05 YACHANA PARTI
Bibliaibi Dios rimashcaga ñucanchiraicu man
Bibliaga Jehova cumbirashca man. Chasna acpihuas, maimandata llucshira. Bibliata quillcachic amuga pitan. Dios imasa ñucanchita paihua yuyaita yachachishcata ricushun.
1. Imahuata Dios Bibliata quillcachic amu an ninchi
Bibliaga 66 librogunata charin. 40 runagunami quillcanaura. Punda libroga 3.500 huata huashama quillcashca man. Puchucai librohuas 1.900 huata huashama quillcashca man. Chiraicu, Bibliata quillcangahua 1.600 huata unayara. Bibliata quillcac runagunaga chican tunu causaita charishahuas, mana pandarishachu quillcac anaura. Imahuata casna ninchi. Bibliata quillcachic amuga Dios man (1 Tesalonicenses 2:13ta leipai). Chi runagunaga paiguna quiquin yuyaita mana quillcanaurachu. Randi, “Diospa samai yuyachishcatami rimanaura” (2 Pedro 1:21). a Jehovaga paihua espiritu santohuan paihua yuyaita quillcachira (2 Timoteo 3:16).
2. Pigunata Bibliamanda yachanata ushanaun
Jehovaga “caran tunu runagunama, caran tunu shimita rimaccunamas, tucui llactagunamahuas”, paihua shimita yachanauchun quillcachishca (Apocalipsis 14:6ta leipai). Chasnallata, Diosca Biblia caran shimigunai tiachun saquishca. Huinguna maican llactamanda runaguna ashahuas, Bibliataga yachanatami ushanaun.
3. Biblia cunangama tiachun nishaga Jehova imatata rara
Bibliataga animal chaquichishca caraibi, papelbi quillcac anaura. Chi quillcashcaga ismuclla manaura. Chiraicu, maican Bibliata llaquic runagunaga copiata llucshichic anaura. Alita riparasha, maquihuanlla quillcac anaura. Runaguna Bibliata tucuchinata munacpihuas, shuccuna randiga huañunagama Bibliata cuiranaura. Jehovaga tucui runaguna Bibliata charichun nisha saquishca. Chitaga mana pihuas arcashcaunachu. Bibliaga nin: “Ñucanchi Diospa shimiga huiñaigama tianga” (Isaias 40:8).
CAIMANDA MASTA YACHAI
Dios imashina Bibliata quillcachishcata yachashun. Chasnallata, Jehova cunangama Biblia tiachun nisha imasa cuirashcata, runaguna Bibliata charinauchun nisha imata rashcata ricushun.
4. Bibliata quillcachic amuga Dios man
VIDEOTA ricuichi. Chasnallata, 2 Timoteo 3:16ta leichi, huasha cai tapuigunamanda cuintanacuichi:
-
Runaguna Bibliata quillcashca acpiga, imahuata Diospa shimi an ninchi.
-
Diosca paiba yuyaita, quillcac runagunama pasachishcata quiringuichu.
Secretariomi cartata quillcan. Chasna ashahuas, cartaibi tiac yuyaiga paiba amuhuac man. Bibliahuan chasnallata man: runaguna quillcashca acpihuas, Dios rimashca yuyai man.
5. Runaguna Bibliata tucuchinata munacpihuas, Diosmi paiba shimita cuirashca
Diosca paiba shimi cunangama tiachun nisha saquishca. Callari timpuibi, ashca gubirnuguna Bibliata chingachinata munanaura. Chasnallata, iglesiata pushaccunaga runaguna Bibliata leinata mana munac chanaura. Chasna ashcamanda, enemigoguna huanchisha nicpihuas, maican runaguna Bibliata llaquisha cuiranaura. Shuc Bibliata cuirac runata ricsingahua, VIDEOTA ricuichi, huasha cai tapuigunamanda cuintanacuichi:
-
Maican runaguna Bibliata huañunagama difindishcata yachashaga manachu Bibliata masta leinata munangui. Imahua.
Salmo 119:97ta leichi, huasha cai tapuimanda cuintanacuichi:
-
Imahuata ashca runaguna Bibliata shuc shimima pasachingahua, huinguna Bibliata charingahua, paiguna causaita peligroibi churanaura.
6. Huingunaraicu libro man
Bibliaga shuc librogunamandas mas yali shimigunai pasachishca man. Chasnallata, cadsi huin runaguna Bibliata charinaun. Hechos 10:34, 35ta leichi, huasha cai tapuigunamanda cuintanacuichi:
-
Imahuata Diosca paihua shimi, huin runaguna Bibliata charichun, caran shimigunai pasachichun munan.
-
Bibliamanda imata masta gustangui.
Cadsi
huin
runagunami
Bibliata paiguna quiquin shimibi leinata ushanaun
Bibliaga
3.000
yali shimigunaibi tian,
intiru o shuc partillai
5.000 millon
Biblia llucshishca
Shuc librogunamandas mas yali surcushca libro man
MAICANGUNAGA CASNAMI NINAUN: “Bibliaga runa quillcashca yanga libro man”.
-
Canga imatata yuyangui.
-
Biblia Diospa Shimi ashcata, imata yachachitucungui.
IMATA YACHASHCANGUI
Bibliaga Diospa Shimi man. Jehovaga huin runaguna Bibliata charinauchun nisha saquishca.
Yachashcata cuintai
-
Diosca imasata quillcac runagunama paiba yuyaita pasachira.
-
Runaguna Bibliata tucuchinata munacpihuas, imasata Diosca cunangama Biblia tiachun saquishca. Huin runaguna Bibliata charishcamanda, caran shimigunai pasachishcamanda, imatata ningui.
-
Diosca paiba shimita canma cushcamanda, imasata sintiringui.
CANLLATA MASTA YACHAI
Bibliahuan callari timpumanda cunan timpugama, ima tucushcata yachai.
“Bibliaga imasata ñucanchima pactamushca” (¡Despertad!, noviembre de 2007)
Biblia imasa quimsa atun enemigogunata binsishcata leipai.
Bibliata shuc shimima pasachingahua, maican runaguna, paigunata huanchinata nicpihuas, imasa rashcata ricui.
Bibliata ashca shimima pasachisha surcushcaguna tian. Chasna acpihuas, Bibliaibi punda Dios rimashca mana cambiashcata imasata yachangui.
“Ñaupamandapacha Bibliata quillcashcaga cambiarishcachu” (jw.org internet pistuibi)
a Espiritu santoga Diospa ursa man. Mana ricuibac ushai man. 7 yachana partibi masta yachangui.
