Jeová vỹ ẽg mỹ nén ũ há tãvĩ nĩm mũ, Topẽ Vĩ Rá ti, ti kã ki vỹ livro sĩ tỹ 66 nĩ, hã ra ũ nẽ ẽg mỹ Topẽ Vĩ Rá ti nĩm ke? Ũ tũ nẽ vẽjykre ag tỹ Topẽ Vĩ Rá ki nỹtĩ ag ti? Hã ri ke mũn ã tỹ tag to jykrén tĩ, ẽg vỹ kanhrãnrãn ke vã, Topẽ Vĩ Rá kãme ti.

1. Ũn ag vỹ Topẽ Vĩ Rá ránrán mũ, kỹ ẽg ne tugnĩn ti to Topẽ Vĩ Rá tỹ tỹ Topẽ tũ nĩ, ke tĩ?

Prỹg tỹ 1600 kãmĩ, ũn pipir ag vỹ Topẽ Vĩ Rá ti ránrán mũ, ag tóg ti ránrán rã mũ, Jesus jo prỹg tỹ 1513 kã kar ag vỹ ti ránrán kãn Jesus kar kỹ prỹg tỹ 98 kã, ũn tỹ Topẽ Vĩ Rá ti rán ja, ag kãmĩ vỹ mẽ ki rĩr tĩ ag, krẽkufyr jũjy tĩ ag kar pãꞋĩ ag nỹtĩ, kỹ ag pi jagnẽ ri ke nỹtĩ vã. Ge ra Topẽ Vĩ Rá ti vẽnh kãpóv ag vỹ vẽnh kygse ja tag vỹ hãn ri ké Topẽ Vĩ Rá tỹ tỹ Topẽ tũ nĩn kỹ. (1 Tessalônica 2:13 le kem nĩ.) Ũn ẽn ag pi ag vẽjykre to ránrán mũ, “Topẽ kuprĩg tỹ ag krĩn mũ ẽn hã rán ja ag tóg nĩgtĩ”. (2 Pedro 1:21) a (Ha vé vẽnh rá sĩ ti) Topẽ vỹ ti kuprĩg tỹ ũn ẽn ag krĩn mũ, ag tỹ ti vẽjykre ag ránrán jé. — 2 Timóteo 3:16.

2. Topẽ tỹ ũ nẽ mỹ Topẽ Vĩ Rá ti han ke?

Topẽ vỹ vẽnh kar mỹ Topẽ Vĩ Rá ti han mũ, “nação kar ag mỹ, povo kar mỹ ke gé, vyr mỹ vĩ nỹtĩ kar ag mỹ ke gé”. (Nén venh ke 14:6 le kem nĩ.) Topẽ vỹ Topẽ Vĩ Rá ti nĩnh mũ, ũn e ag vĩ ki, kỹ ti vĩ rá vỹ livro kar kãfór nĩ. Ũn e tãvĩ ag vỹ Topẽ Vĩ Rá nỹtĩ ag vĩ ki ke pẽ ki, ag tỹ Topẽ vĩ sér ag le ke jé.

3. Jeová hã ri ken kỹ Topẽ Vĩ Rá ti ki rĩr ke?

Ũn ẽn ag vỹ Topẽ Vĩ Rá ránrán mũ, nén ũ tỹ vẽnh kókén tĩ ag ki. Kỹ ũri ẽg hã ri ken kỹ Topẽ Vĩ Rá ti nỹtĩ? Ũn tỹ Topẽ Vĩ Rá to há tĩ, ẽn ag vỹ vãsãnsãn tãvĩ mũ, ag tỹ nén rán ja ẽg hã ránrán mãn jé, popé tãg ag ki. Kar kỹ ũn tar ag vỹ Topẽ Vĩ Rá tỹ tũꞋ ke sór tĩ vã, hã ra ũn e ag vỹ vẽsỹrinhrénh mũ, ag tỹ Topẽ Vĩ Rá ki rĩr nỹtĩ jé. Isaías 40:8, ẽg mỹ ke tĩ: “Topẽ [vĩ, TNM] tóg tũgꞋ henh ke tũ pẽ nĩ.” Jeová tóg ti vĩ rá ki rĩr mũ, ũn ag tỹ Topẽ Vĩ Rá ki kanhró nỹtĩ jé.

 VẼNH KANHRÃN KÃFÓR NĨ

5. Ũn e ag vỹ Topẽ Vĩ Rá kato vãsãnsãn mũ, hã ra ti vỹ nĩ ver

 6. Vẽnh rá ũ tỹ vẽnh kar kanhrãnrãn tĩ

Ũn e ag vỹ Topẽ Vĩ Rá nỹtĩ ag vĩ ki ke pẽ ki, kỹ ti vỹ livro kar kãfór nĩ. Han kãme 10:34, 35 le kem nĩ. Kar jagnẽ mré vãmén nĩ, nén ũ tag ag to:

• Topẽ ne tugnĩn ũn e ag tỹ Topẽ Vĩ Rá nỹtĩ ve sór tĩ, ag vĩ ki ke pẽ ki?

• Ne nỹ ã mỹ há nĩ Topẽ Vĩ Rá kãme to?

 Ã NE KANHRÃN JA TI

Topẽ Vĩ Rá tỹ tỹ Topẽ tũ nĩ, hã kỹ tóg vẽnh kar tỹ ti vĩ rá nỹtĩ sór mũ.

Jykrinkrén mũ

• Topẽ Vĩ Rá vỹ ẽg mỹ ke tĩ, Topẽ tóg ũn ag krĩn mũ ag tỹ ti vĩ ránrán jé. Ti hã ri ken kỹ tag han ke?

• Ũn e tãvĩ ag vỹ Topẽ Vĩ Rá nỹtĩ ag vĩ ki ke pẽ ki, ã ne tag to jykrén tĩ? Ũn e ag tóg Topẽ Vĩ Rá kato vãsãnsãn mũ, hã ra ti vỹ nĩ ver. Ã ne tag to jykrén tĩ?

• Topẽ tóg vãsãn tãvĩ mũ, ti tỹ ã mỹ ti vĩ tó jé. Ã ne tag to jykrén tĩ?