PEꞌLA 05
Biblia Dxus weꞌwnisa jiꞌphna kweꞌsx jĩi
Jeuwa peesne txãjx 66 librutxis. Dxus yuwe wala zxiçxkwesana. Idxaꞌ yaꞌjxpaapẽyga: ¿Dxus yuweyu kĩhju kik kaseꞌj? ¿Dxus yuwe kim kik fxiꞌj? Naa paapẽynisaꞌs paswaꞌj, theguka maꞌw yũuçxa kik Dxus eça naa eentewa paꞌj.
1. ¿Dxus yuweꞌs piçthẽꞌjweꞌsxneꞌta fxiꞌj, açyu maꞌw yũuçxa kik Dxus yuweyu?
Cuarenta piçthẽꞌjweꞌsxaꞌ Dxus eçaꞌs fxiꞌjneꞌta, açyu mjĩi fxiy fxiꞌjsaneꞌta jiꞌphu. Fxiꞌjya takhneꞌta 1.513 a.e.c., fxiꞌjn jxãꞌjneꞌta año 98 e.c. Txajuꞌ Dxus eçte fxiꞌjni 1.600 añone uꞌj. Dxus eçaꞌ baaçx yuhwa jxpubameena, ¿kĩh yũuçxa? Dxusne vxit txãa paꞌka (lẽeywe 1 Tesalonicenses 2:13). Txãa piçthẽꞌjweꞌsxaꞌ txãaweꞌsx yahkxnisaꞌs fxiꞌjmeeneꞌta “Dxus Espiritu kweꞌweꞌthetx txãꞌwẽ fxiꞌjna ũsuꞌ” a (2 Pedro 1:21). Jeuwa txãjx espíritu santo yakh piçthẽꞌjweꞌsxtxis fxiꞌjya puꞌçxhne. Espíritu santoyu Jeuwa çxhãçxhasa jĩinisana (2 Timoteo 3:16).
2. ¿Kimweꞌsx Dxus eçaꞌs lẽeyya ãjatxki?
“Naa kiweteweꞌsx mtee mteeweꞌsxtxiwa, nasa maꞌwẽsa, fxiyfxiyçxáa weꞌwesa, maa çxhabsuweꞌsxtxiwa jxuka”. Dxus eçaꞌs jiꞌphuya ãjayã maa yuwetewa Dxus eçaꞌs fxiꞌjni ũsna (lẽeywe Apocalipsis 14:6). Txãa eçaꞌ wala kutxiꞌjn ũsyã nasaweꞌsx jĩi. Jxukasay Dxus yuweꞌs lẽeyya ãjayã yuwe maꞌw jiꞌphsawa maajuweꞌsxçxawa jxuka.
3. ¿Jeuwayu Dxus eçaꞌs maꞌw kik nweꞌwe?
Txaantey Dxus eçaꞌs tahkx khaꞌtx vxiteꞌ papirute fxiꞌjni ũsu, nawa maiiyu sweeneꞌta. Açyu Dxus yuweꞌs peeykãhsaweꞌsxaꞌ kũh copiasneꞌta kutxiꞌj. Txãa copias jxpaꞌyahkxneꞌta fxiꞌj. Dxus yuweꞌs iviituya ãjameeneꞌta. Maiiweꞌsxyu Dxus yuweꞌs nweꞌwneꞌta, txãa paꞌka ikhneꞌta. Jeuwa txãjx yuweꞌs nweꞌwen ũsna. Dxus eçaꞌ naꞌjĩꞌk: “Dxus yuwe bakaçx yuhwa pçuumeena” (Isaías 40:8).
WEJXKWEÇXA PIYAN UꞌJWEKA
Dxusaꞌ maꞌw kik kaaũusutheꞌje piçthẽꞌjweꞌsxtxis Dxus yuweꞌs fxiꞌjkhan, maꞌw kik nweꞌwe txãjx Dxus yuweꞌs, açyu kĩh yũun ũski jxukasay lẽeykhan.
4. Dxus yuwe ptaꞌsxik kim vxitsatewa
Txãa VIDEUꞌS thegwe. Açyu lẽeywe 2 Timoteo 3:16, txajuꞌ naa paapẽynisatxis paswe.
-
Dxus eçaꞌ piçthẽꞌjweꞌsx fxiꞌjnisana açyu, ¿kĩh yũuçxa kik Dxus yuwe yaseyu?
-
¿Jeuwayu txãjx ũus yahkxniꞌs kaaũusuthẽꞌjya ãjamaꞌk Dxus eçte fxiꞌjsatxis?
