EISOMO LYA 05
Ebibulia Makuru Kuruga Ahali Katonda
Yehova atuhaire Ebibulia. Gabo elinungi muno eina ebitabo 66 ebya buli ngeli. Rundi wakwebaza oti: ‘Ebibulia ekaruga nkahai? N’ohai ayagitungire?’ Kugya kuhorora ebibazo ebyo, turafumora okwo amakuru ga Katonda agali omu Bibulia okwo gatugobire.
1. Keraba Ebibulia yahandikirwe abantu, kubaki nitugamba tuti kigambo kya Katonda?
Ebibulia ekahandikwa abantu 40 omu kanya k’emyaka 1,600 oti, kubandiza omwaka gwa 1513 K.W.K. kugoba 98 W.K. Abahandiki abo bakaruga omu milelerwe etali emoi. N’orwo kili kityo, amakuru ago bahadikire nigagendanwa. Ekyo nikibasikana kitai? Aha rw’enshonga Katonda niwe yatungire Ebibulia. (Shoma 1 Abatesalonika 2:13.) Abahandiki abo tibahandikire bitekelezo byabo. Shana, “ebyobagambaga byarugaga ahali Ruhanga nibasindikwa omwoyo ogu takatifu.” * (2 Petero 1:21) Katonda akakozesa omwoyogwe ogutakatifu kwebembera anga kwinegeza abantu abo bahandike ebitekelezo bye.—2 Timoteo 3:16.
2. Isi, buli muntu omu nsi nabasa kukwasa Ebibulia?
“Buli ihanga, oruganda, abantu abakagamba endimi zitali zimoi n’abantu ababuli ngeli” nibabasa kugoshorwa na amakuru garungi agali omu Bibulia. (Shoma Okushurulirwa 14:6.) Katonda akekomeleza nk’okwo Ebibulia nezoka omu ndimi zingi muno kushaaga ekitabo ekindi kyona kyona. Nikizoka buli muntu nabasa kukwasa Ebibulia. Nezoka buli hantu n’omu ndimi zingi muno.
3. Yehova akekomeleza atai nk’okwo Ebibulia nebikwa n’orwo abantu balengesize kugisilikya?
Ebibulia ekahandikwa aha bintu ebyakubasa kufa, nka ahampu (ngozi) na abifunjo. Kyonkai abantu ababaire nibenda Ebibulia bakagihandika emirundi mingi omu kukozesa emikono yabo mara omu kwekomeleza muno. N’orwo abatwazi balengesize kugisilikya, abantu nanka bakaba bali tayari kufa babase kugilinda. Yehova ayekomeleize nk’okwo taliho muntu anga kintu kyona kyona ekyakubasa kumutanga kufumora naichwe kuraba omu Bibulia. Ebibulia negamba eti: “Nawe ekigambo kya Ruhanga waitu kilirama eirai lyona.”—Isaya 40:8.
MANYURUZA
Yega bingi ebikwete ahali Katonda okwo yayebembeire abantu kuhandika Ebibulia, okwo yagibikire, n’okwo yayekomeleize nk’okwo abantu bona nibabasa kugikwasa.
4. Ebibulia netugambira n’ohai ayagitungire
Yolekya EVIDEO. Mushube mushome 2 Timoteo 3:16, kandi mufumoreho ebibazo ebili kuhonderaho.
-
Ebibulia keraba yahandikirwe abantu, kubaki neyetwa kigambo kya Katonda?
-
Isi, notekeleza nikitaha omu magezi kwesiga nk’okwo Katonda akakozesa abantu kugobya ebitekelezo bye?
Omuhandiki nabasa kuhandika amakuru agali kuruga ahali olinya owo alikukolera emilimo. Nikwo abantu bahandikire Ebibulia, kyonkai amakuru gayo nigaruga ahali Katonda
5. Ebibulia ekarokoka aha kugingizibwa (upinzani) okw’amani
Aha rw’okuba Ebibulia ekaruga ahali Katonda, kityo nitwesiga nk’okwo yakugilinzire etasilikibwa. Omu hisitoria yona, abatwazi balengesize kusilikya Ebibulia. Abebembezi b’edini balengesize kugisheleka. Kyonkai n’orwo babagingize n’okulengesa kubaita, abantu bangi bakaba bali tayari kufa babase kugilinda. Kugya kwega ekikwete ali omoiho omulyabo, yolekya EVIDEO, mushube mufumoreho ebibazo ebi:
-
Orwo wamara kumanya amani gangi agakozibwe kulinda Ebibulia, isi wainegezibwa kugishoma? Isi kubaki?
Shoma Ezaburi 119:97, mushube mufumoreho ekibazo eki:
-
Kubaki abantu bangi bakaba bali tayari kufa babase kwitoitora nokugaba Ebibulia?
6. Ekitabo aha rw’enshonga y’abantu bona
Ebibulia nikyo kitabo ekitoitoirwe nokugabwa muno omu nsi. Shoma Ebikorwa 10:34, 35, mushube mufumoreho ebibazo ebi:
-
Kubaki Katonda nayenda ekigambokye kitoitorwe nokugabwa muno?
-
Iwe nkaiwe noshemelerwa kintuki ekikwete aha Bibulia?
Nke
Easilimia 100
ey’abantu omu nsi
nibabasa kukwasa Ebibulia omu rulimi orwo bali kushobokerwa
Nezoka omu ndimi ezilikushaaga
3,000
eli yona anga
eli kichweka
5,000,000,000
Ikadirio ly’enakala ezichapishibwe,
orwo rubara oruli rungi muno kushaaga ekitabo ekindi kyona kyona
ABANTU ABANDI NIBAGAMBA BATI: “Ebibulia kitabo kyeirai ekyahandikirwe abantu.”
-
Isi iwe oina bitekelezoki?
-
Nikihai ekili kwolekya nk’okwo Ebibulia kigambo kya Katonda?
OMUBIGUFI
Ebibulia kigambo kya Katonda, kandi ayekomeleize nk’okwo abantu bona nibabasa kugikwasa.
Isi ebi wakubihorora otai?
-
Katonda akahabura atai abantu kuhandika Ebibulia?
-
Nikintuki ekili kukushemelera ekikwete, akubikwa, kuitoitorwa n’okugabwa kwe Ebibulia?
-
Orwo wamara kumanya amani ago Katonda akolize kufumora naichwe kuraba omu Bibulia, aho iwe noyehulira otai?
ENJUZA MUNO
Shoma ekikwete ehisitoria y’Ebibulia—kubandiza omu hati ez’eirai kugoba omu tafsiri eza kany’aka.
“Okwo Twakwasize Ebibulia” (Amkeni!, Omwezi gwa Ikumi na gumoi 2007)
Yega aha kikwete anshengo ishatu ez’Ebibulia yayemeire orwo babaire nibenda kugisilikya.
Leba okwo abantu babaire bali tayari kufa babase kwitoitora Ebibulia.
Ebibulia ehandikirwe n’okwitoitorwa emirundi mingi. Nitubasa tutai kugira obwesige nk’okwo amakuru gayo tigakahidwirweho?
“Isi, Ebibulia Bakagihindura Anga Bakagihabisa?” (Emakala eli omutandao)
^ Nk’okwo kirashobororwa omwisomo lya 7, omwoyo ogutakatifu mani ago Katonda alikukozesa.
