CIJIJO 05
Bhaibheri Isoko Lotakapuwa ndi Mwari
Bhaibheri rino mabhuku anokwana kuita 66. Ilona cipo cakanaka cotakapuwa ndi Jehovha. Asi mungakwanisa kuzvivhunjisa kuti: Bhaibheri lakavhepi? Ndiyani mune wo Bhaibheri? Kuti tiwone mupingulo yo muvhunjo iyi, ngatiwone kuti zvakaitisa kudini kuti Bhaibheri rigume katiri.
1. Kudai Bhaibheri lakanyorwa ngo vandhu, ngenyi tesiti Isoko la Mwari?
Bhaibheri lakapeja makore anokwana kuita 1.600 resinyorwa ngo vandhu vanokwana kuita 40, kuvhira mugore la 1513 Kristu Asati Aviya mbhera mugore la 98 Kristu Aviya. Vakawanda vakona avasaizivana. Kunyenge zvakadalo, masoko ese ari mu Bhaibheri anozwirana. Ngenyi? Ngokuti mune wo Bhaibheri ndi Mwari. (Verenganyi 1 VaTesaronika 2:13.) Vanyori ava avato kunyola zvaivha mumulangariro mavo. Mukuzwirana no zvinobhuiwa pana 2 Petro 1:21, ivona ‘vakabhuya zvaivha ka Mwari, vesitungamirirwa ngo mweya mutsvene.’ a Esishandisa mweya mutsvene wake, Mwari wakafemera vandhu kuti vanyore mulangariro yake.—2 Timoti 3:16.
2. Bhaibheri lakanyorerwa ani?
Mwari wakanyorera Bhaibheri vandhu ‘vonyika yese, vomajinja ese, vondimi jese’ kuti vabesereke ndilona. (Verenganyi Zvakazarurwa 14:6.) Ngokudalo, Mwari wakagondesa kuti Bhaibheri laizowanika mu ndimi jakawanda kudarika mabhuku ese. Tingati vandhu vese havo vari kukwanisa kuverenga Bhaibheri, pasinenyi no kovanogala kana ndimi yovanobhuya.
3. Bhaibheri lakangwaririswa kudini ndi Jehovha?
Bhaibheri lakatanga kunyorwa pa zviro zvainga zvisito kuvanga, zvakadai inga matovo no ndhokwe. Asi vanarume vaida Bhaibheri, vakarikhopa zvakanaka ngo nyara javo. Kunyange hazvo vandhu vamweni vakaeja kupalaja Bhaibheri, asi vanarume vaida Bhaibheri vakazvipira kuti varingwarire. Jehovha aato kutendera kuti ciro cipi haco kana kuti mundhu upi hake, zvikorerese kugumisa Soko lake katiri. Bhaibheri rinoti: ‘Soko la Mwari wedu rinogala nokusingaperi.’—Isaya 40:8.
JIJANYI ZVIZINJI
Wonanyi kuti Mwari wakaitisa kudini kuti afemere vandhu kuti vanyore Bhaibheri. Wonanyizve kuti wakaitenyi kuti aringwarire kuti rigume pakuwanika ngo vandhu vakawanda mazuva ano.
4. Bhaibheri rinobhuya kuti ndiyani Mune waro
Wonanyi VHIDHIYO. Mapeja verenganyi 2 Timoti 3:16, mapeja bhuisananyi ngo muvhunjo jinotevera:
-
Kudai Bhaibheri lakanyorwa ngo vandhu, ngenyi resizwi Isoko la Mwari?
-
Zvingaita here kuti Mwari avhunje vandhu kuti vanyore mulangariro wake?
