Hadiah na luar biasa do Bibel, na dilehon Jahowa tu hita. Bibel marisi 66 bukku. Alai hea do ra sukkun-sukkun rohamuna, ‘Boha do parjadina sappe adong Bibel? Ise do na mangarang isina?’ Saonari tabahas ma songon dia do carana hata ni Debata i boi adong sahat tu jamanta.

1. Toho do Debata na mangarang isi ni Bibel hape jolma do na manurat?

Adong 40 bawa na manurat isi ni Bibel, mulai sian taon 1513 SM sahat tu taon 98 M. Hira-hira 1.600 taon ma lelengna. Nang pe marasing-asing latar belakang ni panurat ni Bibel i, alai dang maralo sude na disurat nasida. Boasa boi songon i? Alana Debata do na mangarang isi ni Bibel. (Jaha 1 Tessalonik 2:13.) Dang pikkiran ni panurat ni Bibel i na disurat disi. Alai Bibel mandok, “Sian Debata do ro na nidok ni nasida marhite panogu-noguon ni tondi parbadia.” a (2 Petrus 1:21) Jadi dilehon Debata do tondi parbadiana tu jolma asa boi nasida manuratton pikkiranna.—2 Timoteus 3:16.

2. Akka ise do na boi manjaha Bibel?

Sude halak sian “saluhut bangso, suku, marga, dohot bahasa” boi do mamboto barita na uli na adong di Bibel. (Jaha Pangungkapon 14:6.) Saonari nungnga diterjemahon be Bibel tu godang bahasa. Unggodang ma i sian akka bukku na asing. Alani i, hampir sude do halak boi manjaha Bibel, didia pe nasida tinggal jala marbahasa aha pe nasida.

3. Songon dia do dibahen Jahowa asa adong Bibel sahat tu saonari?

Mulana, di kulit ni hau do Bibel disuratton. Mura do sega akka bahan i. Alai adong do akka halak na makkaholongi Bibel na manat manuratton i muse. Nang pe dibahen pamaretta dohot pamimpin agama marragam cara asa unang adong be Bibel, alai dang marhasil i. Sai adong do na olo mampartahatton asa toktong adong Bibel nang pe ikkon mate nasida. Jadi, dang adong na boi mangabbati Jahowa pasahatton hatana i tu hita. Songon na didok Bibel, “Martahan do hata ni Debatanta ro di saleleng ni lelengna.”—Jesaya 40:8.

 ASA LAM TAATTUSI

5. Toktong do adong Bibel sahat tu saonari

 6. Sude do halak boi manjaha Bibel

Sian sude bukku na asing, Bibel ma bukku na unggodang diterjemahon jala dicetak. Jaha Ulaon ni Apostel 10:34, 35, dung i bahas ma sukkun-sukkun on:

• Boasa lomo roha ni Debata asa diterjemahon jala dicetak hatana i tu godang bahasa?

• Sian akka hatorangan na di toru on, na dia ma na menarik di hamu?

 KESIMPULAN

Hata ni Debata do Bibel i. Lomo do roha ni Debata asa sude halak boi manjaha i.

Tinjauan

• Boha do cara ni Debata mangurupi jolma manuratton Bibel?

• Sian pelajaran taringot Bibel on, dia ma na menarik di hamu?

• Boha do perasaanmuna dung mamboto sude na diulahon Debata lao pasahatton hatana tu hamu?