LECCIÓN 04
¿Tuu nga Dios?
Dede dxi guyuu binni ndaaniʼ Guidxilayú riʼ huayuni adorarcaʼ stale dios. Peru Biblia ruzeeteʼ nuu ti Dios ni «jma risaca» que guiráʼ xixé dios (2 Crónicas 2:5). ¿Tu laabe yaʼ? ¿Xiñee jma risácabe que xcaadxi dios ni runi adorar binni yaʼ? Lu lección riʼ zaziidiluʼ racalaʼdxiʼ Dios gunibiaʼluʼ laa.
1. ¿Tu láʼ Dios ne ximodo nánnanu racaláʼdxibe gánnanu labe?
Dios peʼ cayabi laanu tu láʼ lu Biblia. Laabe nabe: «Naa nga Jehová. Nga nga laʼyaʼ» (biindaʼ Isaías 42:5, 8). Lá Dios lu diidxaʼ hebreu raca traducir ni Jehová, ne ca binni ni ruundaʼ nacaʼ raca significar ni: «Laabe nga rúnibe ni caquiiñeʼ gaca». Ne racalaʼdxiʼ Jehová gánnanu tu láʼ (Éxodo 3:15). ¿Xiñee nánnanu zacá ni yaʼ? Purtiʼ lu Biblia riete labe jma de 7,000 biaje. a Jehová nga láʼ «Dios ni dxandíʼ ni nuu guibáʼ ne lu guidxilayú» (Deuteronomio 4:39).
2. ¿Xi cayabi Biblia laanu de Jehová?
Biblia ná lade guiráʼ dios ni runi adorar binni, Jehová nga tobi lucha Dios ni dxandíʼ. ¿Xiñee yaʼ? Nuu stale razón, tobi de laani nga purtiʼ Jehová si nga zanda gabi laanu xi gúninu, laasibe nga «ni nuu jma luguiáʼ lu guidubi naca guidxilayú» (biindaʼ Salmo 83:18). Sti razón nga purtiʼ laabe nga Dios «ni jma napa poder» ne zanda gúnibe intiica ni gacaláʼdxibe. Ne purtiʼ laabe nga bizaʼbe «guiráʼ xixé ni nuu», bizaʼbe universu ne guiráʼ xixé ni nuu ndaaniʼ Guidxilayú (Apocalipsis 4:8, 11). Qué huayuu dxi ne qué ziuu dxi chuʼ stiʼ Dios casi Jehová (Salmo 90:2).
GUIZÍʼDIRUNU JMA
Guidúʼyanu xiñee jma galán guininu lá Dios que xcaadxi modo rábicabe laabe, laaca zadúʼyanu ximodo racanebe laanu gánnanu tu labe ne xiñee racaláʼdxibe gánnanu ni.
3. Stale modo rábicabe Dios, peru ti lá si nápabe
Para guiénetu maʼ gadxé nga iquiiñetu lá binni qué modo rábicabe laa, laguuyaʼ VIDEU riʼ ne laiquiiñeʼ pregunta riʼ para güitu diidxaʼ:
-
¿Xiñee gadxé nga gábiluʼ tuuxa señor que guiniʼluʼ labe?
Biblia ná nabé runi adorar binni stale dios ne señor. Laguundaʼ Salmo 136:1-3 ne laiquiiñeʼ pregunta riʼ para güitu diidxaʼ:
-
¿Tuu nga «Dios stiʼ guiráʼ dios» ne «Señor stiʼ guiráʼ señor»?
4. Racalaʼdxiʼ Jehová gánnaluʼ lá ne iquiiñeluʼ ni
¿Ximodo nánnanu racalaʼdxiʼ Jehová gánnanu tu láʼ? Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
-
¿Xiñee rábiluʼ racalaʼdxiʼ Jehová gánnaluʼ tu láʼ?
Racalaʼdxiʼ Jehová iquiiñeʼ binni lá. Laguundaʼ Romanos 10:13 ne laiquiiñeʼ ca pregunta riʼ para güitu diidxaʼ:
-
¿Xiñee risaca iquiiñenu lá Dios, Jehová?
-
¿Ximodo runi sentirluʼ ora iquiiñecabe laluʼ para guiniʼnécabe lii?
-
¿Ximodo rábiluʼ runi sentir Jehová ora guiniʼluʼ lá?
5. Racalaʼdxiʼ Jehová gaca xhamigu lii
Ti gunaa de Camboya láʼ Soten guníʼ gástiruʼ sti cosa jma galán que gunibiaʼnu lá Dios. Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:
-
Casi bidúʼyanu lu videu riʼ, ¿xi biʼniʼ Soten ora gunna lá Dios?
Ora raca xhamíguluʼ tuuxa primé ni rinabadiidxaluʼ laa nga tu láʼ. Laguundaʼ Santiago 4:8a ne laiquiiñeʼ ca pregunta riʼ para güitu diidxaʼ:
-
¿Xi ñuulaʼdxiʼ Jehová ñúniluʼ?
-
¿Ñee rábiluʼ pa gánnaluʼ ne iquiiñeluʼ lá Dios zanda gacaneni lii guidxíñaluʼ laabe la? ¿Xiñee rábiluʼ zacá ni yaʼ?
NUU TU NÁ: «Cumu ti Dios si nga nuu la? zanda gábinu laabe modo tiisi».
-
¿Ñee runi creluʼ lá Dios nga Jehová la?
-
¿Ximodo nusiéneluʼ xcaadxi binni racalaʼdxiʼ Dios iquiiñenu lá?
XI BIZÍʼDINU
Jehová nga láʼ tobi lucha Dios ni dxandíʼ. Racaláʼdxibe gunibiaʼnu labe ne iquiiñenu ni para gaca xhamígunu laabe.
Xi biziidiluʼ
-
¿Xiñee maʼ gadxé Jehová de xcaadxi dios ni runi adorar binni?
-
¿Xiñee naquiiñeʼ guininu lá Dios?
-
¿Ximodo nánnaluʼ racalaʼdxiʼ Jehová gaca xhamigu lii?
BIIYAʼ XIRUʼ ZANDA GUIZIIDILUʼ
Biiyaʼ gunáʼ nga gaayuʼ razón ni rusihuinni dxandíʼ nuu Dios.
Biiyaʼ xiñee zanda guni crenu maca nuu Dios dede dxiqué.
Biiyaʼ xiñee caquiiñeʼ guininu lá Dios neca qué gánnanu ximodo peʼ guníʼcabe ni dxiqué.
¿Xiñee risaca guininu lá Dios? Biiyaʼ xiñee ti lá si napa Dios.
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
