05 NUENƆ

Baibol Lu Yereue A Aabah Bari

PLAY

Jɛhova enɛa i Baibol. Gbɛnɛ le dɔɔ̄nu ama ɛrɛ 66 nwī esɔgɔ kpa a ye le bu. Mɛ o dap bip kɔ: ‘Baibol aa mɛ kɛ̄? Mɛɛ̄ na a ɛrɛ a?’ Lo e’agara pya ebip ama, i naa kɔnia kɛ̄ yereue Bari a le bu Baibol i tɛɛ̄ doo ina loo.

1. Lo a le pya nɛɛ na a ɛm Baibol a, tɛɛ̄ doodoo wa lu kpa Bari ni?

Bee lu e’ɛm Baibol tɛ̄mabah nu alu 40 nɛɛ ba bee tɔɔ̄dum keekee sɔ̄ bu nu alu 1,600 zua, aā 1513 B.C.E. mmɛ 98 C.E. E kɛ̄tɔɔ̄ pya a bee ye ɛm lugara keekee. Kerewo wa ue naa lu kee loo ziī. Lo ama waɛbah doodoo wa? Waɛ nyɔnɛbee a tɛɛ̄ aabah Bari. (Buū 1 Pya Tɛsalɔnaika 2:13.) Pya a ɛm naa bee ɛm alaba ekɛɛrɛ. Taāwo, bee le “sɔ̄ kaɛ edɔɔ̄ bee wa [le nyɔɔ] na ba bee kɔ ue aāloo Bari a.” a (2 Pita 1:21) Bari bee su ye kaɛ edɔɔ̄ yeābah nɛ ale zuā pya nɛɛ kɔ ba a ɛm ye ekɛɛrɛ.—2 Timɔti 3:16.

2. Ba mɛɛ̄ na a dap ɛrɛ biī aāloo Baibol a?

“Dɛ̄dɛɛ̄ edonyɔɔ, le edo, le edɛm, le pya nɛɛ” dap ɛrɛ biī aāloo le yereue a le bu Baibol. (Buū Mumuuna 14:6.) Bari doo kɔ Baibol a le bu gbɛnɛ-edo muɛ̄ ue ee ɛrɛgeba dɔɔ̄na kpa pya nɛɛ e’ɛma. Bia kina alu dɛ̄dɛɛ̄ nɛɛ na a ɛrɛ Baibol a. Le doo wo kaɛlɛɛ kɛ̄ pya nɛɛ tɔɔ̄ ale muɛ̄ ue ba kɔ.

3. Bu mɛ sīdee na Jɛhova ekpega Baibol a?

Bee lu e’ɛm Baibol nyɔɔ pya nu a naa wee biɛ̄, doodoo kpa nam le uikpa ba kwa aāloo te papyrus. Mɛ pya a wereloo Baibol bee sikɛ̄ ɛm seea bah. Kere adoo pya a ɛrɛ ekpo bee gbī elɛɛ Baibol, ɛrɛ pya a bee kpega Baibol kere ba bee suā kɔ ba dabe wa fɛ. Jɛhova naa yiga kɔ lɔgɔ nɛɛ ale lɔgɔ nu a ɔbɛ ye lɛɛloo ekɔ ue i nɛ. Baibol kɔ: “Ue ilii Bari gaa le yira agɛrɛ ina deedee.”—Aisaia 40:8.

NƆ YERELOO

Nɔ kɛ̄ Bari bee nɛ ye kaɛ edɔɔ̄ pya nɛɛ kɔ ba a ɛma Baibol, kɛ̄ a ye kpega, le kɛ̄ a doo kɔ a le kɛ̄ nɛ dɛ̄dɛɛ̄ nɛɛ doo.

4. Baibol kɔ Nɛɛ a ɛrɛ ue a ye le bu

Bira lo VIDIO. Sa o buū 2 Timɔti 3:16, lɛɛ o agara pya ebip a nyɔɔnɛ ama.

VIDIO: Mɛɛ̄ Na a Ɛrɛ ue ale bu Baibol ani?—Sigaloo (2:48)

Lo a le pya nɛɛ na a ɛm Baibol a, e na anua alu ekue ye Muɛ̄ Ue Bari a?
Suānu lege bu lo eyiga kɔ Bari su ye ekɛɛrɛ yere bu pya a bee ɛm ni?

