ZƐŊ-LƐƐI 04
Gbɛɛ Ɓa Dɔ̃ya Ɣalai?
Nuu-kpune a wɔlɔ tua ɣala sii takpɛni-ŋa fɛlii a tãi su koya. Kɛɛ Ŋala-kɔlɔi e lono e pilaŋ Ɣala tɔnɔ ma nyii ‘gɛtɛi kpɔ e tɛɛ ŋala-ŋai kelee dia.’ (2 Kɔlɔnikɔ 2:5) Gbɛɛ ɓa Ŋalai ti? Nyaŋ le ɓe gɛ a gɛtɛɛ e tɛɛ ŋala-ŋai kelee dia nua da vɛlii? Zɛŋ-lɛɛi ŋi su, mɛnii kaa Ŋalai ŋi a ŋwɛlii I gɔlɔŋ e pilaŋ mai.
1. Ɣala laa ɓa gbɛɛ, nyaŋ le ɓe nɛ a gɛɛ a ŋwɛlii ku naa kɔlɔŋ?
Ɣala aa naa lɛ kua Ŋala-kɔlɔi su. E mo nyɛɛi: “Nyãa tɔnɔ kpeŋ nɔ ɓa Kaɣalai Yawɛɛ [Ziova]. Naa ka ŋi.” (Azaya 42:5, 8 lono.) Ɣala laa “Ziova” kaa a Ibulu laa nyii zukulai ɓa “A Gbɛtɛ-mɛni Kelee Ŋaa-see Kɛ,” yɛɛ berei kɔlɔ kɔlɔŋ-ɓela kpaya-kpaya tamaa daa mo lai. Ziova a ŋwɛlii ku naa kɔlɔŋ. (Ɛsedɔ 3:15) Ku gɔlɔŋ pere kɛ leŋ? Naa kaa Ŋala-kɔlɔi su e tɛɛ la wala lɔɔlu mɛi feerɛ (7,000) ma! a Naai Ziova kaa a “dɔ̃ya Ɣalai nyii gaa ŋelei su, nɔii ma da nɔii mu-perei” pɔɔ.—Dutɛrɔnome 4:39, NWT.
2. Le ɓe Ŋala-kɔlɔi e mo kua e pilaŋ Ziova ma?
Ŋala-kɔlɔi e mo a gɛɛ Ziova nɔ ɓa dɔ̃ya Ɣalai ŋala-ŋai kelee sama nyii nuu-kpune a vɛlii. Le mɛni ma? Mɛni-ŋuŋ tamaa mɛni ma. Ziova ŋɔwala-wala-laai tɛɛi wala-wala-laa kelee ma, mɛni ma ‘ŋɔwala-wala-laai kaa ŋeniɛi gwaa kelee mɛi.’ (Ŋule-wooi 83:18 lono.) Nya ɓa “Ŋwala-wala kelee-ɣalai,” nyii zukulai ɓa wala-wala-laa kaa nyeei a gɛɛ e mɛni-ŋai kelee kɛ a ŋwɛli e gɛi. Nya ɓe “sɛŋ kelee kpɛtɛ”—ŋeniɛi da fulu-sãa kelee nɔii ma. (Mɛni-lɛɛi 4:8, 11) Nyaŋ Ziova nɔ ɓe aa kɛ ɣele ma wɔlɔ-wɔlɔ da wɔlɔ-wɔlɔ, nyaŋ a pai kɛi ɣele ma wɔlɔ-wɔlɔ da wɔlɔ-wɔlɔ.—Ŋule-wooi 90:2.
MƐNI TAMAA MAA-KƆRI
Mɛni maa-kɔri e pilaŋ berei ma Ɣala laa maa nɛ̃ɛ laa-ŋai kaa la a dakpɛni naa kpɔɔi ma. Kwa pai ŋɔnɔ berei da mɛnii e naa lɛ la yai maa-kɔrii.
3. Ɣala laa maa nɛ̃ɛ laa tamaai, kɛɛ naa kaa nɔ tɔnɔ
A gɛɛ ku mɛnii laa maa nɛ̃ɛ laa kɛ a dakpɛni laa kpɔɔi mai kaa, VILOI su kaa, gɛ ni ka lono e pilaŋ mare-kɛɛ ŋi ma.
-
Le ɓe naa maa nɛ̃ɛ laai “Kunuu-namui,” kɛ a dakpɛni laa kpɔɔi ma?
Ŋala-kɔlɔi nyɛɛ nua da ɣala da nuu-namu tamaa fɛli. Ŋule-wooi 136:1-3 lono, gɛ ni ka lono e pilaŋ mare-kɛɛ ŋi ma:
-
Gbɛɛ ɓa “ŋala-ŋai kelee mɛi Ɣalai” da “nuu-namu-ŋai mɛi Nuu-namu kɛtɛi”?
