LECCIÓN 05
A Biblia é a mensaxe de Deus para nós
Xehová deunos un regalo marabilloso: a Biblia, un conxunto de 66 libros recollidos nun só volume. Pero poida que te preguntes: “De onde saíu a Biblia? Quen é o seu autor?”. Para responder estas preguntas imos ver como chegou ata nós a mensaxe de Deus que contén a Biblia.
1. Se a Biblia foi escrita por homes, por que dicimos que Deus é o seu autor?
A Biblia foi escrita por uns 40 homes durante un período duns 1600 anos, dende o ano 1513 a. n. e. ata o ano 98 n. e. Os escritores eran moi diferentes uns dos outros. Por exemplo, algúns eran pastores, outros pescadores e outros reis. Aínda así, as distintas partes da Biblia non se contradín. Como pode ser iso? Porque en realidade o autor da Biblia é Deus (le 1 Tesalonicenses 2:13). Os escritores non rexistraron o que eles pensaban. Máis ben, “falaron de parte de Deus, levados polo Espírito Santo” (2 Pedro 1:21). a Deus usou o espírito santo para inspiralos ou motivalos a escribir o que el pensaba (2 Timoteo 3:16).
2. Quen ten acceso á Biblia?
“Tódalas nacións, razas, linguas e pobos” poden beneficiarse das boas noticias que aparecen na Biblia (le Apocalipse 14:6). Deus asegurouse de que a Biblia estea dispoñible en máis idiomas que calquera outro libro da historia. Case tódalas persoas teñen acceso á Biblia, sen importar onde vivan ou o idioma que falen.
3. Que perigos afrontou a Biblia e que fixo Xehová para protexela?
A Biblia foi escrita en materiais perecedoiros, coma o coiro ou o papiro. Pero algúns homes que valoraban moito a Biblia copiárona á man con moito coidado unha e outra vez. Inda que houbo xente con moito poder que intentou acabar con ela, outras persoas estiveron dispostas a arriscar a súa vida para protexela. Xehová non permitiu que nada nin ninguén lle impedise comunicarse con nós. A Biblia di: “A palabra do noso Deus mantense firme para sempre” (Isaías 40:8).
AFONDA MÁIS
Aprende máis sobre como Deus inspirou algúns homes para que escribisen a Biblia, e que fixo para conservala e para que estea dispoñible para todo o mundo.
4. A Biblia dá a coñecer quen é o seu autor
Poñede o VÍDEO. Logo lede 2 Timoteo 3:16 e comentade estas preguntas:
-
Se foron homes os que escribiron a Biblia, por que se lle chama a Palabra de Deus?
-
Pensas que ten lóxica crer que Deus lles transmitiu os seus pensamentos a escritores humanos?
Inda que o secretario escriba a carta, a mensaxe vén da persoa que lla ditou. Do mesmo xeito, os humanos escribiron a Biblia, pero a súa mensaxe vén de Deus
5. A Biblia sobreviviu ós ataques
Se a Biblia vén de Deus, o normal sería esperar que el a protexese. Ó longo da historia, houbo homes con moito poder que intentaron destruíla, e líderes relixiosos que non querían que a xente a lese. Pero a pesar da oposición e as ameazas de morte, moitas persoas arriscaron a súa vida para protexer a Biblia. Para saber máis dun destes homes, poñede o VÍDEO e logo comentade estas preguntas:
-
Tes máis ganas de ler a Biblia despois de saber todo o que se fixo para conservala? Por que?
Lede Salmo 119:97 e logo comentade esta pregunta:
-
Que motivou a moita xente a arriscar a súa vida por traducir e distribuír a Biblia?
6. Un libro para todo o mundo
A Biblia é o libro máis traducido e distribuído da historia. Lede Feitos 10:34, 35 e logo comentade estas preguntas:
-
Por que quere Deus que a súa Palabra se traduza e distribúa a tan grande escala?
-
Que é o que máis che gusta da Biblia?
Case o
100%
da poboación mundial
ten acceso á Biblia nun idioma que entende
Dispoñible en máis de
3000
idiomas
completa ou en parte
5.000.000.000
Número estimado de copias producidas,
moitas máis que calquera outro libro
HAI QUEN DI: “A Biblia é só un libro moi vello escrito por humanos”.
-
Ti que pensas?
-
Que probas indican que a Biblia é a Palabra de Deus?
RESUMO
A Biblia é a Palabra de Deus e el asegurouse de facela dispoñible para todo o mundo.
Repaso
-
Que significa que Deus inspirase algúns homes para que escribisen a Biblia?
-
Que che chama a atención sobre a supervivencia, tradución e distribución da Biblia?
-
Como te sentes ó saber que Deus se esforzou tanto para comunicarse contigo?
INVESTIGA
Le sobre a historia da Biblia: dende os manuscritos máis antigos ata as traducións modernas.
Aprende como sobreviviu a Biblia a tres grandes ameazas que puxeron en perigo a súa existencia.
“A Biblia. Unha historia de supervivencia” (La Atalaya, núm. 4 2016)
Mira como arriscaron a súa vida algunhas persoas para traducir a Biblia.
A Biblia copiouse e traduciuse moitas veces. Por que podes estar seguro de que non se cambiou a súa mensaxe?
Pode que tamén che guste
PREGUNTAS FRECUENTES
Como son os cursos da Biblia que ofrecen as testemuñas de Xehová?
Co curso da Biblia interactivo e gratuíto das testemuñas de Xehová, poderás usar calquera tradución da Biblia e invitar a calquera familiar ou amigo que desexes.