Munyori ungakumbirwa kunyola tsamba ndi patarau wake, asi masoko aanonga esinyola asi ake ngaapatarau. Mukutojanawo, vandhu ndivona vakanyola Bhaibheri, asi masoko akona aivha kuna Mwari
5. Bhaibheri lakangwarirwa kuti risapalajwa
Kudai Bhaibheri lakavha kuna Mwari, tinothemba kuti iyena waizoringwarira. Munguva yakadarika, kuno vandhu vakaeja kupalaja Bhaibheri. Vatungamiriri vomaceci vakaita zvese zvavaikwanisa kuti vapalaje Bhaibheri. Asi vandhu vakawanda vakakanda upenyu wavo pangozi kuti varingwarire Bhaibheri, kunyange povaitevererwa no kuthyisijirwa kuulaiwa. Ngatijije zvakaitika na umwe wavo. Wonanyi VHIDHIYO, mapeja bhuisananyi ngo muvhunjo jinotevera:
-
Kuziva zvese zvakaita kuti Bhaibheri ringwarirwe, kamupa cido cokuriverenga here? Ngenyi madalo?
Verenganyi Mapisarema 119:97, mapeja bhuisananyi ngo muvhunjo unotevera:
-
Icinyi cakaita kuti vandhu vakawanda vazvipire kukanda upenyu wavo pangozi kuti vasanduje Bhaibheri no kuita kuti riwanike ngo vandhu vakawanda?
6. Bhaibheri lakanyorerwa vandhu vese
Bhaibheri i bhuku ririkusandujwa mu ndimi jakawanda kutenderera pasi pese uye riri kupuwa vandhu vakawanda kudarika mabhuku ese. Verenganyi Mabasa 10:34, 35, mapeja bhuisananyi ngo muvhunjo jinotevera:
-
Ngenyi Mwari esida kuti Soko lake risandujwe mu ndimi jakawanda uye riwanike ngo vandhu vese?
-
Zvicinyi zvamadakarira po zvamajijari ngo zvo Bhaibheri?
Tingati
100%
yo vandhu kutenderera nyika yese
vari kukwanisa kuwana Bhaibheri mu ndimi yovanozwisisa
Bhaibheri rinowanika mu ndimi jinodarika
3.000
rese kana kuti ma bhuku amweni aro
5.000.000.000
Iyi ndiyona numero yo Mabhaibheri anofungijirwa kuti akabudiswa,
uye apana bhuku rimweni lakamboguma apa
VAMWENI VANOTI: “Bhaibheri i bhukuwo haro lakanyorwa kare ngo vandhu.”
-
Iyemwi munotiwo kudini?
-
Zvicinyi zvinokhombija kuti Bhaibheri Isoko la Mwari?
TAJIJENYI
Tajija kuti Bhaibheri Isoko la Mwari uye iyena anoda kuti riwanike ngo vandhu vese panyika.
Muvhunjo Jokuhwirijira
-
Bhaibheri parinobhuya kuti Mwari wakafemera vandhu kuti varinyore, zvinoda kubhuyenyi?
-
Ngazvipi zvamadakarira pakungwarirwa kakaizwa Bhaibheri, uye kusandujwa karo no kuita kuti riwanike ngo vandhu vakawanda?
-
Munotiwo kudini ngo zvakaizwa ndi Mwari kuti agumise masoko ake kamuri?
JIJANYI ZVIMWENI
Verenganyi ndholowondho jiri mu Bhaibheri mesishandisa zvinyorwa zvo kare no zvinyorwa zvo mazuva ano.
“Bhaibheri Lakagumisa Kudini Katiri” (Mukai!, wa Novembro wo 2007)
Wonanyi kuti Bhaibheri lakaponesa kudini polaida kupalajwa 3 kese kuti risawonekazve.
Wonanyi ngozi jakasangana no vandhu vaisanduja Bhaibheri kuti riwanike mu ndimi jimweni..
Bhaibheri lakakhopwa kakawanda, no kusandujwa mu ndimi jakawanda. Zvicinyi zvingatithembesa kuti masoko aro aato kucinja?
a Inga zvatisada kujija mucijijo 7 co bhuku rino, mweya mutsvene isimba la Mwari laanoshandisa kuita zvaanoda.
