LEZZJONI 05
Il-Bibbja Hi l-Messaġġ t’Alla Għalina
Ġeħova tana l-Bibbja bħala rigal sabiħ. Din magħmula minn 66 ktieb żgħir fi ktieb wieħed. Forsi taħseb: ‘Il-Bibbja minn fejn ġiet? Min kitibha?’ Biex inwieġbu dawn il-mistoqsijiet, ejja l-ewwel naraw kif il-Bibbja ġiet għandna.
1. Jekk il-Bibbja nkitbet min-nies, għala ngħidu li ġiet minn Alla?
Il-Bibbja nkitbet minn madwar 40 raġel differenti. L-ewwel ktieb inkiteb madwar 3,500 sena ilu u l-aħħar ktieb madwar 1,900 sena ilu. Avolja dawn l-irġiel kienu minn backgrounds differenti, dak li kitbu xorta kien jaqbel. Dan kif jista’ jkun? Għax huwa Alla li kiteb il-Bibbja. (Aqra l-1 Tessalonikin 2:13.) Dawn l-irġiel ma kitbux dak li ħasbu huma. Minflok, huma “tkellmu minn Alla skond kif tmexxew mill-ispirtu qaddis.” a (2 Pietru 1:21) Bl-għajnuna tal-ispirtu qaddis, Alla uża lil dawn l-irġiel biex jiktbu l-ħsibijiet tiegħu.—2 Timotju 3:16.
2. Min jista’ jibbenefika mill-Bibbja?
“Kull ġens u tribù u lsien u poplu” jista’ jibbenefika mill-Bibbja. (Aqra Rivelazzjoni 14:6.) Alla għamel ċert li l-Bibbja tkun l-iżjed ktieb li tista’ ssib f’lingwi differenti. Illum, kważi kulħadd jista’ jaqra l-Bibbja, joqgħod fejn joqgħod u b’liema lingwa jrid.
3. Ġeħova kif ipproteġa l-Bibbja?
Il-Bibbja ġiet miktuba fuq materjal li jispiċċa malajr, bħal ġilda u materjal minn pjanta jisimha papiru. Imma rġiel li kienu jħobbu l-Bibbja kkupjawha kemm-il darba biex ma tintilifx. Minkejja li nies ta’ awtorità pruvaw jeqirdu l-Bibbja, oħrajn kienu lesti li jirriskjaw ħajjithom biex jipproteġuha. Ħadd u xejn ma waqqaf lil Ġeħova milli jwasslilna l-messaġġ. Il-Bibbja tgħid: ‘Il-kelma t’Alla tibqa’ għal dejjem.’—Isaija 40:8.
TGĦALLEM IŻJED
Tgħallem iktar dwar kif Alla uża rġiel biex jiktbu l-Bibbja, kif ipproteġieha, u kif għamel ċert li n-nies jista’ jkollhom kopja.
4. Il-Bibbja tgħidilna min kitibha
Ara l-VIDJOW. Imbagħad aqra t-2 Timotju 3:16, u ddiskuti l-mistoqsijiet li ġejjin.
-
Jekk in-nies kitbu l-Bibbja, għala ngħidulha l-Kelma t’Alla?
-
Temmen li Alla għadda l-ħsibijiet tiegħu lin-nies biex jiktbuhom? Għala taħseb hekk?
Persuna tista’ tagħti lis-segretarju messaġġ x’jikteb. Bl-istess mod, in-nies kitbu l-Bibbja, imma l-messaġġ tagħha kien minn Alla
5. Il-Bibbja baqgħet teżisti
Jekk il-Bibbja ġejja minn Alla, aħna nistennew li hu jipproteġiha. Maż-żmien rajna li nies li għandhom l-awtorità pruvaw jeqirdu l-Bibbja. Xi mexxejja reliġjużi pruvaw jaħbuha min-nies. Imma ħafna nies iffaċċjaw l-oppożizzjoni u rriskjaw ħajjithom biex jipproteġu l-Bibbja. Biex nieħdu eżempju, ara l-VIDJOW, u mbagħad iddiskuti:
-
Issa li taf kemm in-nies kienu lesti li jipproteġu l-Bibbja, tinteressak iktar biex taqraha? Għala taħseb hekk?
Aqra Salm 119:97, u mbagħad iddiskuti:
-
Xi mmotiva lil ħafna biex jirriskjaw ħajjithom ħalli jittraduċu u jqassmu l-Bibbja?
6. Ktieb għal kulħadd
Il-Bibbja hi l-iktar ktieb li qatt ġie ppubblikat mad-dinja kollha f’lingwi differenti. Aqra Atti 10:34, 35, u mbagħad iddiskuti:
-
Alla għala jrid li l-Kelma tiegħu tkun ippubblikata mad-dinja kollha b’ħafna lingwi?
-
X’jogħġbok mill-Bibbja?
Fid-dinja kważi
kulħadd
għandu Bibbja
f’lingwa li jifhem
Teżisti f’iktar minn
3,000
lingwa
b’mod sħiħ jew partijiet minnha
5,000,000,000
L-ammont ta’ Bibbji li bejn wieħed u ieħor ġew ippubblikati,
li hu ħafna iktar minn kull ktieb ieħor
ĦAFNA JGĦIDU: “Il-Bibbja hija ktieb antik li kitbuh in-nies.”
-
Int x’taħseb?
-
X’juri li l-Bibbja hija l-Kelma t’Alla?
XI DDISKUTEJNA?
Il-Bibbja hi l-Kelma t’Alla u hu għamel ċert li kulħadd jista’ jkollu waħda.
X’Tgħallimt
-
Xi tfisser li Alla uża lin-nies biex jiktbu l-Bibbja?
-
Minn dak li tgħallimt f’din il-lezzjoni, x’għoġbok dwar il-Bibbja?
-
Kif tħossok li sirt taf li Alla għamel sforz kbir biex jitkellem miegħek?
ARA IŻJED
Aqra dwar l-istorja tal-Bibbja kif minn dokumenti antiki ġiet fil-lingwi tal-lum il-ġurnata.
“Il-Bibbja Kif Baqgħet Teżisti sal-Lum?” (Artiklu minn Stenbaħ!)
Sir af kif il-Bibbja baqgħet teżisti minkejja tliet problemi kbar.
“Il-Bibbja—L-istorja ta’ kif baqgħet teżisti” (It-Torri tal-Għassa Nru. 4 2016)
Ara kif nies oħra rriskjaw ħajjithom biex jittraduċu l-Bibbja.
Il-Bibbja spiss ġiet ikkupjata u meqluba f’ħafna lingwi. Kif tista’ tkun ċert li l-messaġġ t’Alla ma nbidilx?
a Bħalma se niddiskutu f’Lezzjoni 07, l-ispirtu qaddis huwa l-forza attiva t’Alla.
Tistaʼ Tara Wkoll
MISTOQSIJIET KOMUNI
X’Inhu l-Kors tal-Bibbja li Joffru x-Xhieda taʼ Ġeħova?
Waqt dan il-kors b’xejn maʼ wieħed mix-Xhieda taʼ Ġeħova, int tistaʼ tuża l-Bibbja tiegħek. Jekk trid, tistaʼ tistieden lil tal-familja jew ħbieb tiegħek.
