GURUY NI 04
Mini’ Got?
Ka nap’an nni sunmiy e girdi’ keb i mada’ ko chiney ni boor e got ni yad ma liyor ngay. Machane kemus ni taareb e Got ni be weliy e Bible murung’agen ni “ba ga’ ngak gubin e pi got.” (2 Kronicles 2:5, BT) Mini’ e re Got nem? Ma mang fan ni kab ga’ ngak urngin e pi got ni ma liyor e girdi’ ngay? Ga ra fil ko re guruy ney e n’en ni baadag Got ni ngam nang u murung’agen.
1. Mini’ fithingan Got, ma mang e be dag ni baadag ni ngam nang e re ngachal nem?
Ke yog Got ngodad ko ir mini’ u lan e Bible. Be gaar: “Gag Jehovah. Ireray fithingag.” (Isaiah 42:5, 8, NW) Fare ngachal ni “Jehovah” e ke yib u ba ngachal ni Hebrew nrayog ni be yip’ fan ni “Ma K’aring ni Nge Buch.” Baadag Jehovah ni ngad nanged fithingan. (Exodus 3:15) Uw rogon ni kad nanged e re n’ey? Ba pag 7,000 yay ni ke m’ug fithingan Got u lan e Bible! a Jehovah e aram fithingan fare “Got nu tharmiy ngu fayleng.”—Deuteronomy 4:39.
2. Mang e be yog e Bible u murung’agen Jehovah?
Be yog e Bible ni yigoo Jehovah e ir e bin riyul’ e Got u fithik’ urngin e got ni ma liyor e girdi’ ngay. Mang fan? Baaray boch i fan. Kemus ni yigoo Jehovah e “Th’abi Tolang u polo’ e fayleng.” (Mu beeg e Psalm 83:18, BT.) Be yog e Bible ni “Gubin ma Rayog Rok” ni bochan e bay gelngin ni nge rin’ e n’en ke dugliy ni nge rin’. Ir e ke “sunumiy urngin ban’en” ni aram e palpalth’ib nge urngin e yafos ni bay u fayleng. (Revelation 4:8, 11) Kemus ni yigoo Jehovah e dan sunmiy, ma ra par ni manemus.—Psalm 90:2.
KUM FIL BOCH BAN’EN U MURUNG’AGEN
Mu guy rogon nib thil e liw rok Got nga fithingan. Ngemu’ mag fil rogon nge fan ni ke yog fithingan ngom.
3. Boor e liw rok Got machane kemus ni taareb e ngachal rok
Mu yaliyew e re VIDEO ney ni be weliy rogon nib thil e liw rok be’ nga fithingan, mi gimew weliy e fulweg ko re deer ni baaray.
-
Mang e ba thil u thilin e ngachal nge liw ni bod e “Somol”?
Be yog e Bible ni boor e got nge somol ni ma liyor e girdi’ ngay. Mu beegew e Psalm 136:1-3, BT, mi gimew weliy e fulweg ko re deer ni baaray:
-
Mini’ fare “Got nth’abi ga’ u fithik’ gubin e pi got” nge fare “Somol ni Ir e th’abi gel gelngin u fithik’ e pi somol”?
4. Baadag Jehovah ni ngam nang fithingan mu u mog
Mang e be dag ni baadag Jehovah ni ngam nang fithingan? Mu yaliyew e re VIDEO ney, mi gimew weliy e fulweg ko gal deer ni baaray.
-
Ga be lemnag ma baadag Jehovah ni ngan nang fithingan, fa? Mang fan?
Baadag Jehovah ni ngaun fanay e ngachal rok. Mu beegew e Roma 10:13, mi gimew weliy e fulweg ko pi deer ni baaray:
-
Uw feni ga’ fan ni ngaun pining fithingan Got ni aram Jehovah?
-
Uw rogon u wan’um ni faanra de pag be’ talin fithingam ma gubin ngiyal’ ni ma yog?
-
Ga be lemnag ma uw rogon u wan’ Jehovah ni faanra u mog fithingan?
5. Baadag Jehovah ni ngam mang fager rok
I yog Soten nreb e ppin ni ma par u Cambodia nrib gel e felfelan’ ni tay u nap’an ni nang fithingan Got. Mu yaliyew e re VIDEO ney, mi gimew weliy e fulweg ko re deer ni baaray.
-
Nap’an ni nang Soten fithingan Got, ma mang angin ni yib ngak?
Ba ga’ ni fithingan be’ e ga ma nang u m’on ni ngam mang fager rok. Mu beegew e James 4:8a, mi gimew weliy e fulweg ko gal deer ni baaray:
-
Mang e be yog Jehovah ngom ni ngam rin’?
-
Uw rogon nrayog ni ngam chugur ngak Got ni faan ga ra nang fithingan mu u mog?
MA GAAR BOCH E GIRDI’: “Taareb e Got ni bay, ere demtrug ko mang e rayog ni ngan pining ngak.”
-
Ba mich u wan’um ni Jehovah fithingan Got, fa?
-
Uw rogon ni ga ra tamilangnag ni baadag Got ni nga u dogned fithingan?
N’EN KAN FIL
Jehovah e aram fithingan e bin riyul’ e Got. Baadag ni ngad nanged fithingan mu u dogned ya nge yag nda manged fager rok.
Ngan Sul u Daken
-
Uw rogon nib thil Jehovah nga urngin e got ni ma liyor e girdi’ ngay?
-
Mang fan nsusun e nga u dogned fithingan Got?
-
Mang e be dag ni baadag Jehovah ni ngam mang fager rok?
MU GAY MURUNG’AGEN
Mu guy lal i fan nrayog ni nge pagan’dad nriyul’ ni bay Got.
Mu lemnag fan nib puluw ni nge mich u wan’um ndan sunmiy Got.
Mu fil fan nsusun e nga u dogned fithingan Got ni yugu aram rogon ndad nanged rogon ni unog kakrom.
Gur, bay rogon e re ngachal nra ud pininged ngak Got, fa? Mu guy fan nrayog ni nga dogned ni kemus ni taareb fithingan ni bay.
a Ra ga baadag ni ngkum nang boch ban’en u murung’agen fan e ngachal rok Got nge fan ni kan chuweg u lan yu ken e Bible, mag guy e Guruy ni 1 ko fare babyor ni Boch Ban’en Nra Ayuwegdad u Nap’an e Fol Bible.