4. Ziova a ŋwɛlii a gɛɛ I naa kɔlɔŋ, ikɛ doli la
Le ɓe nɛ a gɛɛ Ziova a ŋwɛlii I naa kɔlɔŋ? VILOI su kaa, gɛ ni ka lono e pilaŋ mare-kɛɛ-ŋai ŋi dia.
-
I laai la Ziova a ŋwɛlii a gɛɛ I naa kɔlɔŋ? Le mɛni ma?
Ziova a ŋwɛlii a gɛɛ nua di naa kɔlɔŋ, dikɛ doli la. Lomaŋ 10:13 (NWT) lono, gɛ ni ka lono e pilaŋ mare-kɛɛ-ŋai ŋi dia:
-
Le mɛni ɓe gaa la a mɛni-kpanaŋ a gɛɛ ku Ɣala laa Ziova kɔlɔŋ, kukɛ doli la?
-
Ilii a kɛ leŋ nuu ta a ilaa kɔlɔŋ, e itoli la?
-
I laai la Ziova lii a kɛ leŋ ya doli a naa?
5. Ziova a ŋwɛlii a gɛɛ I lɛɣɛ a nyaa
Nɛni ta nyii naa ɓa Soten nyii kula Cambodia e mo a gɛɛ Ɣala laa kɔlɔŋɔɔ e kpɔŋ maa tɛɛ bɔ a gɛɛ e “lii-nɛɛ tamaa sɔlɔ ɓo.” VILOI su kaa, gɛ ni ka lono e pilaŋ mare-kɛɛ ŋi ma.
-
Viloi su, Ɣala laa kɔlɔŋɔɔ e kpɔŋ maa tɛɛ leŋ Soten pɔ?
I lɛɛ pai kɛi a nuu ta naoi, maa nɛ̃ɛi I nuui ti laa kɔlɔŋ. Zĩi 4:8 lono, gɛ ni ka lono e pilaŋ mare-kɛɛ-ŋai ŋi dia:
-
Le ɓe Ziova a ŋwɛlii a gɛɛ I gɛ?
-
Ya Ɣala laa kɔlɔŋ I doli la, a kpɔŋ leŋ ya a gɛɛ I lɛɣɛ a nyaa?
NUA TAŊA DA MO DIYƐƐI: “Ɣala kaa nɔ tɔnɔ, ya pɔri dolii a pere sii kelee ya ŋwɛlii.”
-
I laai la Ɣala laa ɓa Ziova?
-
Ya pɔri nɛi leŋ a gɛɛ Ɣala a ŋwɛlii ku naa kɔlɔŋ, kukɛ doli la?
MƐNI-ŊUŊ-ŊAI YAA MAA-KƆRII
Dɔ̃ya Ɣala tɔnɔi laa ɓa Ziova. A ŋwɛlii a gɛɛ ku naa kɔlɔŋ, kukɛ doli la a gɛɛ ku lɛɣɛ a nyaa.
Gili-too-ŋa mare-kɛɛ-ŋai
-
Ziova kaa leŋ a dakpɛni ŋala-ŋai kelee dia nyii nua da vɛlii?
-
Le mɛni ɓe maa nɛ̃ɛi kukɛ Ɣala toli la a naai?
-
Le ɓe nɛ a gɛɛ Ziova a ŋwɛlii I lɛɣɛ a nyaa?
MƐNI TAKPƐNI-ŊA MAA-KƆRI
Mɛni-ŋuŋ lɔɔlu kaa nyii gɛ kwa pɔri laai la a gɛɛ Ɣala kaa ɣele ma.
Mɛnii kaa gɛ a tare a gɛɛ ku laa la a gɛɛ Ɣala kaa nɔ wɔlɔ ɣele ma.
Mɛnii kaa gɛ maa nɛ̃ɛi ku Ɣala toli la a naa a nɛ̃ɛ maŋ kufe berei kɔlɔŋ da kaa wɔlɔ naai ti toli lai.
I laai la berei kwa Ɣala toli lai kaa a mɛni-kpanaŋ? Mɛnii kaa kwa pɔri moi la a gɛɛ naa kaa nɔ tɔnɔi.
a Ya kɛ ŋwɛlii I mɛni tamaa kɔlɔŋ e pilaŋ Ɣala laa sukulai ma da mɛnii gɛ naa fe la Ɣala-kɔlɔ taŋa sui, Appendix A4 kaa New World Translation of the Holy Scriptures su.
