NGUDO 04
Naa Mudzimu Ni A Mu Ḓivha?
Vhathu vho no gwadamela midzimu minzhi u bva tshee vha sikwa. Fhedzi Bivhili i amba nga ha Mudzimu muthihi ane a vha “muhulwane u fhira miṅwe midzimu yoṱhe.” (2 Koronika 2:5) Onoyo Mudzimu ndi nnyi? Ndi mini zwine zwa ita uri a vhe muhulwane u fhira miṅwe midzimu yoṱhe ine vhathu vha i gwadamela? Kha ino ngudo, ni ḓo guda zwine onoyu Mudzimu a ṱoḓa ni tshi zwi ḓivha nga hae.
1. Dzina ḽa Mudzimu ndi nnyi nahone ndi mini zwine zwa sumbedza uri u ṱoḓa ri tshi ḽi ḓivha?
Mudzimu u ḓiḓivhadza kha riṋe a tshi shumisa Bivhili. U ri: “Ndi nṋe Yehova. Ndi ḽone dzina ḽanga.” (Vhalani Yesaya 42:5, 8.) Dzina “Yehova” ḽi bva kha dzina ḽa Tshihevheru ḽine ḽa amba uri “U Ita Uri Zwi Vhe Hone.” Yehova u ṱoḓa ri tshi ḓivha dzina ḽawe. (Ekisoda 3:15) Ri nga vha hani na vhungoho ha zwenezwo? Dzina ḽawe ḽi bvelela lu fhiraho 7 000 Bivhilini! a Yehova ndi ḽone dzina ḽa “Mudzimu wa ngoho kha ḽiṱaḓulu na kha ḽifhasi.”—Dotoronomio 4:39.
2. Bivhili i ri vhudza mini nga ha Yehova?
Bivhili i amba uri kha midzimu yoṱhe ine vhathu vha i gwadamela, Yehova ndi ene fhedzi ane a vha Mudzimu wa ngoho. Ndi ngani? Hu na zwiitisi zwo vhalaho. Yehova u na maanḓa u fhira zwithu zwoṱhe nahone ndi ene e eṱhe “Wa-Ṱaḓulu-ṱaḓulu . . . ḽifhasini ḽoṱhe.” (Vhalani Phisalema 83:18.) Bivhili i amba uri ndi ene “Ramaanḓaoṱhe” ngauri u na maanḓa a u ita zwiṅwe na zwiṅwe zwine a ṱoḓa. Ndi ene we a “sika zwithu zwoṱhe,” fhethu hoṱhe na zwithu zwoṱhe zwi tshilaho kha ḽifhasi. (Nzumbululo 4:8, 11) Ndi Yehova fhedzi ane a dzula e hone nahone u ḓo dzula e hone lini na lini.—Phisalema 90:2.
GUDANI ZWO ENGEDZEAHO
Gudani uri madzina zwao a Mudzimu o fhambana hani na dzina ḽawe ḽo khetheaho. Ri ḓo dovha ra guda uri ndi ngani o ni ḓivhadza dzina ḽawe na uri o ḽi ḓivhadza hani.
3. Naho Mudzimu e na madzina zwao manzhi, u na dzina lithihi
Naa zwi na ndavha uri ri vhidza muthu nga dzina ḽawe ḽa vhukuma kana nga dzina zwaḽo? U itela u wana phindulo, Ṱalelani VIDIO, ni kone u fhindula mbudziso i tevhelaho.
-
Dzina zwaḽo “Murena” ḽo fhambana hani na dzina ḽa vhukuma?
Bivhili i amba uri vhathu vha gwadamela midzimu minzhi na marena manzhi. Vhalani Phisalema 136:1-3, ni kone u fhindula mbudziso i tevhelaho:
-
“Mudzimu wa midzimu” na “Murena wa marena” ndi nnyi?
