FAKAAKOAGA 05
Ko e Tohi Tapu e Fekau he Atua ki a Tautolu
Foaki mai e Iehova ki a tautolu e mena fakaalofa mitaki lahi mahaki ko e 66 e tohi ne tuku ai ke he Tohi Tapu. Ka e manatu a koe: ‘Moua mai i fe e Tohi Tapu? Ko hai ne tohia ai?’ Ke tali e tau hūhū nei, kia fakatutala a tautolu ke he fekau he Atua i loto he Tohi Tapu kua moua e tautolu.
1. Kaeke ko e tau tagata ne tohi e Tohi Tapu, ti ko e ha kua moua mai ai he Atua?
Liga 40 e tagata ne tohi e Tohi Tapu ti kavi 1,600 e tau mai he 1513 F.V.N. ke he kavi 98 V.N. Kehekehe e tupumaiaga he tau tagata tohia. Ka e fetataiaki e tau vala he Tohi Tapu katoa. Maeke fēfē e mena nei? Ha ko e Tohi Tapu ko e Kupu he Atua. (Totou 1 Tesalonia 2:13.) Nakai fakamau hifo he tau tagata tohia e tau manatu ni ha lautolu. Ka ko e tau tagata “he Atua ne vagavagahau mai he omoi a lautolu he Agaga Tapu.” a (2 Peteru 1:21) Fakaaoga he Atua e agaaga tapu haana ke omoomoi, po ke fakalagalaga e tau tagata taane ke fakamau hifo e tau manatu haana.—2 Timoteo 3:16.
2. Ko hai kua aoga mai he Tohi Tapu?
Ko e “tau motu kehe oti, mo e tau magafaoa, mo e tau vagahau kehekehe, mo e tau [tagata]” ka aoga mai he tala mitaki he Tohi Tapu. (Totou Fakakiteaga 14:6.) Mauokafua e Atua to moua e Tohi Tapu ke he loga e tau vagahau he fakatatai ke he falu tohi foki. Laulahi he tau tagata kua maeke ke totou e Tohi Tapu. Mooli e mena nei, pete ne matakavi kua nonofo ai e tau tagata po ke vagahau ha lautolu.
3. Puipui fēfē e Iehova e Tohi Tapu?
Tohi e Tohi Tapu he tau mena ne nakai leva ti malona, tuga e tau kili manu mo e tau kili akau. Ka ko e tau tagata taane ne fiafia mooli ke he Tohi Tapu ne lagaki fakahako e tau lagaki he Tohi Tapu. Pete he lali e falu pule mo e tau takitaki lotu ke moumou e Tohi Tapu, makai e falu ke foaki e tau momoui ke puipui aki. Nakai fakaatā e Iehova ha tagata po ke ha mena ke taofi a ia he matutaki mo tautolu. Pehē e Tohi Tapu: “Ko e kupu he Atua ha tautolu, kua tumau ia tukulagi ni.”—Isaia 40:8.
KUMIKUMI FAKAHOKULO
Fakaako foki ke he puhala ne omoomoi he Atua e tau tagata taane ke tohi e Tohi Tapu, puhala ne puipui ai e ia, mo e puhala ne taute e ia ke moua he tau tagata.
4. Fakakite he Tohi Tapu a Ia ne Tohia ai
Tā e VITIŌ. Ti totou 2 Timoteo 3:16, mo e tutala ke he tau hūhū nā.
-
Ka tohi he tau tagata taane e Tohi Tapu, ko e ha ne ui ai ko e Kupu he Atua?
-
Hako kia he manatu haau ke talitonu na tala age he Atua e tau manatu haana ke he tau tagata tohia?
Liga tohi hifo he tohikupu e fekau ne tala age he taha tagata. Pihia foki, tohi he tau tagata e Tohi Tapu, ka ko e fekau kua moua mai he Atua
5. Hao e Tohi Tapu he moumouaga
Ka moua mai e Tohi Tapu he Atua, amanaki a tautolu ki a ia ke puipui ai. Tali mai i tuai, lali e tau pule malolō ke moumou e Tohi Tapu. Lali e tau takitaki lotu ke ufiufi ai. Pete he totoko mo e fakamatakutaku ke tamate, tokologa ne foaki e tau momoui ke puipui e Tohi Tapu. Ke fakaako ke he taha tagata pihia, tā e VITIŌ, ti tutala ke he tau hūhū nā.
-
He iloa kua lahi mahaki e mena ne taute ke puipui e Tohi Tapu, manako nakai a koe ke totou ai? Ko e ha?
Totou Salamo 119:97, ti tutala ke he hūhū nei:
-
Ko e heigoa ne omoomoi e tau tagata tokologa ke foaki e tau momoui ke fakaliliu mo e tufatufa e Tohi Tapu?
6. Ko e tohi ma e tau tagata oti kana
Ko e Tohi Tapu kua lahi e fakaliliu mo e tufatufa he fakamauaga tala. Totou Gahua 10:34, 35, ti tutala ke he tau hūhū nei:
-
Ko e ha kua manako e Atua ke he Kupu haana ke lahi e fakaliliu mo e tufatufa?
-
Ko e heigoa ne fiafia a koe ke he Tohi Tapu?
Teitei
100%
e puke tagata he lalolagi
kua totou e Tohi Tapu he vagahau ne maama e lautolu
Moua ke molea
3,000
vagahau
he tohi katoa po ke vala
5,000,000,000
Fuafua ko e numera he tau lagaki ne taute,
kua loga atu ke he ha tohi
PEHĒ FALU TAGATA: “Ko e tohi tuai e Tohi Tapu ne tohia he tau tagata.”
-
Fēfē e manatu haau?
-
Ko e heigoa e fakamooliaga ko e Tohi Tapu ko e Kupu he Atua?
MANATU KATOA
Ko e Tohi Tapu ko e Kupu he Atua ti eketaha a ia ke moua ai he tau tagata oti kana.
Liu Fakamanatu
-
Ko e heigoa e kakano ka talahau e tautolu na omoomoi he Atua e tau tagata taane ke tohi e Tohi Tapu?
-
Ko e heigoa ne nava a koe ha ko e puipui, fakaliliu, mo e tufatufa e Tohi Tapu?
-
Fēfē e logonaaga haau mogonei he iloa e gahua lahi he Atua ke matutaki mo koe?
KUMI FOKI
Totou e fakamauaga tala ke he puhala ne fakaliliu e Tohi Tapu mai he tau tohiaga fakamua ke he tau fakaliliuaga foou.
Fakaako e puhala ne fakahao e Tohi Tapu mai he tolu e laliaga lalahi ke moumou ai.
“Tohi Tapu—Ko e Tala he Kautūaga” (Ko e Kolo Toko Nu. 4 2016)
Kitia e puhala ne foaki he falu tagata e tau momoui ke fakaliliu e Tohi Tapu.
Lagaloga e liu lagaki mo e fakaliliu e Tohi Tapu. Mauokafua fēfē a koe kua hakotika e fekau ne fakamau i ai?
a To fakamaama he Fakaakoaga 07, ko e agaaga tapu ko e malolō gahuahua he Atua.
Liga Manako Foki a Koe
TAU HŪHŪ MAHANI MAU
Ko e Heigoa e Fakaakoaga Tohi Tapu ne Foaki he Tau Fakamoli a Iehova?
He fakaholoaga fetutalaaki ne foaki he Tau Fakamoli a Iehova kua nakai totogi, maeke a koe ke fakaaoga ha Tohi Tapu. Atāina ke uiina e magafaoa katoa po ke tau kapitiga ke fakalataha mo koe.
