Biibili al­lak­kanik 66-inik imalik tunis­sutaavoq nuan­nersoq Jehovameersoq. Qanorli inun­nut tun­niun­neqar­pa? Kinalu atuak­kior­tuua? Apeq­qutit taak­ku maan­na sam­meriar­tigit.

1. Biibili inunnit allanneqarpat sooq oqartoqarsinnaava Guuti atuakkiortuusoq?

Biibili ukiut 1.600-t mis­saasa ingerlaneran­ni, ukiumit 1513-imit Kr.in.si. ukiumut 98-imut Kr.in.king., al­lan­neqar­poq. Angutit Biibilimik al­lat­tut 40-t mis­saan­niit­tut as­sigiin­ngitsor­pas­suar­nik tunuliaqutaqarsimap­put. Taamaak­kaluar­toq Biibilimi al­las­simasut tamarmik im­min­nut naaper­tuul­luin­nar­put. Sooq taamaap­pa? Guuti atuak­kior­tuum­mat. (Tessaluunikamiunut 1. 2:13 atuarsiuk). Biibilimik al­lat­tut nam­min­neq eq­qarsaatitik pin­nagit ‘anersaamilli illernartumit siulersortillutik Guutimit tusarliussaqartarput’. a (Petrusimit 2. 1:21) Tas­sa Guutip anersaani il­ler­nar­toq aq­qutigalugu inuit taak­ku isumas­sarsisil­lugit eq­qarsaatiminik al­latsip­pai. – Timuutiusimut 2. 3:16.

2. Biibili kikkunnut allataava?

Biibilimi al­las­simasut “inuiaqatigiinnut, naggueqatigiin­nut, qanorluunniit oqaasilin­nut inuiannullu tamanut” iluaqutaasin­naap­put. (Saq­qum­mersitat 14:6 atuarsiuk). Biibilip atuak­kanit al­lanit tamanit nutser­neqar­ner­paajunis­saa Guutip isumagivaa. Inuit sumiluun­niit najugal­lit qanorluun­niil­lu oqaasil­lit tamangajam­mik Biibili pis­sarsiarisin­naavaat.

3. Biibilip piujuarnissaa Jehovap qanoq isumagaa?

Biibili al­laf­fis­sianut aserujasunut, soorlu amermut papyrusimul­lu, al­lan­neqaq­qaarsimavoq. Inuil­li Biibilimik pingaar­titsisut is­suaq­qis­saarlugu al­laq­qit­tarsimavaat. Nungutin­niar­neqar­taraluar­toq inuit ilaasa il­lersor­niarlugu inuuner­tik akigeriaan­naasimavaat. Jehovap uagutsin­nut oqariar­tuutimi piujuar­nis­saa isumagisimavaa. Biibilimi ima al­las­simavoq: ‘Guutitta oqaasia naassaan­ngitsumik atassaaq.’ – Esaja 40:8.

 ITISILIINEQ

5. Biibili nungutin­niarneqar­taraluarluni piujuarsimavoq

 6. Atuagaq tamanut allataq

Biibili atuak­kanit tamanit nutser­neqar­ner­paajul­lunilu siam­mar­ter­neqar­ner­paajuvoq. Apustilit Suliaat 10:34, 35 atuarsigit apeq­qutil­lu uku eq­qar­torlugit:

• Sooq Biibilip taama nutser­neqar­tiginis­saa siam­mar­ter­neqar­tiginis­saalu Guutip piumasaraa?

• Sooq Biibili nuan­naraajuk?

 EQIKKAANEQ

Biibili tas­saavoq Guutip oqaasia, inun­nil­lu tamanit atuar­neqarsin­naanis­saa isumagisimavaa.

Uteqqiineq

• Guutip Biibilimik al­lat­tunik isumas­sarsisitsinera qanoq paasisariaqar­pa?

• Biibilip piujuarsimanera, nutser­neqarsimanera siam­mar­ter­neqarsimaneralu pil­lugit paasisatit suut kil­litsis­sutigaagit?

• Guutip Biibili aq­qutigalugu at­taviginiarlutit taama iliuuseqar­tigisimanera qanoq misigilis­sutigaajuk?