DlLONGI 04
Nzambi nani kadi?
Tona thama, batu beta sambila zinzambi ziphila mu phila. Vayi Bibila kilembu tubila “Nzambi yo yi lutidi zinzambi zioso zinkaka.” (2 Lusansu 2:5) Na nioni Nzambi beni? Mbi bikuntula kaluta zinzambi zioso zinkaka zio batu beta sambila? Mu dilongi diadi, mawu mona bue Bibila kilembu tubila Nzambi yikiedika.
1. Dizina di Nzambi nani ayi mbi bimonisa ti tidi tuzaba dizina diandi?
Nzambi weta kimonikisa kuidi beto mu nzila Bibila. Nzambi katubidi ti: “Minu Yehova. Diawu diodi dizina diama.” (Tanga Yesaya 42:5, 8.) “Yehova” didi dizina di kiyombi dio di bangulu mu ki Ebelewo, mu tadila zingindu zi batu bobo ba nyolukilanga Bibila, dizina beni dinsundula “Weta kitula.” Yehova katidi tuzaba dizina diandi. (2 Mose 3:15) Mbi bimonisa ti tidi tuzaba dizina diandi? Wusonikisa dizina beni mu Bibila, viokila 7000 ki zikhumbu! * Yehova didi dizina di “Nzambi yikiedika mu mazulu ayi va ntoto.”—5 Mose 4:39.
2. Mbi Bibila kieta tulonga mu diambudi Yehova?
Batu beta sambila zinzambi ziwombo, vayi Bibila kintuba ti, Yehova niandi kaka Nzambi yikiedika. Bila mbi? Bi bila bidi biwombo. Yehova lutudi luyalu ayi niandi veka “Lutidi Zangama mu ntoto woso wumvimba.” (Tanga Minkunga 83:18.) Niandi “Lutudi zingolo,” yinsundula lenda kuandi vanga mambu moso momo katidi. “Wuvanga bima bioso”: luyalanganu ayi bima bioso bidi va ntoto. (Tsongolo 4:8, 11) Yehova wukala kaka, ayi wela tatamana ba.—Minkunga 90:2.
TUVISA MBOTI MBOTI
Tutadila disuasanu didi mu zititre zi Nzambi ayi dizina diandi. Tutala diaka bue ayi bila Nzambi katumonisina dizina diandi.
3. Nzambi wukala ayi zititre ziwombo, vayi widi na dizina dimosi kaka
Disuasanu mbi didi mu zititre zi mutu ayi dizina diandi? Tala VIDEO ayi vana mvutu mu kiuvu kiaki kilandikini.
-
Disuasanu mbi didi mu zititre zi Nzambi ayi dizina diandi?
Bibila kikembi ti, batu beta sambila zinzambi ziwombo ayi zimfumu ziwombo. Tanga Minkunga 136:1-3 ayi vana mvutu mu kiuvu kiaki:
-
Na nioni “Nzambi yi zinzambi” ayi “Mfumu yi zimfumu?”
4. Yehova tidi wuzaba dizina diandi ayi wudisadila
Mbi bimonisa ti Yehova tidi wuzaba dizina diandi? Tala VIDEO ayi vana mvutu mu kiuvu kiaki kilandikini.
-
Wum’banzila ti Yehova tidi wuzaba dizina diandi? Bila mbi?
Yehova katidi tusadila dizina diandi. Tanga Loma 10:13 ayi vana mvutu mu biuvu biabi:
-
Bila mbi yidi mfunu mu sadila dizina di Nzambi Yehova?
-
Bue weta muena ti mutu wutedidi mu dizina diaku?
-
Mu tadila mabanza maku, bue Yehova keta muena thangu bakuntedila mu dizina diandi?
5. Yehova ka tidi wuba nkundi’andi
Soten, nketu mosi muisi Cambodge wuyituka buwombo thangu kalonguka dizina di Nzambi. Tala VIDEO ayi vana mvutu mu kiuvu kiaki kilandikini.
-
Mu video, bue Soten kamuena mu thangu kalonguka dizina di Nzambi?
Mu ba kikundi ayi mutu, fueti teka zaba dizina diandi. Tanga Zaki 4:8a ayi vana mimvutu mu biuvu biabi:
-
Mbi Yehova kakulomba wutula?
-
Bila mbi longuka zaba dizina di Nzambi ayi kudisadila yela kusadisa wuba nkundi’andi?
BATU BANKAKA BETA TUBA TI: “Bokuidi Nzambi mosi kaka yikiedika, tulenda kuandi kuntedila boso kuandi.”
-
Nge phe weta kikinina ti dizina di Nzambi Yehova?
-
Bue lenda monisina ti Nzambi tidi tusadila dizina diandi?
MU BUKHUFI
Yehova didi dizina di Nzambi mosi kaka yikiedika. Tidi tuzaba dizina diandi ayi tudisadila muingi tuba nkundi’andi.
Phutukulu
-
Bila mbi Yehova kadidi disuasanu ayi zinzambi zioso zinkaka batu beta sambila?
-
Bila mbi tufueti sadilanga dizina di Nzambi?
-
Mbi bimonisa ti Yehova tidi wuba nkundi’andi?
TALA MAMBU MANKAKA
Mambu matanu malenda kusadisa wukikinina ti Nzambi widi.
Bila mbi yididi mboti mu kikinina ti Nzambi wukala kaka?
Bila mbi tufueti sadilanga dizina di Nzambi, buba ti tuisi zaba ko bue dieba ntedolongo va thonono?
Phila yo tueta tedila Nzambi mfunu yidi? Bila mbi tulenda tubila ti Nzambi dizina dimosi kadi?
“Nzambe azalaka na bakombo boni?” (Lisolo oyo ezali na Internet)
^ Mosi wuluta zaba tsundu yi dizina di Nzambi ayi bi bila biobi bitula ti mim’bangudi minkaka babotula dizina beni mu Bibila, tala Eteni 1 na Mwa buku mpo na koyekola Liloba ya Nzambe.
