Yehova a boli biso̱ jabea la mańaka, Bibe̱l, ni longedi na 66 ma kalati. Nde we ná o baise̱ ná: ‘Mo̱ owe̱ni Bibe̱l e wuno̱ e? E wu nde na nja e?’ Ná jalabe̱ min myuedi, jombweye ne̱ni e boledino̱ ná di kuse mwe̱ndi ma Loba mwe o Bibe̱l.

1. Yete̱na bato nde ba tili Bibe̱l, ne̱ni e wuno̱ na Loba e?

Bibe̱l e tilabe̱ nde na lambo ka 40 ma bato o pambo a ponda ńa be̱be̱ na 1 600 a mbu, botea o mbu 1513 B.P.A nate̱na walea la mbu 98 P.A. Bato bena ba tili mo̱ ba ta diwengisan jita. Nde to̱ na nika, mongo ma Bibe̱l me̱se̱ me nde jo̱nge̱le̱ diwo̱. Ne̱ni nika ńeno̱ ná e we̱le̱ be̱ e? Ye nde nika ońolana Bibe̱l e wu nde na Loba. (Langa 1 Tesalonika 2:13.) Seto̱ mo̱nge̱le̱ ma babo̱me̱ne̱ nde batiledi ba we̱le̱no̱ o Bibe̱l. Nde ba “ta nde ba tutabe̱le̱ na mudī musangi o to̱po̱ o doi la Loba.” a (2 Petro 1:21) Loba a bolane̱ nde mudī mao musangi o tute̱le̱, to̱ o nime̱le̱ bato o tila mo̱nge̱le̱ mao.—2 Timoteo 3:16.

2. Nja ńe ná nu langa Bibe̱l e?

Bato ba “bekombo be̱se̱ na mbia na leme̱ na matumba” be ná ba tombwane̱ myango ma bwam mi maso̱be̱ o Bibe̱l. (Langa Bebīsedi 14:6.) Loba a boli ná Bibe̱l e so̱be̱ o leme̱ jita buka yine̱ kalati ye̱se̱. Be̱be̱ na bato be̱se̱ be o wase be ná ba langa Bibe̱l. E be̱ to̱ we̱ni bato ba majano̱ na eyeme̱ ba mato̱po̱no̱, be ná ba langa Bibe̱l.

3. Ne̱ni Yehova a tatino̱ Bibe̱l e?

Bibe̱l e ta nde e tilabe̱ o mambo mena ma si minde̱, ka papyrus. Nde bato bena ba ta ba to̱ndo̱ Bibe̱l ba ta ba no̱ngo̱ ponda o tombe̱le̱ mo̱ o mambo mape̱pe̱ nika na nika. To̱ná bato ba ngińa bō̱ ba wasino̱ o bola ná Bibe̱l e si be̱ pe̱, bato bape̱pe̱ ba le̱ke̱ye̱ kwedi bwanga ná ba tate mo̱. Yehova a s’ese̱le̱ ná moto to̱ mō̱ to̱ lambo to̱ diwo̱ leke ná a si kwalisane̱ biso̱. Bibe̱l e makwala ná: “Eyal’a Loba lasu e matingame̱ bebe be̱se̱.”—Yesaya 40:8.

 ALA O NJIBA

5. Bato ba si tongwe̱le̱ o bola ná Bibe̱l e si be̱ pe̱

 6. Kalati ońola bato be̱se̱

Bibe̱l nde ńe kalati ni tukwabe̱ ni camane̱ pe̱ buka ye̱se̱ o myango ma mbel’a moto. Langa Bebolo 10:34, 35, nde lo kwaleye pe̱ ońola min myuedi:

• Ońola nje Loba a mapulano̱ ná Eyal’ao e tukwabe̱ e camane̱ pe̱ o wase ńe̱se̱ o di dikala e?

• Nje e mabwese̱ wa muńe̱nge̱ jombwea Bibe̱l e?

 EBONGOLO

Bibe̱l ńe nde Eyal’a Loba, a boli pe̱ ná bato be̱se̱ ba we̱le̱ be̱ne̱ mo̱.

Ndimbisedi

• Di makwala te̱ ná Loba nde a tute̱le̱ bato o tila Bibe̱l, nje nika e mapulano̱ kwala e?

• Nje e matape̱ wa ke̱ wombwedi ná bato ba si we̱li bola ná Bibe̱l e si be̱ pe̱, na ná e tukwabe̱ e camane̱ pe̱ buka kalati ye̱se̱ e?

• Ne̱ni o masengano̱ o bia ná Loba a po̱ngi min miwe̱n me̱se̱ o lomea wa mwe̱ndi e?