05 IKASGAIA
Biblia Jainkoak guretzako duen mezua da
Jehobak opari zoragarria egin digu: Biblia. Opari hau 66 liburu txikiagotan banaturik dago. Baina agian galdetzen zara: «Nondik dator Biblia? Nor da bere egilea?». Galdera hauek erantzuteko, aztertu dezagun Biblian dagoen Jainkoaren mezua nola iritsi zaigun.
1. Biblia gizonek idatzi bazuten, nola da posible Egilea Jainkoa izatea?
Biblia 40 bat gizonek idatzi zuten gutxi gora behera 1.600 urtetan zehar, K.a. 1513tik K.o. 98ra arte. Idazleak jatorri desberdinetakoak ziren. Hala ere, Biblian ez dago kontraesanik. Nola da posible? Jainkoa delako Bibliaren Egilea (Irakurri 1 Tesalonikarrei 2:13). Idazleek ez zituzten euren ideiak idatzi. Horren ordez, «Espiritu Santuak gidaturiko gizonak zirenez, Jainkoaren partetik hitz egin zuten» a (2 Pedro 1:21). Jainkoak bere espiritu santua erabili zuen, bere ideiak gizonei inspirazioz emateko (2 Timoteori 3:16).
2. Norentzat da lagungarria Biblia?
Bibliako berri onek «nazio, arraza, hizkuntza eta herri guztiei» laguntzen diete (Irakurri Apokalipsia 14:6). Gaur egun, Biblia beste edozein liburu baino hizkuntza gehiagotan eskuragarri dago. Berdin dio jendea non bizi den edo zein hizkuntzatan hitz egiten duen, ia mundu guztiak irakurri dezake Biblia.
3. Nola babestu du Jehobak Biblia?
Biblia asko irauten ez duten materialetan idatzi zuten, larruan eta papiroan, esaterako. Hala ere, Biblia maite zuten gizonek, kopia zehatzak egin zituzten. Pertsona boteretsu batzuek Biblia desagerrarazi nahi izan dute. Beste batzuek, ordea, euren biziak arriskuan jarri dituzte Biblia babesteko. Jehobak ez du utziko gurekin duen komunikazioa eteten. Bibliak dio: «Jainkoaren hitzak, ordea, betiko dirau» (Isaias 40:8).
SAKONDUZ
Aztertu gehiago ondorengoei buruz: Jainkoak nola inspiratu zituen gizonak Biblia idazteko, nola babestu zuen Biblia eta nola egin zuen eskuragarri gizaki guztientzat.
4. Bibliak bere Egilea nor den erakusten du
Ikusi BIDEOA. Gero irakurri 2 Timoteori 3:16 eta aztertu elkarrekin:
-
Biblia gizonek idatzi bazuten, zergatik deitzen zaio Jainkoaren Hitza?
-
Jainkoak gizakiei bere ideiak inspiratu zizkiela dio Bibliak. Hau sinestea arrazoitsua dela uste al duzu?
Idazkariak gutuna idatzi dezake, baina mezua diktatu dion pertsonarena da. Era berean, Biblia gizonek idatzi zuten, baina mezua Jainkoarena da.
5. Bibliak erasoak gainditu ditu
Bibliaren Egilea Jainkoa bada, berak hau babestea logikoa da. Historian zehar, gizon boteretsuak Biblia suntsitzen saiatu dira. Erlijioburuek ez zuten jendeak Biblia irakurtzerik nahi. Baina oposizioa eta heriotza mehatxuak jaso arren, pertsona askok euren biziak arriskuan jarri zituzten Biblia babesteko. Pertsona hauetako bati buruz gehiago ikasteko, ikusi BIDEOA eta gero aztertu elkarrekin:
-
Jende askok Biblia babesteko egin duena ikusi ondoren, irakurtzeko interes handiagoa al duzu? Zergatik?
Irakurri 119. Salmoa 97 eta aztertu elkarrekin:
-
Pertsona askok euren biziak arriskuan jarri dituzte Biblia itzuli eta zabaltzeko. Zerk bultzatu zituen hori egitera?
6. Pertsona guztientzako liburu bat
Biblia historian zehar gehien itzuli eta banatu den liburua da. Irakurri Eginak 10:34, 35 eta aztertu elkarrekin:
-
Zergatik nahi du Jainkoak bere Hitza hain itzulia eta zabaldua egotea?
-
Zer da Bibliari buruz gehien gustatzen zaizuna?
Munduko biztanleen ia
% 100ak
Biblia du eskuragarri ulertzen duen hizkuntza batean
Biblia eskuragarri dago
3.000
hizkuntza baino gehiagotan
osorik edo atalen batean
Gutxi gorabehera argitaratutako aleen kopurua:
5.000.000.000
Beste edozein libururena baino askoz ere handiagoa
ZER DIO JENDEAK? «Biblia gizakiek idatzitako liburu zahar bat besterik ez da».
-
Eta zuk, zer uste duzu?
-
Zer frogek adierazten dute Biblia Jainkoaren Hitza dela?
LABURPENA
Biblia Jainkoaren Hitza da eta pertsona guztientzat eskuragarri egoteaz ziurtatu da.
Berrikuspena
-
Zergatik esaten dugu Jainkoak gizonak inspiratu zituela Biblia idazteko?
-
Ikasgai honetan Bibliari buruz aztertutako guztia kontuan izanik, zer azpimarratuko zenuke?
-
Jainkoak gurekin komunikatzeko ahalegin handiak egin dituela ikasi ondoren, nola sentitzen zara?
GEHIAGO IKASTEKO
Irakurri Bibliaren historiari buruz jatorrizko idazkietatik eta gaur egungo itzulpenetatik.
«Nola iritsi zitzaigun Biblia?» (¡Despertad! edo Réveillez-vous !, 2007 azaroa)
Ikusi Bibliak nola iraun duen hiru zailtasun handiren aurrean.
«Bibliaren biziraupen historia» (La Atalaya edo La Tour de Garde, 2016 4. zb.)
Ikusi batzuek zer arriskuri aurre egin zieten Biblia itzultzeagatik.
Biblia askotan kopiatu eta itzuli da. Nola egon gaitezke ziur bere mezua ez dela aldatu?
a 7. ikasgaian azalduko den bezala, espiritu santua Jainkoaren indarra da.
Zure gustukoa izan daiteke
OHIZKO GALDERAK
Nolakoa da Jehobaren lekukoek eskaintzen duten biblia-ikastaroa?
Jehobaren lekukoek eskaintzen duten doako biblia-ikastaro interaktiboan, edozein biblia-itzulpen erabili dezakezu. Libre sentitu zure familia osoa edo edozein lagun gonbidatzeko.
