UMBUESÁ 04
Awá taá Deus?
Kuxiíma suíwara miraitá ta uadorari siya tupanaitá. Ma Bíblia umbeu aikué yepé Deus retewaá “kirimbá piriwaá amú tupanaitá suí”. (2 Crônicas 2:5) Awá taá kuá Deus? Marã taá Bíblia umbeu Aé kirimbá piri pañhe amú tupanaitá suí? Kuá Deus uputari reyumbué isesé. Yasú yamaã kuá resé kuá umbuesá upé.
1. Mayé taá Deus rera? Maã uxari yakuá Deus uputari yakuá isera?
Bíblia upé Deus umbeu awá taá Aé. Aé umbeu: “Ixé Jeová. Yawé se rera.” (Releri Isaías 42:5, 8.) Miraitá ta uyumbuewaá kuá resé, ta umbeu Jeová yepé rera ta umusasawaá hebraico suí, uputariwaá uñheẽ “Aé umuñhã maãté uputariwaá umuñhã”. Jeová uputari yakuá arama isera. (Êxodo 3:15) Mayé yapoderi yakuá kuá resé? Aé umundú ta umpinima isera Bíblia upé usasá piri 7 mil viaji! a (Remaã nota.) Añhũ kuá Deus retewaá “iwaka upé asuí iwí upé” upoderi urikú kuá rera.— Deuteronômio 4:39.
2. Maã Bíblia umbeu Jeová resé?
Miraitá ta uadorari siya tupanaitá, ma Bíblia umbeu añhũ Jeová Aé kuá Deus retewaá. Marã taá Bíblia umbeu kuayé? Ti aikué amú tupana kirimbá piriwaá Jeová suí, yawewaá rupí añhũ Aé ‘umundú pañhe iwí resé’. (Releri Salmo 83:18.) Aé ‘kirimbá pañhe awá suí’ ñhãsé upoderi umuñhã pañhe maã uputariwaá. Aé kuá ‘umuñhãwaá pañhe maã’: mayé universo asuí pañhe maã aikuewaá iwí upé. (Apokalipse 4:8, 11) Añhũ Jeová aikuéwarawaá pañhe tempo.— Salmo 90:2.
REYUMBUÉ PIRI ARAMA
Remaã mayé ta umbeu Deus rera amurupité isera retewaá suí. Remaã yuíri mayé Deus uxari yakuá isera asuí marã umuñhã kuayé.
3. Ta useruka Deus siya rera rupí, ma Aé urikú añhũ yepé rera retewaá
Será yepewasuté ta usenũi ramé yepé mira isera rakapira rupí isera retewaá suí? Rekuá arama, Pemaã kuá VÍDEO. Ariré pekuntari kuá resé:
-
Marã ti yepewasú título yepé rera retewaá suí?
Bíblia umbeu miraitá ta uadorari siya tupanaitá asuí siya ruixawaitá. Peleri Salmo 136:1-3. Ariré pekuntari kuá resé:
-
Awá taá kuá ‘Deus asuí Ruixawa’ kirimbá piriwaá pañhe amuitá suí?
4. Jeová uputari indé rekuá asuí reusari isera
Maã uxari yakuá Jeová uputari rekuá isera? Pemaã kuá VÍDEO. Ariré pekuntari kuá resé:
-
Marã taá akuá Jeová uputari miraitá ta ukuá isera?
Jeová uputari miraitá ta ukuá isera. Peleri Ato 2:21. Ariré pekuntari kuá resé:
-
Marã importante yausari Deus rera Jeová?
-
Mayé reyusaã ta useruka ramé indé ne rera rupí?
-
Mayé Jeová uyusaã reseruka ramé Aé isera rupí?
5. Jeová uputari reikú isuakí
Remaã maã usasá yepé kuñhã irum iserawaá Sotem, Camboja suíwara. Aé umbeu uconheceri ramé Deus rera asuí uyumbué maã usignificari kuá rera aé “uyusaã surí retana ipiá upé”. Pemaã kuá VÍDEO. Ariré pekuntari kuá resé:
-
Mayé utrocari Soten vida ukuá riré puranga Deus rera resé?
Ti yapoderi yapitá yepé mira rumuara ti ramé yakuá isera. Peleri Tiago 4:8a. Ariré pekuntari kuá resé:
-
Maã Jeová upurandú remuñhã arama?
-
Mayé repoderi repitá piri Deus rumuara rekuá ramé asuí reusari ramé isera?
YEPEYEPÉ MIRAITÁ TA UMBEU: “Yepéñhũté kuá Deus. Ape, ti importante mayé yaseruka Aé.”
-
Reruyari será Deus rera Jeová?
-
Deus uputari yaseruka Aé isera rupí. Mayé repoderi rembué kuá resé amú mira supé?
MAÃ REYUMBUÉ
Deus rera retewaá Jeová. Aé uputari yapitá isumuara. Yawé arama importante yakuá asuí yausari isera.
Remanduári arama
-
Marã Jeová amurupité pañhe amú tupanaitá suí?
-
Marã importante yausari Deus rera?
-
Maã uxari rekuá Jeová uputari repitá isumuara?
REPUTARI SERÁ REKUÁ PIRI?
Remaã cinco maã uxariwaá yakuá aikué Deus.
Remaã marã yapoderi yaruyari aikuéwara Deus.
Ti yakuá mayé ta useruka Deus rera kuxiíma kuera. Yawewaá suité, remaã marã importante reusari isera.
“Awá taá Jeová asuí marã importante isera?” (Artigo do jw.org)
Será importante yaseruka Deus isera rupí? Remaã marã yapoderi yañheẽ Deus urikú añhũ yepé rera retewaá.
a Nota: Rekuá xinga arama maã usignificari Deus rera asuí marã yepeyepé ta umusasawaá Bíblia amú ñheenga rupí ta umukañhemu isera siya Bíbliaitá suí, remaã Apêndice A4 Tradução do Novo Mundo da Bíblia Sagrada upé.
