YOOSOMA 04
Muluku Taani?
Okhala wene, okhuma neenne apattusiwa awa apinaatamu, atthu annaakokhorela amuluku awaatta. Masi Biibiliya onninlotta Muluku mmodha yoowo ori ‘muulupalesa waaxira amuluku ootheene’. (2 Wahala 2:5) Muluku seeni owo? Seeni Biibiliya onlotta iye wiira muulupalesa waaxira amuluku ootheene? Muluku owo ontthuna wiira mmudhuwele saana, ndho yoosoma ela nin’ya woona moopora woondhuwela saana Muluku.
1. Ndhina na Muluku tinvi, ni eseeni enoonihera wiira yeene ontthuna wiira nidhuwele ndhina-ne?
Mbiibiliyani, Muluku onnidhuweliha ndhina-ne. Owo olontte wiira: ‘Miyo ka Yehova. Nna ndhina naka.’ (Munsome Yesaya 42:5, 8.) Moovarihana ni asomi awaatta, ndhina na eHeeberi naawi “Yehova” nintaphulela “Owo Onniiriha Okhala.” Yehova ontthuna wiira nidhuwele ndhina-ne. (Okhuma 3:15) Nin’ya owerya dhai okhupali elo? Muluku ooruma wiira ndhina-ne naatikhiwe mBiibiliyani ivaara dhinxira 7.000! a Muluku eekhweeli pahi ‘okhuma odhulu mpakha vathi’ tomphwanela wiitthaniwa Yehova.—Otumererya 4:39.
2. Eseeni Biibiliya onlotta iye voohima dha Yehova?
Attthu annaakokhorela amuluku awaatta, masi Biiibiliya onlotta wiira Muluku eekhweeli ori mmodha pahi, Yehova. Seeni Biibiliya onlotta iye dhiidho? Aakhala mathowa awaatta. Khaavo ntthu orina okhulupale onxira Yehova, yeene meekhe tori “Avadhulusa elapo yootheene.” (Nsome Esalimo 83:19.) Owo ‘Nanwerya Dhootheene’, okhala wiira onniwerya opaka khuta etthu ontthuna iye. Yehova ‘topattunse itthu dhootheene’, olumwinku ni itthu dhiri valaponi. (Wiisuupulula 4:8, 11) Yehova meekhe, khaana woopacerani ni khaana wookhidherani owo onkhala mahiku ootheene.—Esalimo 90:2.
NHUDHE ITTHU DHIKINA
Moone ovirikana orivo eriyari ya maitthaneliwo a nttittimiho a Muluku ni ndhina-ne. Nitho moone moopora Muluku odhuwelinhe iye ndhina-ne ni etthu emwiirinhe opaka elo.
3. Muluku ookhalana maitthaneliwo awaatta, masi ndhina-ne nri nimodha
Niire wookhala ovirikana eriyari ya maitthaneliwo a ntthu ni ndhina-ne? Wiira ndhuwele waakhuliwa awa moone EVIIDIYU, nuuvinya mwaakhule nikoho ninttharelana.
-
Ovirikana seeni orivo, eriyari ya mwiitthaneliwo waawi “Pwiya” ni ndhina?
Biibiliya onlotta wiira atthu annaakokhorela amuluku awaatta ni mapwiya awaatta. Nsome Esalimo 136:1-3, nuuvinya mwaakhule nikoho ninttharelana:
-
Taani ori ‘Muluku a amuluku’ ni ‘Pwiya a mapwiya’?
4. Yehova ontthuna wiira mmudhuwele ni nrumeele ndhina-ne
Etthu seeni enoonihera wiira Yehova ontthuna wiira ndhuwele ndhina-ne? Moone EVIIDIYU, nuuvinya mwaakhule nikoho ninttharelana.
-
Eseeni enookhupalihani wiira Yehova ontthuna wiira atthu edhuwele ndhina-ne?
Yehova ontthuna wiira atthu ekarumeela ndhina-ne. Munsome aRoma 10:13, nuuvinya mwaakhule makoho anttharelana:
-
Seeni oraawa vootthuneya orumeela ndhina na Muluku naawi Yehova?
-
Nnoonela dhai vaavo ntthu ohinliyala iye ndhina ninyu?
-
Khi Yehova onoonela dhai vaavo nhinliyala nnyu oruumeela ndhina-ne?
5. Yehova ontthuna wiira ntepe omwaattamela
Moone yaawiiraneya ya nthiyana mmodha a oCamboja oniitthaniwa Soten. Owo olontte wiira “odhuwela ndhina na Muluku ni ele entaphulela awa ndhina nno ennimwiiriha otepa ohakalala oxira khalai”. Moone EVIIDIYU, nuuvinya mwaakhule nikoho ninttharelana.
-
Nkhama moonne nnyu eviidiyu, odhuwela ndhina na Muluku waarukununse dhai ekumi ya Soten?
Nhinatthi okhala nxirikha a ntthu, munreerela toko-toko odhuwela ndhina-ne. Munsome Yakobo 4:8a, nuuvinya mwaakhule makoho anttharelana:
-
Nlaleyo seeni Yehova onoovahaiyeni?
-
Odhuwela ni orumeela ndhina na Muluku on’ya wookhaliherani dhai otepa omwaatthamela Muluku?
ATTHU AKINAKU ANLOTTA WIIRA: “Muluku ori mmodha pahi. Tivondho, khanintthuneya oxanka moopora woomwiitthana, okhala wiira pooti omwiitthanela khuta ndhina.”
-
Niire nyuwo munnikhupali wiira ndhina na Muluku ti Yehova?
-
Muluku ontthuna wiira nirumeele ndhina-ne. Munʼya onkhalihera dhai ntthu nkina odhuwela wiira Muluku ontthuna wiira nidhuwele ndhina-ne?
WUULUULA
Ndhina na Muluku eekhweeli ti Yehova. Owo ontthuna wiira nidhuwele ni nirumeele ndhina-ne wiira nitepe omwaattamela.
Ipontu dhuulupale
-
Seeni Yehova ori iye ovirikana ni amuluku akina ankokhoreliwa?
-
Seeni ori awa vootthuneya orumeela ndhina na Muluku?
-
Etthu seeni enoonihera wiira Yehova ontthuna wiira ntepe omwaattamela?
NTHOKODHE ITTHU DHIKINA
Moone itthu thanu dhinoonihera wiira Muluku ookhala.
Moone mathowa anniiriha okhupali wiira Muluku khaana woopacerani ni wookhidherani.
“Taani Ompattuse Muluku?” (A Sentinela, 1 de Agosto de 2014)
Hiyo khanindhuwela moopora ndhina na Muluku naromoliwa awa khalai. Masi hata eri dhiidho, moone seeni eri awa etthu yootthuneya orumeela ndhina na Muluku.
Niire tivootthuneya orumeela ndhina na Muluku? Moone nthowa ninniiriha olotta wiira Muluku orina ndhina nimodha pahi.
a Wiira ndhuwela ettthu entaphulela awa ndhina na Muluku ni nthowa-na anamataphulela akina aveihalayamo ndhina na Muluku mBiibiliyani, mmoone Apendisi A4 a Tradução do Novo Mundo da Bíblia Sagrada.
