Jehová o chatrʼkꞹji kʼo me na joo: ngeje yo 66 tsʼilibro ke ba e̱je̱ kja ne Biblia. Pe bʼꞹma gi ontsjɇ: “¿Ja bi ñe̱je̱ ne Biblia? ¿Kjo nge o jñaa kʼo ju̱nsʼꞹnu?”. Pa ra trjꞹrꞹji yo trʼønꞹyo, ra nuji ja ba sⱥjⱥ nu jñaa e Mizhokjimi jesta yo padya.

1. Ma yo bʼɇzo go dyopjꞹji ne Biblia, ¿pjenga ri manji ke nge o Jñaa e Diosi?

40 bʼɇzo—ke nrre nʼaño mi pjɇzhiji ñe o bʼɇpji kʼꞹ mi kjaji—o dyopjꞹji ne Biblia. O mbꞹrꞹ o dyopjꞹji kja ne kjɇɇ 1513 ma dya bʼe ma e̱je̱ e Jesús ñe o nguarꞹji ne kjɇɇ 98 ma ya bi e̱je̱ e Jesús. O mezhe 1.600 kjɇɇ ma o nguarꞹji o dyopjꞹji. Zø nge akjanu ne Biblia dya nʼaño kʼo mama. ¿Pjenga nge akjanu? Nangeje nge o Jñaa e Mizhokjimi (xørꞹ 1 Tesalonicenses 2:​13). Kʼo bʼɇzo dya o dyopjꞹji kʼo mi kjijñiji angezeji. Nge “o Espíritu Mizhokjimi o ñꞹnbʼꞹ o mꞹbʼꞹji o pⱥtpⱥji Mizhokjimi” (2 Pedro 1:​21). a Ko nu espíritu santo, e Mizhokjimi o mbøsʼꞹ yo bʼɇzo ngekʼua ro dyopjꞹji kʼo mi nee angeze (2 Timoteo 3:​16).

2. ¿Kjo søø ra xørꞹ ne Biblia?

Texe yo ntee “zø pje ma jñiñi kʼꞹ menzumꞹji, zø pje ma razaji, zø pje ma jñaa ñaji” søø ra mbøsʼꞹ kʼo mama ne Biblia (xørꞹ Apocalipsis 14:6). Mizhokjimi o tsjaa ke ro pɇskøji ne Biblia kja na punkjꞹ jñaa ke ñaji yo ntee. Nge na libro ke mazi a go potꞹji kja nʼaño jñaa yo padya. Texe yo ntee kja ne xoñijomꞹ søø ra mba̱ra̱ji yo mama ne Biblia, zø ja menzumꞹji o zø pje ma jñaa ñaji.

3. ¿Ja ba mbørꞹ e Jehová ne Biblia?

Ne Biblia go dyopjꞹji kja kʼo rollo kʼo mi kjaji ko o xii yo animale ñe na planta ke ni chju̱u̱ papiro, ngekʼua dabadiji ma sʼodʼꞹ. Pe mi bʼꞹbʼꞹ bʼɇzo ke mi sʼiyaji ne Biblia ngekʼua na punkjꞹ ba nga̱ma̱ji. Zø na punkjꞹ ntee kʼo pje mi pjezhi mi nee ro chøtʼꞹji ne Biblia, pe xo mi bʼꞹbʼꞹ kʼo go nee ro mbørꞹji zø ro mbøtrʼꞹji. Dya pje bʼꞹbʼꞹ kʼo ra tsʼasʼꞹ e Jehová ngekʼua ra xitsiji kʼo nee. Ne Biblia mama: “O Jñaa in Mizhokjimigøji mezhe texe yo paa” (Isaías 40:8).

 TEXE YO JÑAA KE ME NI MUBI RA PA̱RA̱JI

5. Dya go chjotꞹji ne Biblia

 6. Na libro ke søø ra xørꞹ texe yo ntee

Ne Biblia nge nu mazi a potꞹji kja nʼaño jñaa ñe trjɇji yo ntee kja texe ne xoñijomꞹ. Xørꞹbi Hechos 10:​34, 35 ñe ri chjꞹrꞹbi yo trʼønꞹ yo ba e̱je̱:

• ¿Pjenga e Mizhokjimi nee ke o Jñaa ra bʼꞹbʼꞹ kja texe yo jñaa ke ñaji yo ntee kja texe ne xoñijomꞹ?

• Kʼo mama ne Biblia, ¿pje nge kʼo kjakʼꞹ mazi ri tsjentrjo?

 KʼO YA RO NUJI

Ne Biblia ngeje o Jñaa Mizhokjimi, ñe angeze a tsjaa ke texe yo ntee ra pɇsʼiji.

Pje gi mbeñege

• ¿Pje nee ra mama ke Mizhokjimi o juajnꞹ yo bʼɇzo ngekʼua ro dyopjꞹji ne Biblia?

• ¿Pje nge kʼo kjakʼꞹ ri tsjentrjo ke dya go søø go chjotꞹji ne Biblia? Ñe ¿Pje søø ri mange kja yo jñaa ke a go potꞹji ñe ke texe yo ntee pɇsʼijidya ne Biblia?

• ¿Ja gi søge ko texe kʼo a tsjaa e Mizhokjimi ngekʼua ri søø ri chɇzhi ko angeze?