ROMNHORÉ 04
E ꞌwa hã Ropotoꞌwa ĩꞌuptabi.
Robnaꞌrata hawimhã, te ꞌre dawata dzaꞌra ropotoꞌwa ĩꞌahö norĩ ãma. Tadzahã Bíblia te tinha mitsi Ropotoꞌwa ĩtsaꞌẽtẽ uptabi uburé ropotoꞌwa nhipai u ꞌre ĩtsãmra mono na. (Salmo 95:3) E ꞌwa hã bété. E niha bö Ropotoꞌwai mreme te tinha õ hã uburé ropotoꞌwa nhipai u ĩhöimana na hã. Ãhã romnhoré na hã te dza ĩꞌmadö Ropotoꞌwa ĩꞌuptabi hã te te tsima ĩwẽ na hã ãma waihuꞌu da.
1. E niha Ropotoꞌwa nhitsi hã. E marĩ dzarina wama waihuꞌu petse dzaꞌra di te te tsima ĩwẽ na hã ĩtsitsi wa te waihuꞌu dzaꞌra da.
Ropotoꞌwa te wama tsiwatsuꞌu dzaꞌra timreme nhihötö na ãne: “Wa hã Jeová. Ãhã ĩ̱nhitsi.” (Tsõré na Isaías 42:5, 8 TNM.) Romnhoré petse ꞌwa ĩꞌahö norĩ dzarina “Jeová” damreme hebraico na hã te watsuꞌu “õ hã te ꞌmanha watobro da”. Jeová te tsima wẽ ĩtsitsi wa te waihuꞌu dzaꞌra da. (Êxodo 3:15 TNM) E marĩ dzarina wama waihuꞌu petse dzaꞌra di tahã. Ropotoꞌwai mreme na õ hã ma tô titsẽ tinhitsi 7 mil nhipai u! a Jeová “wététsi tsena na ꞌRe ĩhöimana uꞌötsi mono”. Taha wa, ĩte tsi danhitsi hã Jeová. — João 17:3.
2. E marĩ Ropotoꞌwai mreme te tinha Jeová ãma.
Ropotoꞌwa ĩꞌahö norĩ ãma dawata dzaꞌra nherẽ, Bíblia dzarina Jeová tsi Ropotoꞌwa ĩꞌuptabi hã. E marĩ wa. Marĩ ahö wa. Niꞌwa ĩtsipai u pire na höimana õ di, taha wa õhõ tsi “tsaꞌẽtẽ uptabi di uburé Tiꞌa nhitsiwi.” (Tsõré na Salmo 83:18 TNM.) ‘Õhõ tsi, tsiwaprotsi waihuꞌu petse uptabi di’ uburé marĩ hã te te ꞌmanharĩ waihuꞌu petse wa. Õ hã ma tô aropoto höiwa ãma duré uburé Tiꞌai ãma ꞌre ĩhöimana mono. (Apocalipse 4:8, 11) Jeová wététsi duréi hawi te ꞌre höimana uꞌötsi duré õne uꞌö te dza ꞌre höimana. — 1 Timóteo 1:17.
WAIHUꞌU DURÉ
Te dza ĩwaihu e marĩ wa, aiwab õ di Ropotoꞌwa ꞌmahörö mono dzé hã duré ĩtsitsi uptabi hã. Te dza ĩwaihu duré e niha Ropotoꞌwa ma tô aima höiꞌré tinhitsi duré e marĩ wa, ãne ma ꞌmanha.
3. Ropotoꞌwa ꞌmahörödzé ahö di, tadzahã mitsi haré ĩtsitsi
Danhitsi duré daꞌmahörödzé, e aiwa. E aimawi. Waihuꞌu da ꞌmadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ wa, danhitsi duré daꞌmahörödzé, ãma ĩtsimiré “Rotiꞌwa” ne, aiwab õ di.
Bíblia te tinha ꞌre ĩdawata dzaꞌra mono na hã ropotoꞌwa duré danhibꞌapito ĩꞌahö norĩ ãma. Atsiré tsõré aba Daniel 2:47. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E ꞌwa hã ‘uburé ĩhöibaꞌõ norĩ nhipai u tsiptete uptabi’ di duré ‘Danhibꞌapito uptabi’.
4. Jeová te tsima wẽ waihuꞌu da duré ĩtsitsi na ãma aihöimana da
E marĩ te höiꞌré Jeová te te tsima ĩwẽ na hã ĩtsitsi waihuꞌu da. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
-
Aima hã, e marĩ wa Jeová te tsima wẽ ĩtsitsi da te waihuꞌu dzaꞌra da.
Jeová te tsima wẽ ĩtsitsi na ãma dahöimana dzaꞌra da. Atsiré tsõré aba João 17:26 (RTN). Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E marĩ wa ĩpire Ropotoꞌwa nhitsi na hã Jeová, ãma aihöimana da.
