LESIONY 04
¿Chú láabu ngú Dios?
Desde dzú gosaló goyoʼ buñ ló Gudxlio xidal buñ rien xidal dioxh. Per la Biblia rasetlaa que diti noʼ stoib Dios «xomod láabu» (2 Crónicas 2:5). ¿Chú láabu? ¿Né xigony diti nacbu xomod dioxh falz ni rien buñ? Bisuidy ló lesiony reʼ ni raniiny Dios ganlo de láabu.
1. ¿Ximod laa Dios, né ximod nanno que Dios raniiny ganno laabu?
Jehová raquiimbu la Biblia par ganno ximod laabu, láabu nábu: «Naʼ naca Jehová. Ndeʼ laaya» (bíil Isaías 42:5, 8). Nirdiguié laa Dios cuáni ló diitz hebreo, laa Dios ngú Jehová, né radudyni diitz: «Láabu Ronybu que Guidxin Gac». Jehová raniiny ganno ximod laabu (Éxodo 3:15). ¿Ximod nanno láani? Portín laa Dios sieedni ló la Biblia más de 7.000 buelt. a Jehová nac «Dios ni nigolú ni noʼ guibá né ló gudxlio» (Deuteronomio 4:39).
2. ¿Xí rasetlaa la Biblia de Jehová?
La Biblia ná de guirá dioxh ni rien buñ, nosi noʼ toib Dios ni nigolú, láabu ngú Jehová. ¿Xigony? Noʼ xidal razón. Nosi Jehová nap xiroʼ galmandary, nosi láabu ngú «ni noʼ más Guiaʼ ló guidopynac gudxlio» (bíil Salmo 83:18). Nosi láabu napbu «Xiroʼgolu galnadip», né ngú radudy diitz que napbu galnadip par gonybu nitisi nainy láabu. Láaca láabu bisaʼbu guirá cós ni noʼ lainy guibá né ni noʼ ló Gudxlio né guirá ni nabany loni (Apocalipsis 4:8, 11). Jehová dada nírcu maca noʼbu, dipa sadxin dzú saitybu (Salmo 90:2).
NANOY GUISUIDYNO LÁANI
Guisuidyno que diti láacani ngú guinino títulos ni nap Dios, que guinino laabu. Láaca sienno ximod rasuidybu lóono mod laabu né xigony raniiny láabu ganno ximod laabu.
3. Dios nap xidal títulos, per nosi noʼ toib laabu
Par ganlo que diti láacani ngú toib título que laa buñ, colguibiʼ VIDEO reʼ né colgooy xtiitzni:
-
¿Xigony diti láacani ngú gaibyno Dios señor que guinino laapabu?
La Biblia ná que buñ rien xidal dioxh falz né señores. Colgoʼol Salmo 136:1-3 né colgooy xtiitzni:
-
¿Chú láabu ngú «Dios de dioses» né «Señor de señores»?
4. Jehová raniiny ganlo ximod laabu né guiquiinlo láani
¿Ximod nanno que Jehová raniiny guimbulo laabu? Colguibiʼ VIDEO reʼ né colgooy xtiitzni:
-
Xpensarylo, ¿xigony raniiny Jehová guimbu buñ laabu?
Jehová raniiny guiquiin buñ laabu. Colgoʼol Romanos 10:13 né colgooy xtiitzni:
-
¿Xigony nigolú rasac guiquiinno laa Dios, Jehová?
-
¿Ximod rasaclo órni buñ raquiin laalo?
-
Xpensarylo, ¿ximod rasac Jehová órni raquiinlo laabu?
5. Jehová raniiny gaclo ximigbu
Toib buñgonaʼ de gudx Camboya ni laa Soten goniʼbu que sacróyen ngú guimbu buñ laa Dios. Colguibiʼ VIDEO reʼ né colgooy xtiitzni:
-
Mod bibiʼlo ló video, ¿xí galnasác cuaʼ Soten órni gonbu laa Dios?
Órni racno ximig toib buñ nír rimbuno ximod laabu. Colgoʼol Santiago 4:8a né colgooy xtiitzni:
-
¿Xí ranab Jehová looy gonylo?
-
Ni ma nanlo mod laa Dios né ni ma guiquiinlo laabu, ¿sacnéni looy guibigaxlo ronoʼbu la? ¿Xigony?
TIPNÉS BUÑ NÁ: «Nosi noʼ toib Dios, por ngú diti fuerspa ganno ximodpa laabu».
-
¿Ronylo crer que laa Dios ngú Jehová la?
-
¿Ximod labúu ñaibylo stipnés buñ que Dios raniiny guiquiinno laabu?
¿XÍ BISUIDYLO?
Laa Dios ngú Jehová. Raniiny láabu guimbuno laabu né guiquiinno láani par labúu gacno ximigbu.
Repas
-
¿Xigony Jehová diti nacbu xomod guirá dioxh falz ni rien buñ?
-
¿Xigony non guiquiinno laa Dios?
-
¿Raniiny Jehová gaclo ximigbu la? ¿Ximod nanlo láani?
PAR GANLO MÁS
Bisuidy gáay cós ni raslooy que noʼ Dios.
Gon xigony dada nírcu maca noʼ Dios.
Bisuidy xigony non guiquiinno laa Dios ná diti nanno ximod goniʼ buñ láani nírcu.
¿Rasac ximod ranino laa Dios la? Bisuidy xigony ranino que nosi toib laa Dios noʼ.
a Ló página 1 xtuny follet ni laa, Ni gacné lóono guientzaayno Xtiitz Dios, rarexa xigony ló tipnés Biblias diti sieed laa Dios.
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
