LYNNONG 05
Ka Baibl ka Dei ka Kot na U Blei
U Jehobah u la ai sngewbha ïa ngi ïa ka Baibl kaba kynthup ïa ki 66 tylli ki kot kiba rit. Hynrei phi lah ban pyrkhat: ‘Kumno ngi ïoh ïa ka Baibl? Mano ba la thoh ïa ka?’ To ngin ïa peit lang ïa ki jubab jong kine ki jingkylli na ka Baibl.
1. Lada dei ki briew kiba la thoh ïa ka Baibl, te balei pat ngi ong ba ka dei na U Blei?
Ïa ka Baibl la thoh da kumba 40 ngut ki briew bad la shim por haduh 1,600 snem ban pyndep ïa ka. Ïa ka kitab banyngkong la thoh kumba 3,500 snem mynshuwa bad ïa ka kot kaba khatduh pat kumba 1,900 snem mynshuwa. Watla ki nongthoh ki ïa pher iwei na iwei, hynrei ki jingthoh jong ki pat ki ïahap. Kumno kata ka lah ban long? Namarba U Blei u dei u Nongthoh jong ka Baibl. (Pule 1 Thessaloni 2:13.) Ki nongthoh ki khlem thoh ïa ki jingmut jingpyrkhat la jong, hynrei “Ki la kren na U Blei kein, haba la pynkhih ïa ki da U Mynsiem Bakhuid” a (2 Petros 1:21) U Blei u la ai ïa la u mynsiem bakhuid ha ki briew kiba thoh ïa ki jingmut jingpyrkhat jong u.—2 Timothi 3:16.
2. Mano ba lah ban ïoh jingmyntoi na ka Baibl?
Baroh “ka kynja bynriew bad ka jaid bad ka thylliej bad u paidlang” ki lah ban ïoh jingmyntoi na ka khubor babha ba don ha ka Baibl. (Pule Jingpynpaw 14:6.) U Blei u la pynthikna ba ka Baibl ka dei ban don ha ki jait ktien bapher bapher. Jan baroh ki briew, la ki dei na kano kano ka jaka ne kren ïa kano kano ka jait ktien ruh, ki lah ban ïoh ïa ka Baibl bad myntoi na ka.
3. Kumno U Jehobah u la pynneh ïa ka Baibl?
Ïa ka Baibl la thoh ha ki snieh mrad bad ha ki sla papyrus kibym da neh slem. Hynrei don katto katne ngut ki briew kiba ieid ïa ka Baibl, ki la bud thik pa thik ïa ki jingthoh jong ka bunsien. Don ki nongsynshar bad ki nongïalam niam kiba la pyrshang ban pynduh ïa ka Baibl, hynrei don ruh kiwei pat kiba la buh ïalade ha ka jingma ban pynneh pynsah ïa ka. U Jehobah u khlem ailad ïano ïano ne ïa kaei kaei ruh ban pynduh ïa ka ktien jong u. Ka Baibl ka ong: “Ka ktien U Blei jong ngi kan neh junom.”—Isaiah 40:8.
WAD SHUH SHUH
Peit kumno U Blei u la pyrsad mynsiem ïa ki briew ban thoh ïa ka Baibl, kumno u la pynneh pynsah ïa ka bad ha kano ka rukom u la pynthikna ba baroh kin ïoh ïa ka.
4. Ka Baibl ka ïathuh hi da lade ba mano ba dei u Nongthoh jong ka
Peit ïa ka VIDEO. Nangta pule 2 Timothi 3:16 bad sa ïa peit lang ïa kine ki jingkylli harum:
-
Lada ïa ka Baibl la thoh da ki briew, te balei pat la khot ïa ka, ka ktien U Blei?
-
Hato phi ngeit ba U Blei u lah ban phah ïa ki jingmut jingpyrkhat jong u sha ki briew kiba la thoh ïa ka Baibl?
U briew u lah ban thoh ïa ka shithi kaba la batai da uwei pat. Ha kajuh ka rukom, ki briew ki la thoh ïa ka Baibl, katkum ki jingbatai jong U Blei.