Namuyu eç fxiꞌjya kaahne, nawa eç fxiꞌjsayu txãjx yahkxnis fxiꞌjmeeneꞌ, wejx yuhwa namu jxkaahnis wẽseꞌjçxane fxiꞌj. Dxus yuweꞌs txaꞌwẽyneꞌta fxiꞌj piçthẽꞌjweꞌsxneꞌta fxiꞌj, nawa txãaweꞌsx yahkxnisaꞌs fxiꞌjmeeneꞌta, Dxus yahkxnisneꞌta fxiꞌj
5. Dxus yuweꞌsyu pebayaꞌ ãjameeneꞌta
Txaantey jxkaahsaweꞌsxaꞌ Dxus yuweꞌs seenaꞌ peba wẽjeneꞌta, nawa ãjameeneꞌta, Dxus nweꞌw paꞌka. Maii paalweꞌsxaꞌ Dxus yuweꞌs lẽeyya jxthãaçmeeneꞌta nasatxis. Enemigosweꞌsx pkxuute piçthẽꞌj ewsaweꞌsxyu, Dxus yuweꞌs nweꞌwneꞌta uu eente pkaçx Dxus yuweꞌs. Naa piçthẽꞌjaꞌs jiyu wẽeçxa, Txãa VIDEUꞌS thegwe, txajuꞌ naa paapẽynisatxis paswe.
-
Txãa piꞌçthẽꞌjweꞌsxaꞌ seenaꞌ pxthaa yũuçxa Dxus yuweꞌs nweꞌwneꞌta, ¿Txãꞌw jĩiçxa idxaꞌ lẽeymaꞌk?, ¿kĩh yũuçxa?
Lẽeywe Salmo 119:97, txajuꞌ naa paapẽynisatxis paswe:
-
¿Kĩh yũuçxa kik nasaweꞌsx ĩtxi fxiꞌzeniꞌsaꞌs dukh Dxus yuweꞌs nweꞌw wẽeçxa?
6. Teecx libruçxa jxukasa jiyuwa
Dxus eçaꞌ mazkwe nasaweꞌsx jĩi kutxiꞌjni ũsna, naa kiwete jxuka nasaweꞌsx jĩi. Lẽeywe Hechos 10:34, 35, txajuꞌ naa paapẽynisatxis paswe:
-
¿Dxusyu kĩh yũucxa kik txãjx yuwe txakwe fxiꞌj jxthãasu?
-
¿Dxus yuweꞌs kĩhga wẽdxi?
Jxukasay
naa kiwete
Dxus yuweꞌs
txãaweꞌsx yuwete lẽeyyã ãjaneꞌta
3.000
thaakwete
yuwe ũsna Dxus yuweꞌs
lẽeywaꞌj
5.000 millones Dxus yuweꞌs
fxiꞌjni ũsna,
maa librutewa jxthaakwe
MAII NASAWEꞌSXA NAꞌJĨTX: “Dxus yuweyu meh ĩisxsayana, txãa piçthẽꞌjweꞌsx fxiꞌjnisa”.
-
¿Idxaꞌ maa sũhuꞌga?
-
¿Dxus eçyu Dxus yuwe yuhmanx?
¿AYTE PAꞌJ KĨHKXTHAꞌW PIYA?
Dxus eçyu Dxus yuwena, dukhna ũsna txazkwẽsa jiꞌphukhan.
¿Kĩh pasuguigk?
-
Dxusaꞌ piçthẽꞌjweꞌsxtxis kaaũusuthẽꞌjne txãjx ũus yahkxnisas, ¿txãꞌs maꞌw yũuçxa jiyuwaꞌj jiꞌphukxthaꞌw?
-
Dxus yuweꞌs seenaꞌ peba wẽjeneꞌta, nawa vxite yuweju seenaꞌ kutxiꞌjn ũsyã nasaweꞌsx jĩi. Açyu txãꞌwjiyuçxa ¿idxyu kĩh piyaguigk?
-
¿Idxyu maꞌwga yaatxi Dxus eçaꞌ txãa seenaꞌ nweꞌwna ũste?
WEJXKWE PIYAYA ÃJANEGA
Piyawe Dxus yuweꞌs maꞌwne fxiꞌjni ũsu, ãçxhwa txaꞌwẽyçxa fxiꞌjni ũsna.
“Dxus yuwe maꞌw yũuçxa kik paꞌj” (¡Despertad!, noviembre, 2007te)
Tekh enemigo Dxus eçaꞌs pebaꞌ wẽjeneꞌta, ayte meen lẽeywe.
“Dxus yuwes ahçeneta, nawa naa eensu maꞌw kik paꞌj” (Ptaꞌsxnĩ núm. 4 2016te)
Dxus yuwe fxiꞌjsa wala thẽysa jiꞌphuneꞌta, thegwe kĩh thẽysa kik jiꞌphu.
¿Maꞌw yũuçxa jiiga Dxus yuweꞌs yuphtheꞌjnimeete?
a Peꞌla 07te wejxkwe jiyunaꞌw espíritu santoyu kĩhkx.
