тамам йәр йүзиниң үстигә жуқури мәртивилик Алла (Зәбур 83:18ни оқуң). У «Һәммигә Қадир». Бу Униң һәрқандақ ишни қилишқа күч-қудрити йетиду дегәнни билдүриду. У пүткүл мәвҗудатларни — аләм бошлуғини вә йәр йүзидики барлиқ җанлиқларни яратқан (Вәһий 4:8, 11). Йәһва әзәлдин мәвҗут вә әбәдил-әбәт мәвҗут болуп туриду (Зәбур 90:2).
ЧОҢҚУРИРАҚ ҚЕЗИҢ
Худаниң нам-унванлири билән Униң хас исми оттурисида қандақ пәриқ барлиғини көрүң. Кейин У қандақ вә немә үчүн Өз исмини сизгә ашкарә қилғанлиғини биливелиң.
3. Худаниң нам-унванлири көп, амма исми бир
Бир шәхсниң нам-унвани билән униң исми оттурисидики пәриқни биливелиш үчүн ВИДЕОНИ көрүң, кейин төвәндики соал үстидә ойлинип көрүң.
-
Худаниң нам-унванлири билән Униң хас исми оттурисида қандақ пәриқ бар?
Муқәддәс китапта инсанларниң нурғун илаһларға ибадәт қилғанлиғи ейтилған. Чиқиш 18:11ни оқуң, кейин төвәндики соалға җавап бериң:
-
Бу айәт һәқ Худа һәққидә немә дәйду?
4. Йәһва Өз исмини билишиңизни вә Уни қоллинишиңизни халайду
Йәһваниң Өз исмини билишиңизни халайдиғанлиғини немә көрситип бериду? ВИДЕОНИ көрүң, кейин төвәндики соаллар үстидә ойлинип көрүң.
-
Сизниңчә, Йәһва Өз исмини башқиларға билдүрүшни халамду? Немә үчүн?
Йәһва Өз исмини адәмләрниң қоллинишини халайду. Римлиқларға 10:13ни оқуң, кейин төвәндики соалларға җавап бериң:
-
Худаниң Йәһва дегән исмини қоллиниш немә үчүн муһим?
-
Бир киши исмиңизни есидә тутувелип, сизни исмиңиз билән чақирса, сиз қандақ һис-туйғуда болисиз?
-
Сизниңчә, Йәһвани исми билән чақирсиңиз, У қандақ һис-туйғуда болиду?
5. Йәһва Худа Униң дости болушиңизни халайду
Камбоджада яшайдиған Сотен исимлиқ бир аял Худаниң исмини билиш уни шат-хорамлиққа чөмдүргәнлигини ейтип бәргән. ВИДЕОНИ көрүң, кейин төвәндики икки соал үстидә ойлинип көрүң.
-
Худаниң исмини билиш Сотенға қандақ тәсир қилған?
Сиз адәттә бири билән дост болуштин бурун, униң исмини сорайсиз. Яқуп 4:8ни оқуң, кейин төвәндики соалларға җавап бериң:
-
Йәһва сизни немә иш қилишқа тәклип қилиду?
-
Худаниң исмини билиш вә уни ишлитиш өзүңизни Униңға йеқин һис қилишиңизға қандақ ярдәм бериду?
БӘЗИЛӘР МУНДАҚ ДӘЙДУ: «Алла бир, Униң исимлири көп. Уни қандақла чақирсаң болиду».
-
Худаниң исми Йәһва екәнлигигә ишинәмсиз?
-
Худа Өз исмини қоллинишимизни халайдиғанлиғини қандақ чүшәндүрәләйсиз?
ХУЛАСӘ
Бирдинбир һәқ Худаниң исми — Йәһва. У шу исимни ишлитишимизни халайду. Шундақ қилсақ, биз Униңға йеқинлишалаймиз.
Тәкрарлаш
-
Адәмләр ибадәт қилидиған барлиқ илаһлардин Йәһва Худа қандақ пәриқлиниду?
-
Немә үчүн Худаниң исмини ишлитишимиз керәк?
-
Йәһваниң Өзигә йеқинлишишимизни халайдиғанлиғини немә көрситиду?
ИЗДИНИП КӨРҮҢ
Худаниң мәвҗутлиғини испатлайдиған, кишини һаяҗанға салидиған 5 дәлил-испатни көрүң.
Худаниң әзәлдин барлиғиға ишиниш немә үчүн әқилгә мувапиқ екәнлигини муһакимә қилиң.
Худаниң исминиң қедимда қандақ тәләппуз қилинғанлиғини билмисәкму, немә үчүн шу исимни ишлитишимиз керәклигини биливелиң.
Худани қандақла чақирсақ боламду? Немә үчүн биз Униң пәқәт бирла Өзигә хас исми бар дәп ейталайдиғанлиғимизни көрүң.
a Худаниң исминиң мәнаси вә немә үчүн бу исим Муқәддәс китапниң бәзи тәрҗимилиридә чиқириветилгәнлигиниң сәвәвини билиш үчүн «Муқәддәс Китап. Мәдһийә тәрҗимисиниң» А1 қошумчисигә қараң.
Буларғиму қизиқишиңиз мүмкин
КӨПЧИЛИКНИ ҚИЗИҚТУРИДИҒАН СОАЛЛАР
Муқәддәс китаптин билим елиш үчүн Йәһва гувачилири билән тәтқиқ қилиш қандақ өткүзүлиду?
Өзүңизгә тонушлуқ һәрқандақ Муқәддәс китапни ишлитип, Йәһва гувачилири тәминлигән һәқсиз билим елиш дәрислирини тәтқиқ қилип үгәнсиңиз болиду. Тәтқиқ үгинишкә пүтүн аилә әзалириңизни яки достлириңизни чақирсиңиз болиду.
