OSHILESHWA 05
Ombiimbeli oyi na etumwalaka ndyoka Kalunga e tu nyolela
Jehova okwe tu pa omagano ga dhenga mbanda. Okwe tu pa Ombiimbeli ndjoka ya thikama po momambo ge li 66. Ihe otashi vulika wu ipule to ti: ‘Oshe ende ngiini Ombiimbeli yi ye po? Olye omunyoli gwayo?’ Opo tu mone omayamukulo komapulo ngoka, natu tale nkene Ombiimbeli ya thiki kutse.
1. Ngele Ombiimbeli oya nyolwa kaantu, omolwashike hatu ti oya za kuKalunga?
Ombiimbeli oya nyolwa kaalumentu 40, muule womimvo 1 600 lwaampono, okuza momumvo 1513 K.E.N. sigo olwomo 98 E.N. Aanyoli yayo oya za momaputuko gi ili nogi ili, nonando ongawo, ashihe shoka ya nyola otashi tsu kumwe. Oshe ende ngiini? Omolwaashoka Ombiimbeli, Oohapu dhaKalunga. (Lesha 1 Aatessalonika 2:13.) Aanyoli yOmbiimbeli inaya nyola omadhiladhilo gawo yene. Pehala lyaashono, “mokupopya elaka lya za kuKalunga oya wilikwa kOmbepo Ondjapuki.” a (2 Petrus 1:21) Kalunga okwa longitha ombepo ye ondjapuki yi nwethe mo, nenge tu tye, yi wilike aantu ya nyole omadhiladhilo ge. — 2 Timoteus 3:16.
2. Oolye mbela taya vulu okumona uuwanawa mOmbiimbeli?
Aantu ‘yomomihoko adhihe, yomaludhi agehe, yomalaka agehe noyomiigwana ayihe’ otaya vulu okumona mo uuwanawa mOmbiimbeli. (Lesha Ehololo 14:6.) Kalunga okwe shi ninga tashi wapa, opo Ombiimbeli yi kale momalaka ogendji. Mondjokonona yuuyuni, kapu na nando embo lilwe lya tolokwa momalaka ogendji li vulithe pOmbiimbeli. Konyala kehe gumwe ota vulu oku yi lesha nenge okupulakena ketumwalaka lyayo, kashi na nduno mbudhi kutya oha zi peni nenge oha popi elaka lini.
3. Jehova okwa kala ngiini nokugamena Ombiimbeli?
Ombiimbeli oya li ya nyolwa kiinima mbyoka hayi vulu okuyonuka po nuupu, ngaashi kiipa nosho wo kiihenguti yomanenge ya tulwa kumwe. Ihe aalumentu mboka ye hole Ombiimbeli, oya kala noku yi tapa iikando niikando, taye yi nyola. Aapangeli yamwe naawiliki yomalongelokalunga oya kala taya kambadhala okuhulitha po Ombiimbeli. Ihe opwa li aantu yamwe mboka ya hupula oomwenyo dhawo, opo ye yi gamene. Jehova ine etha nando omuntu nenge oshinima shontumba, shi mu imbe a kale ta popi natse. Ombiimbeli otayi ti: “Oohapu dhaKalunga ketu otadhi kala sigo aluhe.” — Jesaja 40:8.
ILONGA OSHINDJI
Tala nkene Kalunga a wilike aantu ya nyole Ombiimbeli, nkene e yi gamene nosho wo nkene e yi thikitha kutse.
4. Ombiimbeli oya popya kutya oya nyolwa kulye
Dhana OKAVIDIO. Opo ihe to lesha Timoteus omutiyali 3:16, e tamu kundathana omapulo taga landula.
-
Ngele Ombiimbeli oya nyolwa kaantu, omolwashike haku tiwa Oohapu dhaKalunga?
-
Mbela sho to tala oshi li ngaa pandunge okwiitaala kutya Kalunga oye a lombwele aanyoli yOmbiimbeli omadhiladhilo ge?
Otashi vulika amushanga oye a topatope ontumwafo, ihe etumwalaka ndyoka li li mo olyaangoka e mu lombwela e yi nyole. Osha faathana nOmbiimbeli, nonando oya nyolwa kaantu, etumwalaka ndyoka li li mo olya za kuKalunga
5. Mboka ya li ya hala okuhulitha po Ombiimbeli inaya pondola
Ngele Ombiimbeli oya za kuKalunga shili, otwa tegelela e yi gamene. Okutala kondjokonona, aapangeli yamwe naawiliki yomalongelokalunga oya kala taya kambadhala okuhanagula po Ombiimbeli. Aawiliki yoongeleka oya li ya kambadhala oku yi holeka aantu. Nonando aantu oya li taya hepekwa nokutilithwa neso, oyendji oya tula oomwenyo dhawo moshiponga, opo ya gamene Ombiimbeli. Opo wu mone gumwe ngoka a li e shi ningi, dhana OKAVIDIO haka, e tamu kundathana omapulo taga landula.