-
Aima hã, e niha Jeová te dza tihöiba ĩtsitsi na ꞌmahörö wamhã.
5. Jeová te tsima wẽ ĩtẽme atsina rotété da
ꞌMadöꞌö rowatsuꞌu. Piꞌõ Soten na ĩtsitsi Camboja ãma ma tô ꞌre höimana. Õ hã ma tô waihuꞌu Ropotoꞌwa nhitsi duré ĩtsitsi watsuꞌu. Ãne wamhã, te tinha ãhã marĩ danhipai u ĩwẽ na hã tsô ĩwatobro hã. ꞌMadöꞌö aba ĨROPODO. Taha parimhã atsima robdzanhamri aba ãhã dadzadanharĩ ãma piꞌrebamhã:
-
E marĩ ma ãma tsaprĩ Soten höimanadzém na hã Ropotoꞌwa nhitsi te te waihuꞌu parimhã.
Nima dahöimanadzém norĩ ãma, niꞌwa daꞌãma tsiwaihuꞌu da, niwamhã ĩmorĩꞌrata na te dza waihuꞌu danhitsi. Atsiré tsõré aba Tiago 4:8a. Taha parimhã atsima robdzanhamri aba ãhã dadzadanharĩ norĩ ãma piꞌrebamhã:
-
E marĩ Jeová te tsima wẽ ꞌmanharĩ da.
-
Aima hã, Ropotoꞌwa nhitsi waihuꞌu wamhã duré ãma aihöimana wamhã e te dza danhipai u ĩtẽme atsina ĩroté. E marĩ wa.
NIꞌWAM NORĨ TE NHARĨ DZAꞌRA ÃNE: “Ropotoꞌwa mitsi haré. Tawamhã, marĩ õ di ĩꞌmahörödzé.”
-
E te ãma atsimidzadze Ropotoꞌwa nhitsi hã Jeová na.
-
Ropotoꞌwa te tsima wẽ ãma dahöimana dzaꞌra da ĩtsitsi na hã. E niha te dza dama ãma ĩrowatsuꞌu taha na hã.
ĨWAIHUꞌUDZÉ HÃ
Jeová Ropotoꞌwa ĩꞌuptabi nhitsi. Te tsima wẽ ĩtẽme wa te watsina rotété dzaꞌra da. Taha wa, ĩpire uptabi Jeová nhitsi wa te waihuꞌu dzaꞌra da duré ãma wahöimana dzaꞌra da.
Ãma aipoꞌre puꞌu
-
E marĩ wa Jeová hã, ropotoꞌwa höiba amo norĩ nhipai u te ꞌre höimana.
-
E marĩ wa, ãma ĩwahöimana dzaꞌra da tsi Ropotoꞌwa nhitsi na.
-
E Jeová te tsima wẽ ãma atsiwaihuꞌu da. E marĩ dzarina aima waihuꞌu petse di.
TSÔ AIRĨTĨ DURÉ
ꞌMadöꞌö 5 marĩ norĩ te te ĩhöiꞌré dzaꞌra hã Ropotoꞌwa tô ꞌre ĩhöimana mono na hã.
“Ropotoꞌwa – E tô tsena te ꞌre höimana.” (Ĩtsihötödzé jw.org na)
ꞌMadöꞌö e marĩ wa ĩbö wa te tsadze dzaꞌra da Ropotoꞌwa ꞌre ĩhöimana uꞌötsi mono na hã.
“E ꞌwa Ropotoꞌwa potoꞌwa.” (Roꞌmadöꞌöꞌwa, 1.º agosto na, 2014 na)
Wama waihuꞌu dzaꞌra õ di e niha tô ãma damreme Ropotoꞌwa nhitsi hebraico mreme na duréihã. Te dza ĩwaihu e marĩ wa ĩpire ãma aihöimana da ĩtsitsi na hã taha nherẽ.
“E ꞌwa hã Jeová duré e marĩ wa ĩtsitsi ĩpire.” (Ĩtsihötödzé jw.org na)
E ĩꞌmahörö da tsi Ropotoꞌwa ĩtsitsi na hã. ꞌMadöꞌö e marĩ dzarina wama waihuꞌu petse dzaꞌra di Ropotoꞌwa mitsi haré ĩtsitsi ĩré na.
a Waihuꞌu da duré Ropotoꞌwa nhitsi watsuꞌudzém na duré e marĩ wa, ĩtsitsi ma tô wadzere ni Bíblia ĩꞌahö norĩ hawi, ꞌmadöꞌö ĩwaꞌõno ĩꞌrãtsudu A4 ãma ĩtsaprĩdzém na Tradução do Novo Mundo waradzu mreme na.
