05 УРОКЫР
Библиер Алыхьым къыбгъэдэкІ тхылъщ
Библиер Алыхьым къыбгъэдэкІ тыгъэ лъапІэщ. Ар тхылъ 66-уэ зэхэлъщ. Ауэ уэ мыпхуэдэ упщІэхэр уиІэнкІэ хъунущ: «Библиер дэнэ къыздикІар? Хэт ар къызыбгъэдэкІыр?» Мы упщІэхэм я жэуапхэр къэдгъуэтын щхьэкІэ, Библиер ди зэманым къызэрысам дытепсэлъыхьынщ.
1. Библиер цІыхухэм ятхамэ, ар Алыхьым къыбгъэдэкІ тхылъу щхьэ жаІэрэ?
Библиер илъэс 1 600-м щІигъукІэ цІыху 40 хуэдизым ятхащ — ди эрэм ипэ 1513-нэ гъэм щыщІэдзауэ ди эрэм 98-нэ гъэм нэс. А тхылъыр цІыху зэмыщхьхэм ятхащ, псалъэм папщІэ, мэлыхъуэхэм, бдзэжьеящэхэм, пащтыхьхэм. Абы емылъытауэ, Библием и Іыхьэ псори зэтохуэ. Ар зи фІыгъэр Библиер Алыхьым къызэрыбгъэдэкІыращ. (Къеджэ 1 Фессалоникэ 2:13.) ЦІыхухэм ятхар езыхэм я гупсысэхэракъым, атІэ «Тхьэм и Псэ ЛъапІэм [«къару лъапІэм», ДЩІ] а псалъэхэр бегъымбархэм я гум кърилъхьэри къаригъэІуэтащ» a (2 Петр 1:21). Алыхьым цІыхухэр и къару лъапІэмкІэ хуигъэушт езым и гупсысэхэр ятхыну (2 Тимофей 3:16).
2. Библием еджэну хэт Іэмал зиІэр?
«Лъэпкъ псоми, унагъуэ лъэпкъ псоми, бзэ псоми, къэрал псоми» щыщ цІыхухэм Іэмал яІэщ Библием ит хъыбарыфІыр къащІэну. (Къеджэ Апокалипсис 14:6.) Алыхьым и фІыщІэкІэ Библиер бзэ куэдыкІейкІэ зэрадзэкІащ икІи апхуэдиз бзэкІэ зэрадзэкІа нэгъуэщІ зы тхылъи щыІэкъым. Къанэ щымыІэу цІыху псоми Іэмал яІэщ Библием еджэну, ахэр щыпсэу щІыпІэмрэ зэрыпсалъэ бзэмрэ емылъытауэ.
3. Дауэ Иеговэ Библиер зэрихъумар?
Библием и псалъэхэр зытратхэу щыта фэр е папирусыр псынщІэу Іисраф хъут. Ауэ Библиер фІыуэ зылъагъу цІыхухэм абы итыр егугъуу къратхыкІыжт. Тепщэныгъэ зиІэ цІыхухэм а тхылъыр ягъэкІуэдыну иужь итами, псэемыблэжу ар къезыгъэлахэри сыт щыгъуи щыІащ. Иеговэ къыдэпсэлъэну зыри зэран зыхуигъэхъуакъым. Библием итщ: «Ди Алыхьым и псалъэр игъащІэкІэ щыІэнущ» (Исайя 40:8).
НЭХЪ КУУУЭ ХЭПЛЪЭ
Библиер ятхыну Алыхьым цІыхухэр зэрыхуигъэушам, а тхылъыр абы зэрихъумам икІи Библием еджэну цІыху псоми Іэмал зэраритам дытепсэлъыхьынщ.
4. Библием Алыхьым теухуа щІэныгъэ къыдет
ВИДЕОМ феплъ. ИужькІэ 2 Тимофей 3:16 итым фыкъеджи къыкІэлъыкІуэ упщІэхэр зэпкърыфх.
-
Библиер зытхар цІыхухэрамэ, ар Алыхьым и Псалъэу щхьэ ябжрэ?
-
Библиер итхын щхьэкІэ, Алыхьым цІыхухэр къызэригъэсэбэпар уи фІэщ хъурэ?
ЦІыхум жиІэну зыхуейр нэгъуэщІым елъэІуу иригъэтх хъунущ. Абы ещхьу, Библиер зытхар цІыхухэрами, абы итыр къызыбгъэдэкІыр Алыхьыращ
5. Бийхэм Библиер яхуэгъэкІуэдакъым
Иеговэ Библиер ихъумащ, сыт щхьэкІэ жыпІэмэ ар абы къыбгъэдэкІ тхылъщ. Тхыдэм къызэригъэлъагъуэмкІэ, тепщэныгъэ зиІэ цІыху куэдым Библиер ягъэкІуэдыну иужь итащ. Дин пашэхэр хуейтэкъым цІыхухэр а тхылъым еджэну. Бийхэр къазэрыпэщІэтым емылъытауэ, цІыху куэдым Библиер псэемыблэжу яхъумащ. Апхуэдэ зы цІыхум теухуауэ ВИДЕО феплъи къыкІэлъыкІуэ упщІэхэр зэпкърыфх.