-
Sho wa tseya nkene aantu ya li ya tula oomwenyo dhawo moshiponga, opo ya gamene Ombiimbeli, mbela oshe ku inyengitha wu kale wa hala oku yi lesha? Omolwashike mbela?
Lesha Episalomi 119:97, e tamu kundathana epulo tali landula:
-
Oshike shi inyengitha aantu oyendji ya tule oomwenyo dhawo moshiponga, opo ya toloke noya taandelithe Ombiimbeli?
6. Embo lya nuninwa aantu ayehe
Mondjokonona yaantu, Ombiimbeli oyo owala embo lya tolokwa momalaka ogendji nokutaandelithwa miilongo oyindji muuyuni. Lesha Iilonga 10:34, 35, e tamu kundathana omapulo taga landula:
-
Omolwashike Kalunga a hala Oohapu dhe dhi tolokwe nodhi taandelithwe mokakololo kehe muuyuni?
-
Oshike unene wu hole kombinga yOmbiimbeli?
Konyala oopelesenda
100%
dhaantu muuyuni
odhi na Ombiimbeli melaka ndyoka hadhi vulu okuuva ko nawa
Ombiimbeli oyi li momalaka ga konda
3 000
yi ihwapo nenge
iitopolwa yayo
5 000 000 000
Oombiimbeli ndhoka dha nyanyangidhwa odhi thike poobiliyona ntano
omwaalu ngoka gwu vule kokulekule gwembo kehe muuyuni
AANTU YAMWE OHAYA TI: “Ombiimbeli embo lyonalenale ndyoka lya nyolwa kaantu.”
-
Mbela ngoye oto ti ngiini?
-
Uumbangi wuni wa yela tawu ulike kutya Ombiimbeli Oohapu dhaKalunga?
OWI ILONGO SHIKE?
Ombiimbeli Oohapu dhaKalunga nokwe shi ninga tashi wapa, aantu oyendji ya kale ye yi na momalaka gawo.
Omapulo geendululo
-
Osha hala okutya ngiini sho taku tiwa kutya aantu oya nwethwa mo kuKalunga ya nyole Ombiimbeli?
-
Oshike she ku kumitha ngele tashi ya pomukalo nkene Ombiimbeli ya hupa, ya tolokwa noya taandelithwa?
-
Owu uvite ngiini sho wu shi kutya Kalunga okwa longa nuudhiginini, opo a kale ta popi nangoye okupitila mOmbiimbeli?
UUYELELE WA GWEDHWA PO
Lesha kombinga yondjokonona yOmbiimbeli, okuza komanyolo ngoka omakulu sigo okomatoloko ngoka tu na ngashingeyi.
“Nkene Ombiimbeli ya thiki kutse” (Penduka mo! Novomba 2007)
Ilonga kutya oshe ende ngiini, opo Ombiimbeli yi hupe kiinima itatu mbyoka ya li tayi vulu oku yi yona po.
“Ehokololo nkene Ombiimbeli ya hupu” (Oshungolangelo No. 4 2016)
Tala nkene aantu yamwe ya li ya tula oomwenyo dhawo moshiponga, opo ya toloke Ombiimbeli.
Ombiimbeli oya kala nokutapwa lwiikando tayi nyolwa noya kala nokutolokululwa. Otu shi shi ngiini kutya etumwalaka lyayo inali lunduluka?
“Mbela etumwalaka lyOmbiimbeli olya lundululwa?” (Oshitopolwa shi li kepandja lyetu lyokointaneta)
Opu na ishewe uuyelele mbuka
OMAPULO NGOKA HAGA PULWA OLUNDJI KOMBINGA YOONZAPO DHAJEHOVA
Ekonakonombiimbeli ndyoka hali ningwa kOonzapo dhaJehova oshike?
Oto vulu okulongitha Ombiimbeli kehe mootundi dhopaMbiimbeli dhoshali, ndhoka hadhi ningwa kOonzapo dhaJehova. Oto vulu okuhiya aantu yaandjeni nenge ookuume koye.