Nɛɛ ɛm kpa dap ɛm kpa, mɛ ue a ɛm naale alɛ. Bu aba lo sīdee, pya nɛɛ bee ɛm Baibol, mɛ ue ba ɛm aabah Bari

5. Baibol bee tɛɛ̄ yeebah gbanasī

Lo a le Baibol aabah Bari, i ɛmadɛɛ̄ kɔ ekpega ye lɛɛbah pya a gbī elɛɛ ye. Aā kere, pya a ɛrɛ ekpo epiiga lo elɛɛ Baibol. Pya zaāsī yigabari epiiga lo egɔ̄ ye. Mɛ kaɛlɛɛ gbanasī le epiaga lo efɛ pya a tap, gbɛnɛ-edo nɛɛ bee kpega Baibol sa naa bee ɛrɛ bɔɔ loo wa dum. Lo enɔ nu akiiloo ziī yɛɛ pya lo nɛɛ, bira lo VIDIO, lɛɛ o agara pya ebip a nyɔɔnɛ ama.

VIDIO: Ba Bee Ɛp Baibol Nua Nu A Kuī—Sigaloo (William Tyndale) (6:17)

Susuā kɔ pya nɛɛ bee tɛɛ̄ bu gbɛnɛ-edo nu lo ekpega Baibol dooge kɔ a taɛ a ebuū ni? E na anua a?

Buū Le-yɔɔ 119:97, lɛɛ o agara ebip ama:

E na a bee zū gbɛnɛ-edo nɛɛ kɔ ba a tap Baibol sa dɔɔ̄ yaari kere ba suā kɔ a dap lu efɛe wa a?

6. Kpa a le nɛ dɛ̄dɛɛ̄ nɛɛ

Baibol na aba kpa elua etap sa dɔɔ̄ yaari ee ɛrɛgeba dɔɔ̄na kpa a. Buū Doonu pya Nɛɛ lɛɛratam 10:34, 35, lɛɛ o agara pya ebip ama:

E na anua Bari gbī kɔ alu etap Baibol sa dɔɔ̄ yaari a?
E na a a nia loo Baibol a?

Bia kina alu

dɛ̄dɛɛ̄ nɛɛ

a le bu nyɔuwe

na a ɛrɛ Baibol bu muɛ̄ ue ba dābeeloo a

Le bu nu a eeloo

3,000

muɛ̄ ue

bu yube ye ekpo ale sigaloo

5,000,000,000

Na kuma ekpo Baibol edaba lu ekuɛ̄ a,

e a ee buā ɛrɛgeba dɔɔ̄na kpa

PIO NƐƐ KƆ: “Baibol lu nama kpa pya nɛɛ bee ɛm.”

E na o kɛɛrɛ a?
E na a tɔgɛ kɔ Baibol ɛɛ Muɛ̄ Ue Bari a?

TƐƐ̄NYƆƆ

Baibol lu Muɛ̄ Ue Bari, e a edora kɔ a le kɛ̄ nɛ dɛ̄dɛɛ̄ nɛɛ.

Ebip Tɛ̄ma Nyɔɔ

Bari bee sere bahloo edoo kɔ pya nɛɛ a ɛm Baibol doodoo wa?
E na a a nia loo kɛ̄ Baibol etɛ̄na yeebah gbanasī, ye tatap, le kɛ̄ alu edɔɔ̄ ye yaari doo ani?
A tɔɔ̄ a loo doodoo wa anyaawo sɔ̄ o suā dɛ̄dɛɛ̄ nu Bari bee doo lo ekpega Baibol lokwa a a kɔ ue nɛ ni?

Dee m nɔ ekobee ue ama lɛɛ:

Nu Edoo

Bɔātɛ̄ ebuū Baibol ziī ziī dee tɛ̄maloo enyɔɔnɛ kɛ̄ alu enɔɔ doo bu ekpo a kura “Bɔātɛ̄ Ebuū Baibol.”

Lo Dɔɔ̄na:

Your other goal