TLAMACHTIJLI 05
Biblia ualeua itech toTajtsin
Jehová yotechtlayokoli itlaj tlen melak kualtsin: yotechtlayokoli Biblia, tlen kinpiya 66 libros. San ika, kanaj timotlajtoltia: “¿Kenijki onochijchiuj Biblia? ¿Melauak ualeua itech toTajtsin?”. Ipan yejuin tlamachtijli, tiknankiliskej nochi yejuin.
1. ¿Tleka tikijtouaj ika Biblia ualeua itech toTajtsin tla san tlakamej okijkuilojkej?
Kanaj 40 tlakamej okijkuilojkej Biblia. Yejuamej miyekan ualeuayaj niman tlatlamantik tekitl kichiuayaj. Sekimej kintlajpiayaj borreguitos, oksekimej kinmajsiyaj michimej niman oksekimej tekiuajkej katkaj. Kachtopa libro tlen kuajkui Biblia onoijkuilo ipan xiuitl 1513 ijkuak xpeuaya xiuitl 1. Niman sa ika tlami libro onoijkuilo ipan xiuitl 98. Kuakon Biblia ouejkauj kanaj 1,600 xiuitl ika onoijkuilo. Maski ijkon, nochi tlen ijkuiliujtika ipan Biblia notlajtolnamiki. Yejuin techititia ika Biblia ualeua itech toTajtsin (xkita 1 Tesalonicenses 2:13). Akin okijkuilojkej Biblia xokitlalijkej tlen yejuamej okinejnemilijkej. ToTajtsin okitekitilti “Espíritu Santo” niman ijkon makijkuilokan iTlajtol (2 Pedro 1:21). a ToTajtsin otechmakak Biblia pampa kineki techijlis tlen yejua kinemilia (2 Timoteo 3:16).
2. ¿Akinomej uelis kinpaleuis tlen kijtoua Biblia?
Biblia uelis kinpaleuis nochimej akin chantij “ipan in tlaltikpaktli de nochi tribus, de nochi raza, de nochi [...] tlajtoltin, niman nochi países” (xkita Apocalipsis 14:6). ToTajtsin yokichiuj manotlajtolkuepa Biblia ika melak miyek tlajtoltin. Kuakon, nochimej uelis kimatiskej tlen kijtoua Biblia maski san kanon machantikan noso maski san katlejua tlajtojli matlajtokan.
3. ¿Tlenon okichiuj Jehová niman ijkon matikpiyakan Biblia?
Yeuejkaui, Biblia onoijkuilo ipan cuero niman ipan amamej tlen nochijchiuayaj ika xiujtli tlen itoka papiro. Miyekej tlakamej miyekpa okijkuilojkej tlen onka ipan Biblia pampa kimatstoyaj ika cuero niman amatl de papiro nimantsin ijtlakauiyaj. Sekimej akin uejueyixtoyaj kinekiyaj kipopoloskej Biblia. San ika, oksekimej xokitekauilijkej. Maski kinmiktisnekiyaj, yejuamej xonomojtijkej. Jehová kuajli okitlajpix iTlajtol. Biblia kijtoua: “Itlajtoltsin toDios onkaj para nochipa” (Isaías 40:8).
OKSEKI XKASIKAMATI
Matikitakan kenijki toTajtsin okichiuj ika sekimej tlakamej makijkuilokan Biblia. Noijki matikitakan tlenon yokichiuj niman ijkon matikmatikan tlen kijtoua iTlajtol.
4. Biblia kijtoua ika tlen ompa ijkuiliujtika ualeua itech toTajtsin
Xkitakan VIDEO. Tla yonenkitakej, aman xkitakan 2 Timoteo 3:16 niman xtlajtokan itech yejuin:
-
Tla san tlakamej okijkuilojkej Biblia, ¿tleka noixmati ken iTlajtol toTajtsin?
-
¿Uelis tikneltokaskej ika Biblia ualeua itech toTajtsin?
Se arquitecto uelis kijlis itlakeual makijkuilo tlen yejua kineki kimijlis oksekimej. ToTajtsin noijki ijkon okichiuj, okintekitilti sekimej tlakamej niman ijkon makijkuilokan iTlajtol.