-
Библиер псэемыблэжу зыхъума цІыхухэм я щапхъэм ухуигъэушрэ а тхылъым уеджэну?
Псалом 119:97 итым фыкъеджи мыбы фегупсыс:
-
Я гъащІэр яфІэкІуэдынкІэ шынагъэ зэрыщыІэм емылъытауэ, Библиер зэрадзэкІыну икІи ар цІыхухэм лъагъэІэсыну сытыт языныкъуэхэр хуэзыгъэушыр?
6. ЦІыху псоми яхуэгъэза тхылъ
Библиер псом нэхърэ нэхъыбэу къыдэкІ икІи бзэ нэхъыбэ дыдэкІэ зэрадзэкІ тхылъщ. Апостолхэм 10:34, 35 итым фыкъеджи мы упщІэхэм фегупсыс:
-
Сыт Алыхьыр щІыхуейр Библиер бзэ куэдкІэ зэрадзэкІыну икІи куэду къыдагъэкІыну?
-
Библием теухуауэ къэпщІам щыщу сыт псом хуэмыдэу уигу ирихьар?
Къанэ щІагъуэ щымыІэу
цІыху псоми
Іэмал яІэщ
Библием еджэну
Бзэ
3 000-м
щІигъукІэ зэрадзэкІащ
(зэрыщыту е и Іыхьэ щхьэхуэхэр)
5 000 000 000
хуэдиз мэхъу Библиеу къыдагъэкІам я бжыгъэр.
Апхуэдиз бжыгъэкІэ къыдагъэкІа нэгъуэщІ зы тхылъ щыІэкъым
ЗЫГУЭРЫМ ЖИІЭФЫНУЩ: «Библиер зэгуэр цІыхухэм ятха тхылъыжьу аращ».
-
Уэ абы дауэ уеплърэ?
-
Библиер Алыхьым и Псалъэу зэрыщытыр сыт уи фІэщ зыщІыр?
КЪЭПЩЫТЭЖ
Библиер Алыхьым и Псалъэщ икІи Иеговэ цІыху псоми Іэмал яритащ а тхылъым еджэну.
Мы упщІэхэр зэгъусэу зэпкърыфх:
-
Алыхьым цІыхухэм Библиер яригъэтхащ жиІэмэ сыт къикІыр?
-
Библиер ди зэманым къызэрысам, ар зэрызэрадзэкІам икІи цІыхухэм зэралъэІэсам теухуауэ къэпщІам сыт псом хуэмыдэу гъэщІэгъуэн пщыхъуар?
-
Библием ит хъыбарыфІыр зэхэпхын щхьэкІэ Алыхьым апхуэдиз къызэрыпхуищІам дауэ уэ узэрыхущытыр?
НЭХЪЫБЭ КЪАЩІЭ
Библиер ди зэманым къызэрысам теухуауэ къеджэ.
«Библиер ди зэманым къызэрысар» («Фыкъызэщыу!», щэкІуэгъуэ, 2007 гъэ)
Библиер ди зэманым къэсащ, ар ягъэкІуэдынкІэ шынагъэ зэрыщыІам емылъытауэ. Абы теухуауэ нэхъыбэ къащІэ.
«Дауэ Библиер ди зэманым къызэрысар?» («ХъумакІуэ чэщанэ» № 4 2016, урысыбзэкІэ)
Я гъащІэр яфІэкІуэдынкІэ шынагъэ зэрыщыІэм емылъытауэ, языныкъуэхэр хьэзырт Библиер зэрадзэкІыну. Абы теухуауэ нэхъыбэ къащІэ.
Библиер куэдрэ къратхыкІыжащ икІи зэрадзэкІащ. Апхуэдэу щыщыткІэ, Алыхьым и Псалъэм зэхъуэкІыныгъэ зэрыхэмыхьар дэнэ дэ щытщІэр?
«Библием зэхъуэкІыныгъэ гуэрхэр халъхьауэ пІэрэ?» (интернет-статья)
a Алыхьым и къару лъапІэм теухуауэ 7-нэ урокым нэхъыбэ къыщыпщІэнущ.
Иджыри уигу ирихьыфынур
НЭХЪЫБЭУ ЯТ УПЩІЭХЭР
Иеговэ и Щыхьэтхэм ирагъэкІуэкІ курсыр зищІысыр сыт?
Библием итыр къэпщІэну къыбдэІэпыкъу курс Иеговэ и Щыхьэтхэм ирагъэкІуэкІ. Абыхэм ущрагъаджэкІэ уи унэм щІэлъ Библиер къэбгъэсэбэп хъунущ икІи уи унагъуэм щыщхэмрэ уи ныбжьэгъухэм щыщ гуэррэ къебгъэблагъэ хъунущ.