4. Yehova u ṱoḓa ni tshi ḓivha dzina ḽawe na uri ni ḽi shumise
Ndi mini zwine zwa sumbedza uri Yehova u ṱoḓa ni tshi ḓivha dzina ḽawe? Ṱalelani VIDIO, ni kone u fhindula mbudziso dzi tevhelaho.
-
Ni vhona u nga ndi ngani Yehova a tshi ṱoḓa uri dzina ḽawe ḽi ḓivhiwe?
Yehova u ṱoda uri vhathu vha shumise dzina ḽawe. Vhalani Vharoma 10:13, ni kone u fhindula mbudziso dzi tevhelaho:
-
Ndi ngani zwi zwa ndeme u shumisa dzina ḽa Mudzimu ḽine ḽa vha Yehova?
-
Ni ḓipfa hani musi muṅwe muthu a tshi humbula dzina ḽaṋu na u ni vhidza ngaḽo?
-
Ni vhona u nga Mudzimu u ḓipfa hani musi ni tshi shumisa dzina ḽawe?
5. Yehova u ṱoḓa uri ni vhe khonani yawe
Vhaṅwe mufumakadzi vhane vha pfi Vho-Soten, vha bvaho Cambodia, vho ri: “U ḓivha dzina ḽa Mudzimu zwo ntakadzesa.” Ṱalelani VIDIO, ni kone u fhindula mbudziso i tevhelaho.
-
Kha yeneyi vidio, u ḓivha dzina ḽa Mudzimu zwo kwama hani Vho-Soten?
Kanzhi ni thoma nga u ḓivha dzina ḽa muthu ni sa athu u vha khonani yawe. Vhalani Yakobo 4:8a, ni kone u fhindula mbudziso dzi tevhelaho:
-
Yehova u khou ni humbela uri ni ite mini?
-
U ḓivha dzina ḽa Mudzimu na u ḽi shumisa zwi nga ni thusa hani uri ni vhe khonani yawe ya tsini?
VHAṄWE VHATHU VHA AMBA URI: “Hu na Mudzimu muthihi fhedzi, a zwi na ndavha uri ni mu vhidza nga dzina ḽifhio.”
-
Naa ni a tenda uri dzina ḽa Mudzimu ndi Yehova?
-
Ni nga ṱalutshedza hani uri Mudzimu u ṱoḓa ri tshi shumisa dzina ḽawe?
NO GUDA MINI?
Dzina ḽa Mudzimu wa ngoho ndi Yehova. U ṱoḓa ri tshi ḓivha dzina ḽawe na uri ri ḽi shumise uri ri kone u vha khonani dzawe dza tsini.
Ni Kha Ḓi Zwi Humbula?
-
Yehova o fhambana hani na miṅwe midzimu yoṱhe ine vhathu vha i gwadamela?
-
Ndi ngani ri tshi tea u shumisa dzina ḽa Mudzimu?
-
Ndi mini zwine zwa sumbedza uri Yehova u ṱoḓa ni tshi vha khonani yawe?
WANANI ZWO ENGEDZEAHO
Gudani nga ha zwithu zwiṱanu zwine zwa ita uri ri tende uri Mudzimu u hone zwa vhukuma.
Ndi ngani zwi tshi pfala u tenda uri Mudzimu o dzula e hone?
Gudani uri ndi ngani ri tshi tea u shumisa dzina ḽa Mudzimu naho ri sa ḓivhi uri mathomoni ḽo vha ḽi tshi vhidziwa hani.
Naa zwi na ndavha uri ri vhidza Mudzimu nga dzina ḽifhio? Vhonani uri ndi ngani ri tshi amba uri u na dzina ḽithihi fhedzi.
a U itela u wana zwo engedzeaho nga ha zwine dzina ḽa Mudzimu ḽa amba zwone na uri ndi ngani ḽo bviswa kha dziṅwe Bivhili, sedzani Ṱhumetshedzo A4 kha Bivhili ya Ṱhalutshedzelo Ya Shango Ḽiswa Ya Maṅwalo Makhethwa.
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
