OCIPAMA 04
Suku Helie?
Tunde eci omanu va lulikiwa, ovo va siata oku fendela olosuku vialua kuenda olosuku viakãi. Pole, Embimbiliya li tukula o Suku yimue ya “velapo okuti, olosuku viosi vikuavo vi sule.” (2 Asapulo 2:5) Suku yaco helie? Nye cu velisapo okuti, olosuku viosi vikuavo omanu va fendela vi sule? Vocipama cilo, lilongisa ndomo o Suku yaco yi li situluila kokuove.
1. Yipi onduko ya Suku kuenda nye ci lekisa okuti eye o yongola okuti tu yi kũlĩha?
Suku o li situluila kokuetu pocakati Cembimbiliya. Eye wa popia hati: “Ame ndi Yehova. Eyi oyo onduko yange.” (Tanga Isaya 42:5, 8.) Onduko “Yehova” kelimi lio Heveru yi lomboloka okuti, “Eye o Koka Okuti Cimue ci Kala.” Yehova o yongola okuti tu kũlĩha onduko yaye. (Etundilo 3:15) Tu pondola oku ci kolela ndati? Vembimbiliya onduko yaye ya tukuiwa eci ci pitahãla 7.000 kolonjanja! a Onduko Yehova ya tiamẽla ku “Suku yocili kovailu kuenda kilu lieve.”—Esinumuĩlo 4:39.
2. Nye Embimbiliya li tu sapuila catiamẽla ku Yehova?
Embimbiliya li tu sapuila okuti, pokati kolosuku viosi vi fendeliwa lomanu, Yehova eye lika Suku yocili. Momo lie? Kuli asunga alua. Yehova o kuete unene wa velapo kuenda eye lika “Fũ kilu lieve liosi.” (Tanga Olosamo 83:18.) Eye “Ukuonene wosi,” eci ci lomboloka okuti, eye o kuete unene woku linga cosi a nõla oku linga. Eye “wa lulika ovina viosi” ndeci, oluali kuenda ovina viosi vi kasi lomuenyo kilu lieve. (Esituluilo 4:8, 11) Ca litepa lomunu ceci okuti, Yehova eye lika okuti otembo yosi oko a kasi kuenda o kala otembo ka yi pui.—Olosamo 90:2.
LILONGISA ONDONGOSI
Kũlĩhĩsa etepiso likasi pokati konduko yesumbilo ya Suku kuenda onduko yaye muẽle. Kuenje lilongisa ndomo a situluila onduko yaye kokuove kuenda esunga liaco.
3. Suku o kuete olonduko vialua viesumbilo, pole, o kuete lika onduko yimosi
Oco o tale etepiso li kasi pokati konduko yesumbilo yomunu umue kuenda onduko yaye muẽle tioka, Tala OVIDEO, noke konomuisa epulilo li kuãimo.
-
Etepiso lipi li kasi pokati konduko yesumbilo ndeci “Ñala,” kuenda onduko yaye muẽle?
Embimbiliya li popia okuti, omanu va fendela olosuku kuenda oloñala vialua. Tanga Olosamo 136:1-3, noke konomuisa epulilo li kuãimo:
-
Helie “Suku yolosuku” kuenda “Ñala yoloñala”?
4. Yehova o yongola okuti, ove u kũlĩha loku tukula onduko yaye
Nye ci lekisa okuti Yehova o yongola okuti ove o kũlĩha onduko yaye? Tala OVIDEO, noke konomuisa apulilo a kuãimo.
-
O sima hẽ okuti Yehova o yongola okuti onduko yaye yi kũlĩhĩwa? Momo lie?
Yehova o yongola okuti, omanu va tukula onduko yaye. Tanga Va Roma 10:13, noke konomuisa apulilo a kuãimo:
-
Momo lie ci kuetele esilivilo oku tukula onduko ya Suku Yehova?
-
O liyeva ndati eci umue a ivaluka onduko yove loku yi tukula?
-
Nye o sima ndomo Yehova a liyeva eci ove o tukula onduko yaye?
5. Yehova o yongola okuti ove o kala ekamba liaye
Ukãi umue wo ko Kamboja o tukuiwa Soten, wa popia okuti oku lilongisa onduko ya Suku co kuatisa oku kuata “esanju lialua.”
Tala OVIDEO, noke konomuisa epulilo li kuãimo.
-
Ndomo ca lekisiwa vovideo, oku lilongisa onduko ya Suku ca kuatisa ndati Soten?
Osimbu kua lingile ukamba la umue, tete o kũlĩha onduko yaye. Tanga Tiago 4:8a, noke konomuisa apulilo a kuãimo:
-
Yehova oku laleka oku linga nye?
-
Oku kũlĩha loku tukula onduko ya Suku ci ku kuatisa ndati oku pamisa ukamba wove laye?
OMANU VAMUE VA POPIA VATI: “Kuli lika Suku umosi, omo liaco, catamba ño kokuove ndomo u tukula.”
-
Ove hẽ o tava okuti Yehova onduko ya Suku?
-
Nda Suku o yongola okuti tu tukula onduko yaye muẽle, nda wa lomboluila ndati komunu umue?
NYE WA LILONGISA?
Yehova, onduko ya Suku yocili. Eye o yongola okuti, tu u kũlĩha kuenda tu tukula onduko yaco oco tu pamise ukamba wetu laye.
Oku Pitulula
-
Yehova wa litepa ndati lolosuku viosi vikuavo omanu va siata oku fendela?
-
Momo lie tu sukilila oku tukula onduko ya Suku?
-
Nye ci lekisa okuti Yehova o yongola okuti ove o pamisa ukamba wove laye?
OCO O KŨLĨHE OVINA VIKUAVO
Konomuisa asunga atãlo lieci tu tavela okuti kuli Suku.
Momo lie ca sungulukila oku tava okuti otembo yosi Suku hako a kasi?
Lilongisa esunga lieci tu sukilila oku tukula onduko ya Suku, ndaño ka tua kũlĩhĩle ndomo va enda oku yi tukola kosimbu.
Onjila ndomo tu tukula Suku yi kuete hẽ esilivilo? Limbuka esunga lieci tu popela okuti, eye o kuete onduko yaye muẽle.
“Suku o Kuete Olonduko Viñami?” (Ocipama ci sangiwa lika vo Internet)
a Oco o kũlĩhe ovina vikuavo viatiamẽla kelomboloko lionduko ya Suku kuenda esunga lieci ambimbiliya amue opilamo onduko yaco, tala Alomboluilo A4 Vembimbiliya li Kola—Epongoluilo Lioluali Luokaliye.
Ove o ka ci Sola
APULILO A SIATA
Elilongiso Liembimbiliya li Lingiwa Lolombangi Via Yehova li Lomboloka Nye?
Lekuatiso lielilongiso li lingiwa ocali Lolombangi Via Yehova, o pondola oku kuama Lembimbiliya liosi o yongola. Lianja poku laleka epata liove liosi ale akamba vove, oco vu lilongisili kumosi.
