5ǁÎ ǁKHĀǁKHĀǃÂS
Elobmîs haisi-ams Elob xa da māhe hâs
Jehovab ge ǃgâi ǀkhaeba mā du hâ. Elobmîs ge 66 ǂkhanide ǃkhōǂgā hâ. Xawe du ge ǀnîsi a dîsen ǁkhā: ‘Elobmîsa mapa xu ra hā? Tsî ham-i xas ge xoahe?’ ǁNā dîra ǃereams ǃaroma. Hā re, î da Elobmîs haisi-ams ge sida ǃoa, hā ǀgaus xa ǃhoa.
1. Khoegu ga Elobmîsa a xoa o, o tae-i ǃaroma da ra mî, Eloba xus ra hā di?
Elobmîs ge 40 khoegu xa ge xoahe, 1 600 kurigu ǁaeb ǃnâ. 1513ǁÎ kuri Jesub ǃnaes aiǃâsa xu tsî 98ǁî kuri Jesub ǁōb khaoǃgâs kōse. Xoa-aogu ge ǃkharagagu khaoǃhūga xu gere hā. Xawes ge Elobmîsa a ǀguiǃnâxa. ǁNāsa mati ge īǁkhā i? Eloba xus gere hā amaga. (Khomai re 1 Tesalonikaǁîn 2:13 sa.) Nē xoa-aogu ge ǁîgu ǂâide ge xoa tama hâ i. Xawe gu ge “ǃAnu Gagab xa” gere huihe îgu “Eloba” xu ra hā xūna xoa. a (2 Petrub 1:21) Elob ge ǁîb ǃanu gagaba gere sîsen-ū, îgu nē khoega Elob di ǂâisa xoa.—2 Timoteub 3:16.
2. Hoa da ǃgâiba Elobmîsa xu a hōǁkhā?
‘Tsî mâ ǃhaos hoas, tsî gowab hoab, tsî ǁaes hoas.’ Ge ǃgâiǂhôas Elobmîs ǃnâ ra hōhesa xu ǃgâiba a hōǁkhā. (Khomai re ǂHaiǂhais 14:6 sa.) Elob ge ge īǁkhā kai. Elobmîs hoa gowagu ǃnâ nî hōhe ǁkhā ǃkhaisa. ǀNî ǂkhani i ge a ǀkhai, ǁîs khama ī-e. ǃNāsa khoen ge Elobmîsa nētsē ūhâ. Nēs ge a ama, mapa ǀgui i ga khoe-e hâ xawe. Tsî mâ gowaba i ga ǃhoa xawe.
3. Jehovaba mati Elobmîsa ge ǁkhauba?
Elobmîs ge hâhâ ra ǂkhani i ai ge xoahe tama hâ i. Aiǁgause, khō-i khami. Xawe khoegu hîna ge Elobmîsa ǀnam hâ i gu, ge ǃamkuse ge xoasi. Tsî ǀoros gere o, os ge ǃommi ǀkha ǁkhawa gere xoa-e. Khoesi ǂgaeǂgui-aogu tsî ǂgomdi ǂgaeǂgui-aogu ge gere dītsâ dīkākāsisa. ǀNî khoen ge Elobmîsa gere ǁkhauba. ǁÎn ûiban ge tsūb ǃnâ gere mâi xawe. Jehovab ge ge ǁkhaehe tama hâ i, sida ǀkha Elobmîs ǃnâ-ū ǃhoasa. Elobmîs ge ra mî: “Xawe mîs sada Elob dis ge nîra hâhâ ǀamosib kōse.”—Jesajab 40:8.
ǃGAMSE ÔAǃNÂ RE
Khomai re, Elob ge mati Elobmîsa gere xoa khoega huiǃnâ ǀgausa. Tsî matib ge Elobmîsa ǁkhaubasa. Tsî matib ge khoena a māsi ǀgausa.
4. Elobmîs ge ra ǁgau, ham-i ǂâides ǃkhōǂgā hâsa
VIDIOBA ǀhuru re. Tsî khomai re 2 Timoteub 3:16 sa. Tsî ǃnāka hâ dîde ǃhoaǃgao re:
-
Khoegu ga Elobmîsa a xoa o, o tae-i ǃaromas Elobmîs ti ra ǂgaihe?
-
ǂGom i du ra, Elob ge khoega sîsen-ūsa ǁîb ǂâide xoasa?
