Siohwa ketikihong kitail kisakis kaselel ehu​—iei Paipel me audaudki kisin pwuhk 66. Ahpw mweinele ke kin medewe: ‘Ia duwen Paipel eh miehla? Paipel pwilisang rehn ihs?’ Pwehn sapengala peidek pwukat, kitail pahn koasoiapene ia duwen mahsen en Koht me mi nan Paipel eh leledohng kitail.

1. Ma aramas me ntingihada Paipel, a dahme kahrehda kitail nda me e pwilisang rehn Koht?

Aramas 40 samwa me ntingihada Paipel erein sounpar 1,600 samwa, sang pahr 1513 Mwohn Krais lel mpen pahr 98. Oh soangsoangen aramas me ntingihada Paipel, me duwehte sounsilepen sihpw kei, soused kei oh nanmwarki kei. Ahpw audepen Paipel pwon kin pwungpene. Ia duwen met eh kak wiawi? Pwehki Paipel iei mahsen en Koht. (Wadek 1 Deselonika 2:13.) Sounnting kan sohte ntingihedi pein ar madamadau. Ahpw “sapwellimen Koht manaman me kin kaweid aramas akan pwe ren koasoia mahsen en Koht.” a (2 Piter 1:21) Koht ketin doadoahngki sapwellime manaman de ngehn sarawi pwehn kamwakid aramas pwukat ren ntingihedi sapwellime madamadau kan.​—2 Timoty 3:16.

2. Ihs me kak paiekihda Paipel?

Aramas akan sang ‘wehi oh keinek oh lokaia koaros’ kak paiekihda rongamwahu me mi nan Paipel. (Wadek Kaudiahl 14:6.) Koht ketin wiahiong Paipel en kawehwehdi ni lokaia me tohtohsang pwuhk teikan. Kereniong aramas koaros kak wadek Paipel. Met mehlel sohte lipilipil wasa me re kin mi ie de lokaia me re kin lokaiahki.

3. Ia duwen Siohwa eh ketin pere Paipel?

Paipel kin ntingdi nan soahng kan me sohte kin mihmi werei. Ahpw aramas akan me kesempwalki Paipel kin pwurupwurehng ntingihedi ni keneinei. Mendahki aramas akan me ahneki manaman kin song en kasohrehla Paipel, mie aramas teikan me kin tounmeteikihla ar mour pwe ren pere Paipel. Siohwa sohte ketin mweidohng emen de mehkot ehu en kauhdihsang ih en ketin mahseniong kitail. Paipel mahsanih: “Mahsen en atail Koht kin mour poatopoat.”​—Aiseia 40:8.

 KALAUDEHLA OMW ESE MET

5. Paipel pitsang uhwong kan

 6. Pwuhk ehu ong aramas koaros

Nan poadopoad Paipel iei pwuhk me keieu kawehwehdi ni lokaia tohto oh nehnepeseng. Wadek Wiewia 10:34, 35, oh mwuri koasoiapene peidek pwukat:

• Dahme kahrehda Koht ketin kupwurki sapwellime Mahsen en kawehwehdi oh nehnepeseng wasa koaros?

• Dahme ke mwahuki duwen Paipel?

 DAHME KE SUKUHLKIER

Paipel iei Mahsen en Koht, oh e ketin wiahda pwe aramas koaros en kak wadek.

Kousapahl

• Ia wehwehn atail nda me Koht me ketin kamwakid aramas akan ren ntingihda Paipel?

• Dahme ke pwuriamweiki duwen Paipel eh pitila, kawehwehdi oh nehnepeseng?

• Ia omw pepehm ong Koht, ni omw eseier dahme e ketin wia pwe en kak ketin mahseniong uhk?