LESON 04
Azovy ma Ten̈a Zan̈ahary?
Rango nisiany olombelon̈o zay, maro zan̈ahary lahy ndreky zan̈ahary vavy ivavahanolo. Fa Baiboly ndraiky mivolan̈a fa misy Zan̈ahary araiky, ‘be mandilatra zan̈ahary jiaby.’ (2 Tantara 2:5) Azovy izio? Nan̈ino ma izy tsy mira amindro zan̈ahary jiaby ivavahanolo? Amy leson ty, diniha ino raha tiany Zan̈ahary ho hainao momba izy.
1. Azovy an̈arany Zan̈ahary, avio nan̈ino atsika matoky fa tiany atsika hahay izio?
Amy Baiboly ao Zan̈ahary man̈ambara an̈aranany. Ho izy: ‘Zaho Jehovah! Zen̈y an̈aranaka.’ (Vakia Isaia 42:5, 8.) “Jehovah” io an̈aran̈a baka amy volan̈a hebreo, dikany “Izy Man̈ano Raha Hahavy.” Jehovah tia atsika hahay an̈aranany. (Eksodosy 3:15) Marin̈y ma zen̈y? Ia, fotony amy Baiboly ao an̈aranany io misy mandilatra im-7000 mimpody! a Jehovah io an̈aran̈any “ten̈a Zan̈ahary amy lan̈itry an̈abo an̈y ndreky amy tany ambany eto.”—Deoteronomia 4:39.
2. Ino raha volan̈iny Baiboly momba Jehovah?
Baiboly mivolan̈a fa amindro zan̈ahary maro ivavahanolo io, Jehovah zaraiky fo ten̈a Zan̈ahary. Nan̈ino? Maro antony. Jehovah zaraiky fo “Farany An̈abo amy tany jiaby.” (Vakia Salamo 83:18.) Izy “Farany Mahery”, dikanizen̈y izy manan̈a angovo han̈anovan̈a zay raha tiany hatao. Izy “niasa raha jiaby” andan̈itry an̈y ndreky ambony tany eto. (Apokalypsy 4:8, 11) Izy tsy mira olo, fotony izy efa tiô fo sady izy koa tsy mety maty.—Salamo 90:2.
ALEVA ONON̈O
Ianara ino raha tsy mampitovy an̈aran̈a fan̈ajan̈a Zan̈ahary ndreky ten̈a an̈aranany. Diniha koa karakory nan̈ambarany an̈aranany, avio nan̈ino izy nan̈ambara izio aminao.
3. Maro an̈aran̈a fan̈ajan̈a Zan̈ahary fa araiky fo ten̈a an̈arany
Ino ma tsy mampiran̈a an̈aran̈a fan̈ajan̈a ndreky ten̈a an̈aran̈a? Alifasa VIDEO io, avio iaraha dinihin̈y fan̈ontanian̈a ambany io.
-
Ino tsy mampiran̈a an̈aran̈a fan̈ajan̈a, karaha ataony “Tompo” ndreky ten̈a an̈aran̈a?
Volan̈iny Baiboly fa maro zan̈ahary ndreky tompo ivavahanolo. Vakia Salamo 136:1-3, avio iaraha dinihin̈y fan̈ontanian̈a ambany io:
-
Azovy ma “Zan̈ahariny zan̈ahary” ndreky “Tompony tompo” zen̈y?
4. Tiany Jehovah anao hahay izy ndreky hampiasa an̈aranany
Ino porofo fa tiany Jehovah hahay an̈aranany anao? Alifasa VIDEO io, avio iaraha dinihin̈y fan̈ontanian̈a aby ambany io.
-
Fahitanao izy, nan̈ino tiany Jehovah ho hainolo an̈aranany?
Tiany Jehovah olo hampiasa an̈aranany. Vakia Romanina 10:13, avio iaraha dinihin̈y fan̈ontanian̈a aby ty:
-
Nan̈ino ma ten̈a raha maventy fampiasan̈a an̈arany Jehovah io?
-
Akory fahitanao izy, izikoa an̈aranao mba tsaroanolo ndreky ampiasaindro?
-
Akory koa fahitany Jehovah anao, izikoa anao mampiasa an̈aranany?
5. Anao tiany Jehovah hanjary kamaradinany
Nisy man̈angy baka a Kambôdzy an̈y, Soten an̈arany, nivolan̈a fa fahaizany an̈arany Zan̈ahary nan̈ampy izy ho “ravoravo mare amy fiain̈ananany.” Alifasa VIDEO io, avio iaraha dinihin̈y fan̈ontanian̈a ambany io.
-
Tamy video tio in̈y, nan̈ano karakory Soten koa fa nahay an̈arany Zan̈ahary?
Matetiky izikoa fa misy olo tianao hatao kamarady, anao man̈ontany azovy an̈aranany. Vakia Jakoba 4:8a, avio iaraha dinihin̈y fan̈ontanian̈a aby ambany io:
-
Mikaiky anao han̈ino Jehovah?
-
Nan̈ino anao hanjary kamaradiny Zan̈ahary, izikoa anao mahay ndreky mampiasa an̈aranany?
MISY OLO MIVOLAN̈A: “Zan̈ahary araiky fo, ke zay ikahianao izy mety fo.”
-
Asa ikenao fa Jehovah an̈aran̈any Zan̈ahary?
-
Akory han̈azavanao fa tiany Jehovah atsika hampiasa an̈aranany?
INO RAHA NIANARANAO TATO?
Jehovah an̈arany Zan̈ahary tokana sady marin̈y. Tiany atsika hahay ndreky hampiasa an̈aranany, baka atsika hanjary kamaradinany.
Fan̈ontanian̈a Fameren̈ana
-
Ino tsy mampiran̈a Jehovah amy zan̈ahary maro ivavahanolo?
-
Nan̈ino atsika tokony hampiasa an̈arany Zan̈ahary?
-
Ino porofo fa tiany Jehovah hanjary kamaradinany anao?
ZAHAVA
Diniha raha dimy mahavy anao man̈eky fa Zan̈ahary io misy ankitin̈y.
“Misy Ankitin̈y ma Zan̈ahary Zen̈y?” (Lahatsoratra aminy Internet)
Nan̈ino rariny atsika koa mino fa Zan̈ahary efa nisy fo letrizay?
“Azovy ma Niasa Zan̈ahary?” (Tilikambo Fiambesan̈a 1 Aoty 2014)
Zahava nan̈ino ma atsika tokony hampiasa an̈arany Zan̈ahary fo, ndray tsy haintsika fanon̈onan̈a izio tamboanalohany tan̈y.
Tsy man̈ino ma zay an̈aran̈a ikahiantsika Zan̈ahary? Zahava nan̈ino atsika mivolan̈a fa araiky fo ten̈a an̈aranany.
“Firy ma An̈aran̈any Zan̈ahary?” (Lahatsoratra aminy Internet)
a Izikoa tihahay raha maro momba dikany an̈aran̈a Zan̈ahary io ndreky tihahay nan̈ino Baiboly sasany nadikanolo tsisy an̈aran̈a Zan̈ahary io, zahava bokikely Fitaovan̈a Fianaran̈a Soratra Masin̈y p. 1-5.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
