LESSION 04
Chi che l’è Dio?
Poco tempo dopo che i umani i ze stati creadi, lori i ga scominsià a adorar tanti dèi. Ma la Bìblia la parla de un Dio che l’è pi poderoso che tuti i altri dèi. (2 Cróniche 2:5) Chi che l’è Dio e parché la Bìblia la dise che lu l’è pi poderoso che tuti i altri dèi? Questa lession la ndarà mostrarte che Dio el vol che te lo cognossa.
1. Come che l’è el nome de Dio e come che savemo che lu el vol che lo cognossemo?
Dio el ga dito nela Bìblia chi che lu l’è: “Mi son Geovà e questo l’è el me nome.” (Ledi Isaia 42:5, 8.) El nome “Geovà” in ebraico el vol dir “Lu el fà deventar”. Geovà el vol che cognossemo el so nome. (Ésodo 3:15) Come che podemo esser sicuri de questo? Lu el ga metesto el so nome nela Bìblia de pi de 7.000 volte. a Sol “el vero Dio nel cielo e nela Tera” el mèrita el nome Geovà. — Deuteronómio 4:39.
2. Cossa la Bìblia la parla sora Geovà?
Le persone le adora tanti dèi, ma la Bìblia la dise che Geovà l’è el vero Dio. Parché? Par causa de tante robe. Par esémpio, lu l’è la persona che la ga de pi autorità nel Universo. La Bìblia lo ciama de el “Altìssimo sora tuta la tera”. (Ledi Salmo 83:18.) Geovà l’è anca el “Tuto Poderoso” parché el ga el poder de far tuto quel che lu el vol. Dio el ga creà el Universo e tuto quel che ghen’è nela Tera. (Apocalisse 4:8, 11) Geovà l’è anca la ùnica persona che no la ga bio scomìnsio e no la gavarà fin. — Salmo 90:2.
IMPARA DE PI!
Che difarensa ghen’è intrà i tìtoli e el nome de Dio? Come che Dio el te ga fato saver el so nome e parché che el ga fato questo?
3. Dio el ga tanti tìtoli, ma sol un nome
Sarà che l’è importante ciamar una persona par el so nome? Par saver la risposta vardé el VÌDEO, e dopo, parlé sora questo:
-
Quala che la ze la difarensa intrà ciamar a Dio par el so nome e par “Signor”?
La Bìblia la dise che le persone le adora a tanti dèi. Ledé Salmo 136:1-3, e dopo, parlé sora questo:
-
Chi che l’è “el Dio dei dèi” e “el Signor dei signori”?
4. Geovà el vol che te cognossa e che te doperi el so nome
Cossa che mostra che Geovà el vol che te cognossa el so nome? Vardé el VÌDEO, e dopo, parlé sora questo:
-
Parché che Geovà el vol che le persone le cognossa el so nome?
Geovà el vol che le persone le dopere el so nome. Ledé Romani 10:13, e dopo, parlé sora questo:
-
Parché che l’è importante doperar el nome de Dio, Geovà?
-
Come che te te senti quando qualchedun el se ricorda del to nome?
-
Come che te pensi che Dio el se sente quando te doperi el so nome?
5. Geovà el vol che te sìpia so amigo
Varda la stòria de una dona del Camboja che la ga nome Soten. Ela la ga dito che cognosser el nome de Dio e capir cossa el vol dir l’è stà “la roba pi bela che la ghe ga sucedesto”. Vardé el VÌDEO, e dopo, parlé sora questo:
-
Cossa che ga cambià nela vita de Soten dopo che la ga imparà el nome de Dio?
Vanti de esser amigo de qualchedun, te ghè de saver el so nome. Ledé Tiago 4:8a, e dopo, parlé sora questo:
-
Cossa che Geovà el te convida a far?
-
Come che cognosser e doperar el nome de Dio ndarà giutarte a esser so amigo?
FURSI TE GHÈ BELCHE SCOLTÀ: “Dio l’è un sol, alora no vol mia dir come che te lo ciami.”
-
Te credi che el nome de Dio l’è Geovà?
-
Dio el vol che le persone le dopere el so nome. Come che te podarissi giutar qualchedun a capir questo?
COSSA CHE TE GHÈ IMPARÀ?
Geovà l’è el nome del vero Dio. Lu el vol che noantri semo so amighi. Par quela che l’è importante cognosser e doperar el nome de Dio.
Sito bon de ricordarte?
-
Parché che Geovà l’è difarente de tuti altri dèi?
-
Parché che l’è importante doperar el nome Geovà?
-
Cossa che mostra che Geovà el vol che te sìpia el so amigo?
VUTO SAVER DE PI?
Come che te pol esser sicuro che ghen’è un Dio?
Parché che podemo creder che Dio no’l ga bio un scomìnsio?
Noantri no semo sicuri de come le persone le parlea el nome de Dio nel passà. Ma parché che l’è importante doperar el nome de Dio ancora cossita?
L’è importante doperar el nome de Dio? Parché che podemo dir che Dio el ga sol un nome?
a Se te vol imparar de pi sora cossa vol dir el nome de Dio e parché che in arquante Bìblie no ghen’è pi el so nome, vedi el Apéndisse A4 nela Tradução do Novo Mundo da Bíblia Sagrada.
Te piaserà de veder anca questo
DOMANDE FATE DE PI
Come che se fà el stùdio dela Bìblia cole Testimònie de Geovà?
Par studiar cole Testimònie de Geovà te pol doperar la Bìblia che te vol. Te pol ciamar tuta la to fameia o i amighi che te vol.