5. Miyekej kinekiyaj kipopoloskej Biblia
Maski miyekej kinekiyaj kipopoloskej Biblia, toTajtsin xokitekauili. ¿Tleka? Pampa kinekiya ika nochimej makixmatikan iTlajtol. Miyekej tekiuajkej niman akin tlayekanayaj ipan religiones xkinekiyaj ika oksekimej makipiyakan Biblia. San ika, nemiyaj oksekimej tlakamej akin otlapaleuijkej maka makipopolokan. Yejuamej ijkon okichiujkej maski ueliskia kinmiktiskiaj. Matikixmatikan se tlakatl akin ijkon okichiuj. Xkitakan VIDEO niman xtlajtokan itech yejuin:
-
Ijkuak tikitaj ika miyekej tlakamej melak okitlasojkaitakej Biblia, ¿xtiknemilia ika noijki noneki tiktlasojkaitaskej?
Xkitakan Salmo 119:97 niman xtlajtokan itech yejuin:
-
¿Tleka miyekej okitlajtolkuepkej Biblia maski ueliskia kinmiktiskiaj?
6. Se libro tlen melak miyekej kipiyaj
San Biblia yonotlajtolkuep ika melak miyek tlajtoltin. Ika yejon, melak miyekej kipiyaj. Xkitakan Hechos 10:34, 35 niman xtlajtokan itech yejuin:
-
¿Tleka toTajtsin kineki ika iTlajtol maonia ika miyek tlajtoltin niman nochimej makipiyakan?
-
¿Tejua tlenon tiknemilia itech Biblia?
Melak
miyekej
kipiyaj se Biblia
ika se tlajtojli tlen kasikamatij
Onka ika más de
3,000
tlajtoltin.
Sekimej kipiyaj nochi Biblia ika intlajtol niman oksekimej san tlajko
Yonochijchiujkej kanaj
5,000 millones.
San Biblia melak miyek yokinchijchiujkej
SEKIMEJ KIJTOUAJ: “Tlen uajnestiuj ipan Biblia san tlakamej okinejnemilijkej”.
-
¿Tejua tlenon tiknemilia?
-
¿Tleka tikmatstokej ika Biblia melauak iTlajtol toTajtsin?
TLEN OTIUEL
Biblia melauak iTlajtol toTajtsin. Yejua kuajli okitlajpix niman ijkon matikpiyakan.
¿Kenon titlanankiliskia?
-
¿Tlenon okitekitilti toTajtsin niman ijkon sekimej tlakamej makijkuilokan Biblia?
-
¿Tlenon okichiujkej sekimej tlakamej niman ijkon maka mapopoliui Biblia? ¿Ika kech tlajtoltin yonotlajtolkuep Biblia niman kech Biblias yokinchijchiujkej?
-
¿Tlenon tiknemilia itech nochi tlen toTajtsin yokichiuj niman ijkon tejua xkixmati iTlajtol?
OKSEKI XKITA
Xkita kenijki miyekej kinekiyaj kipopoloskej Biblia niman tlenon otepaleui maka ijkon manochiua.
“¿Tleka xopopoliuj Biblia maski miyekej kinekiyaj kipopoloskej?” (¡Xtlachiakan!, noviembre de 2007)
Xkita tleka Biblia xouel opopoliuj.
“Biblia xkeman popoliui” (Amatl Tekakistilijketl, julio de 2016)
Xkita nochi tlen okixnamijkej akin okitlajtolkuepkej Biblia.
Melak miyekej yokitlajtolkuepkej Biblia. ¿Uelis tikneltokaskej ika xokipatlakej iTlajtol toTajtsin?
“¿Uelis tikneltokaskej ika Biblia ok kijtoua tlen melauak?” (Tlamachtijli de jw.org)
a Espíritu santo ikojtilis toTajtsin. Jehová kitekitiltia iespíritu santo niman ijkon kichiuas nochi tlen kineki. Ipan tlamachtijli 7, más titlajtoskej itech espíritu santo.
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