5. Elobmîs ge dīkākāhesa ge mâǃkharu
Elobmîs ga Eloba xu hâ o, ob ge ǁîba ǁîsa nî ǁkhauba. Khoesi ǂha- nugu ge ǃkharu ge ǁae Elobmîsa gere dīkākā ǂgao. Tsî ǂgomdi ǂgaeǂgui-aogu ge gere dītsâ Elobmîsa sâusa. ǂGui khoen ge Elobmîsa gere ǁkhauba. ǁÎn ûiban ge tsūb ǃnâ gere mâi xawe. Mâǃoahe tsî ǁōb ǀkhan gere ǃaoǃaohe xawes tsîna. ǁNāti ī khoeb aiǁgaus xa ǁkhāǁkhāsens ǃaroma, VIDIOBA ǀhuru re. Tsî ǃnāka hâ dîde ǃhoaǃgao re:
-
Nēsi du go mû o, Elobmîs gere ǁkhaubahe ǀgausa, tae-i ǃaroma du ǁîsa ra khomai ǂgao? Tsî tae i xa?
Khomai re Psalmdi 119:97 sa. Tsî ǃnāka hâ dîsa ǃhoaǃgao re:
-
ǂGui khoena tae-i xa gere ǂkhâǃnâhe, ǁîn ûiga tsūb ǃnâ mâi tsî Elobmîsa ǂnûiǃkhuni tsî māǂuis ǃaroma?
6. Elobmîs ge ǂkhanisa hoa khoen ǃaroma
Elobmîs ge ǃnāsase ǂnûiǃkhunisa ǂkhanisa. Tsî ǃnāsase a māǂuisa. Khomai re ǃNaeǃkhaidi 10:34, 35 sa. Tsî ǃnāka hâ dîra ǃhoaǃgao re:
-
Eloba tae-i ǃaroma ra ǂhâba, îs Elobmîsa ǃnāsase ǂnûiǃkhunihe tsî māǂuihe?
-
Tae-e Elobmîs xa ra mâǂoaba du?
ǁAubexa
100%
khoen ǃhūbaib ǂhawese hân
ge Elobmîsa ǁnâuǃān ra gowab ǃnâ ūhâ
Elobmîs ge
3 000
gowagu ǃnâ a hōhe ǁkhā
ǀoasase tamas ka io ǃâb ǃnâ
5 000 000 000
xa ǃnāsa Elobmîdi ge a ǁgâisa,
ǀnî ǂkhani i ge ǁnātikōse ǂguise ǁgâihe tama
MATI DU NÎ ǃEREAM KHOE-I GA MÎ O: “Elobmîs ge ǀoro ǂkhanisa khoen xa ge xoahesa.”
-
Mati du nî mî?
-
Tae-e ra ǁgau, Elobmîs, Eloba xu hâsa?
ǃKHŌǀHAOS
Elobmîs ge Eloba xu ra hā mîde ūhâ. Tsî ǁîb ge ge īǁkhā kai, în hoa khoena Elobmîsa ūhâ.
ǁKhāǁkhāsen du go xūna ǂâiǃgâs
-
Eloba mati khoega ge sîsen-ū, îgu Elobmîsa xoa tsî nēsa tae-e ra ǂâibasen?
-
Mati du ra tsâ Elobmîs ǂnûiǃkhunihe, māǂuihe tsî nētsēs kōses sâu-e hâs xa?
-
Mati du ra tsâ, Elob ge ǁguiǂgāsen tsî Elobmîs ǃnâ-ū sadu ǀkha ra ǃhoasa?
ÔAǃNÂ
ǃKharu ge ǁaeb ǃnâ ge Elobmîs ǃnâ a ī xūna khomai re. ǀOrokamǁaeb Elobmîsa xu, nētsē da ūhâ mîs kōse.
“Elobmîs ge sada ǃoa a hā ǀgaub“ (ǂKhaikari hâb, Novemberi 2007)
Khomai re, Elobmîs ge mati ǃnona dīkākāde a mâǃkharu ǀgausa.
Kō re, matin ge ǀnî khoena tsūb ǃnâ a mâisensa. Elobmîsa ǂnûiǃkhunis ǃaroma.
Elobmîs ge ǂgui ǃnāde ǂnûiǃkhunisa. Tae-i ǃaroma du a ǂgom ǁkhā, Elobmîs ǀkharaǀkharahe tamasa?
“Elobmîsa ǀkharaǀkharahes ge?” (Internets ai hâ ǁkhāǁkhādi)
a 7ǁÎ ǁkhāǁkhāǃâs ge Elob di ǃanu gagab xa nî ǃhoaǃgao.