5. Bun ki pyrshang ban pynduh ïa ka Baibl, hynrei ka dang neh sah haduh mynta.
Lada ka Baibl ka dei na U Blei, un pynthikna ban pynneh sah ïa ka haduh mynta. Naduh mynshuwa ki briew kiba donbor ki la pyrshang ban pynduh ïa ka Baibl. Ki nongïalam niam ki la khang lad ïa ki briew ban pule ïa ka Baibl. Watla ki don ki jingïaleh pyrshah bad ki jingbyrngem ban pynïap, bun ki briew ki la buh ïa la ka jingim ha ka jingma ban pynneh pynsah ïa ka. Ban tip shaphang uwei na kita peit ïa ka VIDEO, bad nangta sa ïa peit lang ïa kine ki jingkylli harum:
-
Kaei kaba pynlong ïa ka Baibl kaba kyrpang haduh katta katta, haduh ba ki briew ki la buh ïa la ka jingim ha ka jingma? Hato kata kam pynlong ïa phi ban kwah tip ba don aïu ha ka?
Pule Salm 119:97, bad nangta sa ïa peit lang ïa kane ka jingkylli harum:
-
Kaei kaba la pynlong ïa ki briew ban buh ïalade ha ka jingma ban pynkyllaktien bad ban sam ïa ka Baibl?
6. Ka kot na ka bynta ki briew baroh
Na ki kot baroh, dei tang ka Baibl kaba don ha bun tylli ki jait ktien bad jan baroh ki briew ki don ïa ka. Pule Kam 10:34, 35, bad nangta sa ïa peit lang ïa kine ki jingkylli harum:
-
Balei U Blei u kwah ba ïa ka Ktien jong u yn pynkyllaktien bad yn sam sha baroh?
-
Kaei kaba phi sngewtynnad shaphang ka Baibl?
Jan
100%
na ki briew baroh kiba don ha pyrthei
ki don ïa ka Baibl ha ka ktien la jong
Ka don ha palat
3,000
tylli ki jait ktien
ha shi bynta ne baroh kawei
La pynmih ha kumba
5,00,00,00,000
tylli palat ban ïa kano kano ka kot ruh
DON KIBA ONG: “Ka Baibl ka dei ka kot kaba la rim bha, ba la thoh da ki briew.”
-
Phi tharai kumno?
-
Kaei ka jingpynshisha kaba pyni ba ka Baibl ka dei ka Ktien jong U Blei?
KI MAT BAKONGSAN
Ka Baibl ka dei ka Ktien jong U Blei, bad u la pynthikna ba baroh kin ïoh ïa ka ha ka jait ktien la jong.
Peit Biang
-
Ka mut aïu haba ngi ong ba U Blei u la pyrsad mynsiem ha ki briew ban thoh ïa ka Baibl?
-
Kaei kaba phi sngewtynnad shaphang ka Baibl?
-
Kumno phi sngew haba phi tip ba U Blei u la leh shitom ban pynneh ïa ka Baibl khnang ba un ïoh ban kren ïa phi?
PULE SHUH SHUH
Pule shaphang ka histori jong ka Baibl—naduh ki jingthoh kiba nyngkong haduh ki jingpynkyllaktien kiba mynta.
“Kumno Ngi la Ïoh ïa ka Baibl” (To Sharai!, Naiwieng 2007, Phareng)
Pule shaphang kumno ba ka Baibl ka dang don haduh mynta watla ki la don ki jingpyrshang ban pynduh ïa ka.
“Ka Baibl—Ka Khana Shaphang Kumno ba la Pynneh ïa Ka” (Ka Kutphira No. 4 2016, Phareng)
Peit kumno ki briew ki la buh ïalade ha ka jingma ban pynkyllaktien ïa ka Baibl.
Ïa ka Baibl, la bud bad la pynkyllaktien bunsien. Kumno phi lah ban thikna ba ka khubor jong U Blei ka khlem kylla?
“Hato ki Briew ki la Pynkylla ïa ki Jingthoh ha ka Baibl?” (Na jw.org, Phareng)
a Ha ka Lynnong 07, phin sa tip ba u mynsiem bakhuid u dei ka bor jong U Blei.
